ಭಾರತದಲ್ಲಿ ಕಳೆದ 24 ಗಂಟೆಗಳಲ್ಲಿ 227 COVID-19 ಪ್ರಕರಣ ದಾಖಲು

ನವದೆಹಲಿ: ಮಾರಣಾಂತಿಕ ಕರೋನವೈರಸ್ (Coronavirus)  COVID-19 ಹರಡುವುದನ್ನು ತಡೆಗಟ್ಟಲು 2020 ರ ಮಾರ್ಚ್ 24 ರ ಮಧ್ಯರಾತ್ರಿಯಿಂದ ದೇಶದ 130 ಕೋಟಿಗೂ ಹೆಚ್ಚು ಜನಸಂಖ್ಯೆ ಸಂಪೂರ್ಣ ಲಾಕ್ ಡೌನ್ ಆಗಿದೆ. ಆದಾಗ್ಯೂ ಕೊರೋನಾ ವೈರಸ್ ಪ್ರಕರಣಗಳು ದಿನದಿಂದ ದಿನಕ್ಕೆ ಏರಿಕೆ ಆಗುತ್ತಲೇ ಇದ್ದು, ಸೋಮವಾರ (ಮಾರ್ಚ್ 30) ರಾತ್ರಿ 9:30ರ ಹೊತ್ತಿಗೆ  ಒಟ್ಟು 1,251 ಕೊರೋನಾ ಪ್ರಕರಣ ದೃಢಪಟ್ಟಿದೆ. ಅದರಲ್ಲೂ ಮುಖ್ಯವಾಗಿ ಕಳೆದ 24 ಗಂಟೆಗಳಲ್ಲಿ 227 ರಷ್ಟು ಪ್ರಕರಣ ದಾಖಲಾಗಿದೆ.

ದೇಶವು ಇನ್ನೂ 'ಸ್ಥಳೀಯ ಪ್ರಸರಣ' ಹಂತದಲ್ಲಿದೆ. ಆದರೆ ಸೋಮವಾರ ಭಾರತವು 2020 ರ ಮಾರ್ಚ್ 30 ರಂದು ದೃಢಪಡಿಸಿದ ಸಕಾರಾತ್ಮಕ ಪ್ರಕರಣದ ನಂತರ 24 ಗಂಟೆಗಳಲ್ಲಿ ಗರಿಷ್ಠ ಸಂಖ್ಯೆಯ ಪ್ರಕರಣಗಳನ್ನು ದಾಖಲಿಸಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ಸೋಮವಾರ ಸಂಜೆ ಸ್ಪಷ್ಟಪಡಿಸಿದೆ. 

ಮಾರ್ಚ್ 30 ರಂದು ಐಎಸ್‌ಟಿಯಲ್ಲಿ ರಾತ್ರಿ 9:30 ಕ್ಕೆ ಆರೋಗ್ಯ ಸಚಿವಾಲಯ ಬಿಡುಗಡೆ ಮಾಡಿರುವ ಹೇಳಿಕೆಯ ಪ್ರಕಾರ, ವಿಶ್ವದ ಎರಡನೇ ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ದೇಶದಲ್ಲಿ ಕರೋನವೈರಸ್ ಪ್ರಕರಣಗಳು 1,251 ಕ್ಕೆ ಏರಿ 32 ಜನರು ಈ ಕಾಯಿಲೆಗೆ ಬಲಿಯಾಗಿದ್ದಾರೆ.

ಕೊರೊನಾವೈರಸ್ ಸಾಂಕ್ರಾಮಿಕವು ಸೋಂಕಿನ ಚಕ್ರವನ್ನು ಮುರಿಯಲು ಮಾರ್ಚ್ 24 ಮಧ್ಯರಾತ್ರಿಯಿಂದ ಏಪ್ರಿಲ್ 14 ಮಧ್ಯರಾತ್ರಿಯವರೆಗೆ ಮೂರು ವಾರಗಳವರೆಗೆ 'ಸಾಮಾಜಿಕ-ಅಂತರ' ಮತ್ತು ಲಾಕ್‌ಡೌನ್ (Lockdown) ಜಾರಿಗೆ ತರಲಾಗಿದೆ. ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೇರಿಕಾ ಸೇರಿದಂತೆ ವಿಶ್ವದ ಕೆಲವು ಮುಂದುವರಿದ ರಾಷ್ಟ್ರಗಳು , ಇಟಲಿ ಮತ್ತು ಸ್ಪೇನ್‌ಗೂ ಕೂಡ ಈ ರೀತಿಯ ಒಂದು ಹೆಜ್ಜೆ ತೆಗೆದುಕೊಳ್ಳಲು ಇದುವರೆಗೆ ಸಾಧ್ಯವಾಗುತ್ತಿಲ್ಲ.

ಕರೋನವೈರಸ್ COVID-19 ಪರಿಸ್ಥಿತಿಯ ಬಗ್ಗೆ ಭಾರತದ ರಾಜತಾಂತ್ರಿಕ ಕಾರ್ಯಾಚರಣೆಗಳ ಮುಖ್ಯಸ್ಥರೊಂದಿಗೆ ವಿಡಿಯೋ ಕಾನ್ಫರೆನ್ಸಿಂಗ್ ಮೂಲಕ ಸಂವಹನ ನಡೆಸುವಾಗ 'ಅಸಾಧಾರಣ ಸಮಯಗಳಿಗೆ ಅಸಾಧಾರಣ ಪರಿಹಾರಗಳು ಬೇಕಾಗುತ್ತವೆ' ಎಂದು ಪ್ರಧಾನಿ ನರೇಂದ್ರ ಮೋದಿ (Narendra Modi) ಸೋಮವಾರ ಹೇಳಿದ್ದಾರೆ. ಸಾಂಕ್ರಾಮಿಕ ರೋಗಕ್ಕೆ ಪ್ರತಿಕ್ರಿಯೆಯಾಗಿ ಸೋಂಕಿನ ಅಪಾಯವನ್ನು ಕಡಿಮೆ ಮಾಡಲು ಭಾರತವು 2020 ಜನವರಿಯ ಮಧ್ಯದಿಂದ ಅಭೂತಪೂರ್ವ ಮತ್ತು ತ್ವರಿತ ಕ್ರಮಗಳನ್ನು ತೆಗೆದುಕೊಂಡಿದೆ. ಇದು ಭಾರತವು ಜಾರಿಗೆ ತಂದ ವಿಶ್ವದ ಅತಿದೊಡ್ಡ ಸಂಪರ್ಕತಡೆಯನ್ನು ಮತ್ತು ಲಾಕ್‌ಡೌನ್ ಅನ್ನು ಒಳಗೊಂಡಿದೆ ಎಂದು ಪ್ರಧಾನಿ ಹೇಳಿದರು. 

ಭಾರತದಲ್ಲಿ COVID-19 ಪ್ರಕರಣಗಳ ಕಾಲಗಣನೆ ಇಲ್ಲಿದೆ:

ದಿನಾಂಕ	ಒಟ್ಟು ದೃಢ ಪ್ರಕರಣ	ಹೊಸ ಪ್ರಕರಣ
ಮಾರ್ಚ್ 20	223
ಮಾರ್ಚ್ 22	339	56
ಮಾರ್ಚ್ 24	519	104
ಮಾರ್ಚ್ 26	834	140
ಮಾರ್ಚ್ 28	918	84
ಮಾರ್ಚ್ 29	1024	106
ಮಾರ್ಚ್ 30	1251	227

ಜಾನ್ಸ್ ಹಾಪ್ಕಿನ್ಸ್ ವಿಶ್ವವಿದ್ಯಾಲಯದ ಪ್ರಕಾರ, ಮಾರ್ಚ್ 30 ರ ಸಂಜೆ 11: 40 ಕ್ಕೆ ಜಾಗತಿಕ ಅಂಕಿಅಂಶಗಳು 7,55,591 ಕ್ಕೆ ಏರಿವೆ, COVID-19 ಕಾರಣದಿಂದಾಗಿ 36,211 ಮಂದಿ ಸಾವನ್ನಪ್ಪಿದ್ದಾರೆ.

ಇಟಲಿ (Italy) ಮತ್ತು ಯುಎಸ್ (US) ಅತಿ ಹೆಚ್ಚು ಹಾನಿಗೊಳಗಾದ ರಾಷ್ಟ್ರಗಳಾಗಿವೆ, ಮೊದಲನೆಯದಾಗಿ ಈ ದೇಶಗಳು ಹೆಚ್ಚು ಸಾವುಗಳನ್ನು ಕಂಡಿದ್ದಾರೆ (11,591) ಮತ್ತು ಎರಡನೆಯದು ಹೆಚ್ಚು ದೃಢಪಡಿಸಿದ ಪ್ರಕರಣಗಳನ್ನು ಹೊಂದಿದೆ (1,48,089).