ಆಗಸ್ಟ್ 18 ರಿಂದ ಬೆಂಗಳೂರು-ಲಂಡನ್ ನಡುವೆ ತಡೆರಹಿತ ವಿಮಾನ ಸೇವೆಗೆ ಚಾಲನೆ

ಬೆಂಗಳೂರು: ಆಗಸ್ಟ್ 18, 2024 ರಿಂದ ಬೆಂಗಳೂರು ಮತ್ತು ಲಂಡನ್ ಗ್ಯಾಟ್ವಿಕ್ (LGW) ವಿಮಾನ ನಿಲ್ದಾಣದ ನಡುವೆ ತಡೆರಹಿತ ಸೇವೆಗಳನ್ನು ಪ್ರಾರಂಭಿಸುವುದಾಗಿ ಏರ್ ಇಂಡಿಯಾ ಶುಕ್ರವಾರ ಘೋಷಿಸಿತು, ಇದು ಯುಕೆಯ ಎರಡನೇ ಅತಿದೊಡ್ಡ ವಿಮಾನ ನಿಲ್ದಾಣಕ್ಕೆ ಸಂಪರ್ಕ ಹೊಂದಿದ ಐದನೇ ನಗರ ಎನ್ನುವ ಹೆಗ್ಗಳಿಕೆಗೆ ಬೆಂಗಳೂರ ಪಾತ್ರವಾಗಿದೆ.ಏರ್ ಇಂಡಿಯಾ ಬೆಂಗಳೂರು ಮತ್ತು ಲಂಡನ್ ಗ್ಯಾಟ್ವಿಕ್ ನಡುವೆ ವಾರಕ್ಕೆ ಐದು ಜೋಡಿ ವಿಮಾನಗಳನ್ನು ನಿರ್ವಹಿಸುತ್ತದೆ.

ಇದನ್ನೂ ಓದಿ: ವಾಲ್ಮೀಕಿ ನಿಗಮದ ಹಗರಣ ಪ್ರಕರಣ: ಸಚಿವ ಸ್ಥಾನಕ್ಕೆ ನಾಗೇಂದ್ರ ರಾಜೀನಾಮೆ

ಈ ಕುರಿತಾಗಿ ಪ್ರತಿಕ್ರಿಯಿಸಿದ ಏರ್ ಇಂಡಿಯಾದ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಕ್ಯಾಂಪ್‌ಬೆಲ್ ವಿಲ್ಸನ್ "ನಮ್ಮ ಅತಿಥಿಗಳಿಗೆ ಬೆಂಗಳೂರು ಮತ್ತು ಲಂಡನ್ ಗ್ಯಾಟ್ವಿಕ್ ನಡುವೆ ಅನುಕೂಲಕರ, ತಡೆರಹಿತ ವಿಮಾನಗಳನ್ನು ನೀಡಲು ನಾವು ಸಂತೋಷಪಡುತ್ತೇವೆ.ಈ ಹೊಸ ಮಾರ್ಗವು ಈ ಎರಡು ಪ್ರಮುಖ ವ್ಯಾಪಾರ ಮತ್ತು ವಿರಾಮ ಸ್ಥಳಗಳ ನಡುವಿನ ಪ್ರಯಾಣಕ್ಕಾಗಿ ಹೆಚ್ಚುತ್ತಿರುವ ಬೇಡಿಕೆಯನ್ನು ಪೂರೈಸುತ್ತದೆ ಮತ್ತು ನಮ್ಮ ಜಾಗತಿಕ ನೆಟ್‌ವರ್ಕ್ ಅನ್ನು ವಿಸ್ತರಿಸುವ ನಮ್ಮ ಬದ್ಧತೆಯನ್ನು ಬಲಪಡಿಸುತ್ತದೆ' ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಲೋಕ ಸಮರ ಫಲಿತಾಂಶ ಎಫೆಕ್ಟ್: ಕೆಪಿಸಿಸಿ ಅಧ್ಯಕ್ಷ ಸ್ಥಾನಕ್ಕೆ ದಲಿತ-ಲಿಂಗಾಯತ ನಾಯಕರ ಒತ್ತಡ?!

ಏರ್ ಇಂಡಿಯಾ ಹೊರಡಿಸಿದ ಪತ್ರಿಕಾ ಹೇಳಿಕೆಯ ಪ್ರಕಾರ, ವಿಮಾನ ಸಂಖ್ಯೆ AI 177 ಬೆಂಗಳೂರಿನಿಂದ 13:05 (ಭಾರತೀಯ ಪ್ರಮಾಣಿತ ಸಮಯ) ಕ್ಕೆ ಹೊರಟು ಲಂಡನ್ ಗ್ಯಾಟ್ವಿಕ್‌ಗೆ 19:05 (ಗ್ರೀನ್‌ವಿಚ್ ಸರಾಸರಿ ಸಮಯ) ತಲುಪಲಿದೆ.ವಿಮಾನವು ಸೋಮವಾರ, ಬುಧವಾರ, ಗುರುವಾರ, ಶುಕ್ರವಾರ ಮತ್ತು ಭಾನುವಾರದಂದು ಕಾರ್ಯನಿರ್ವಹಿಸುತ್ತದೆ. ಅದೇ ದಿನಗಳಲ್ಲಿ, ವಿಮಾನ ಸಂಖ್ಯೆ AI 178 ಲಂಡನ್ ಗ್ಯಾಟ್ವಿಕ್‌ನಿಂದ 20:35 ಕ್ಕೆ ಹೊರಟು ಮರುದಿನ 10:50 ಕ್ಕೆ ಬೆಂಗಳೂರನ್ನು ತಲುಪುತ್ತದೆ. ಶುಕ್ರವಾರದಂದು ವಿಮಾನಗಳ ಬುಕಿಂಗ್ ತೆರೆಯಲಾಗಿದೆ.ಏರ್ ಇಂಡಿಯಾ ಪ್ರಸ್ತುತ ಅಹಮದಾಬಾದ್, ಅಮೃತಸರ, ಗೋವಾ ಮತ್ತು ಕೊಚ್ಚಿ ನಾಲ್ಕು ನಗರಗಳಿಗೆ ಲಂಡನ್ ಗ್ಯಾಟ್ವಿಕ್‌ಗೆ ಸಂಪರ್ಕಿಸುತ್ತದೆ.