Viral Video : ಎಷ್ಟು ದೂರ ಸರಿದರೂ ಮತ್ತೆ ಮತ್ತೆ ಸಿಂಹಕ್ಕೆ ಮುತ್ತಿಕ್ಕುತ್ತಿರುವ ಆಮೆ

ಬೆಂಗಳೂರು : ಸಿಂಹ ಅಂದಾಕ್ಷಣ ಕಣ್ಣ ಮುಂದೆ ಬರುವುದು ಘನ ಗಾಂಭೀರ್ಯದಿಂದ ಓಡಾಡುವ ಕಾಡಿನ ರಾಜ (Lion Video). ಸಿಂಹ ಎಂದರೆ ಎಂಥವರಿಗೂ ಭಯ ಕಾಡುತ್ತದೆ. ಆದರೆ ವಯಸ್ಸಾದಂತೆ ಸಿಂಹ ಯಾರಿಗೂ ತೊಂದರೆ ಕೊಡುವುದಿಲ್ಲ. ಕಣ್ಣ ಮುಂದೆಯೇ ಬೇಟೆ ಇದ್ದರೂ ಅದು ಬೇಟೆಯಾಡುವುದಿಲ್ಲ. ಯಾಕೆಂದರೆ ಸಿಂಹಕ್ಕೆ ಅಷ್ಟು ಶಕ್ತಿ ಇರುವುದಿಲ್ಲ (Lion viral video). ಈ ಹೊತ್ತಿನಲ್ಲಿ ಸಣ್ಣ ಸಣ್ಣ ಪ್ರಾಣಿಗಳು ಕೂಡಾ ಸಿಂಹವನ್ನು ಕಾಡುತ್ತವೆ.   

ತೋಳಗಳು ಮುದಿ ಸಿಂಹಗಳನ್ನು ಸುತ್ತುವ ಹಾಗೂ ಬೇಟೆಯಾಡುವ ವಿಡಿಯೋಗಳನ್ನು (Video) ಅನೇಕ ಬಾರಿ ನೋಡಿರಬಹುದು. ಇದು ನೋಡುಗರನ್ನು ವಿಚಲಿತಗೊಳಿಸುತ್ತವೆ. ಆದರೆ ಇಂದು ಇಂಟರ್‌ನೆಟ್‌ನಲ್ಲಿ ವೈರಲ್ ಆಗಿರುವ ವಿಡಿಯೋದಲ್ಲಿ (Viral Video) ಆಮೆಯೊಂದು ಸಿಂಹವನ್ನು ಬೆಂಬಿಡದಂತೆ ಕಾಡುತ್ತಿದೆ. ಪದೇ ಪದೇ ಹತ್ತಿರ ಹೋಗಿ ಚುಂಬಿಸುತ್ತಿದೆ. 

ಇದನ್ನೂ ಓದಿ : Viral Video : ಗಸ್ತಿನಲ್ಲಿದ್ದಾಗ ಅರಣ್ಯ ಸಿಬ್ಬಂದಿಯನ್ನು ಅಟ್ಟಾಡಿಸಿದ ಕಾಡಾನೆ; ಚಾಲಕನ ಸಮಯಪ್ರಜ್ಞೆಯಿಂದ ತಪ್ಪಿದ ಅನಾಹುತ!

ಸಾವಿರಾರು ಜನ ಈ ವಿಡಿಯೋವನ್ನು  ಟ್ವಿಟರ್‌ನಲ್ಲಿ ವೀಕ್ಷಿಸಿದ್ದಾರೆ. ವಯಸ್ಸಾದ ಸಿಂಹವು ಕೊಳದ ನೀರು ಕುಡಿಯಲು ಬರುತ್ತದೆ (Animal Video). ಅಲ್ಲಿಗೆ ನಿಧಾನವಾಗಿ ಆಮೆ ಬರುತ್ತದೆ. ನೀರು ಕುಡಿಯುತ್ತಿರುವ ಸಿಂಹದ ಬಳಿ ಬಂದು ಮುತ್ತಿಡುತ್ತದೆ. ಸಿಂಹ ಕೊಂಚ ಇರಿಸು ಮುರುಸಾದಂತೆ ದೂರ ಸರಿಯುತ್ತದೆ. ಆದರೆ ಆಮೆ ಮತ್ತೆ ಮತ್ತೆ ಸಿಂಹದ ಬಳಿ ಹೋಗಿ ಮುತ್ತು ನೀಡುತ್ತದೆ.