ಚೆಪಾಕ್’ನಲ್ಲಿ ಶಿವಂ ದುಬೆ ಸಿಕ್ಸರ್ ಸುರಿಮಳೆ: 22 ಎಸೆತಕ್ಕೆ ಧೋನಿ ಅಪ್ಪಟ ಶಿಷ್ಯನ ಅಬ್ಬರದ ಅರ್ಧಶತಕದಾಟ!

Shivam Dube Half Century: ಚೆನ್ನೈ ಸೂಪರ್ ಕಿಂಗ್ಸ್ ಆಲ್ ರೌಂಡರ್ ಶಿವಂ ದುಬೆ 2024ರ ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ಅಬ್ಬರಿಸುತ್ತಿದ್ದಾರೆ. ಸಿಕ್ಸರ್-ಬೌಂಡರಿಗಳ ಸುರಿಮಳೆಗೈದ ದುಬೆ, ಗುಜರಾತ್ ಟೈಟಾನ್ಸ್ ವಿರುದ್ಧ ಚೆಪಾಕ್ ಸ್ಟೇಡಿಯಂನಲ್ಲಿ ಅರ್ಧಶತಕ ಸಿಡಿಸುವ ಮೂಲಕ ಅದ್ಭುತ ಫಾರ್ಮ್ ಮುಂದುವರೆಸಿದ್ದಾರೆ.

ಇದನ್ನೂ ಓದಿ: ವನಿತಾ ಏಷ್ಯಾಕಪ್ ವೇಳಾಪಟ್ಟಿ ಪ್ರಕಟ: ಭಾರತ vs ಪಾಕಿಸ್ತಾನ ಪಂದ್ಯಕ್ಕೆ ಡೇಟ್ ಫಿಕ್ಸ್!

4ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌’ಗೆ ಬಂದ ದುಬೆ, ಚೆಪಾಕ್ ಸ್ಟೇಡಿಯಂನಲ್ಲಿ 23 ಎಸೆತಗಳಲ್ಲಿ 51 ರನ್ ಗಳಿಸಿದ್ದಾರೆ. ಇದರಲ್ಲಿ ಎರಡು ಬೌಂಡರಿ ಮತ್ತು ಐದು ಸಿಕ್ಸರ್‌’ಗಳು ಸೇರಿವೆ. ಈ ಹಿಂದೆ ಆರಂಭಿಕ ಪಂದ್ಯದಲ್ಲಿ  ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ದುಬೆ ಅಜೇಯ 34 ರನ್ ಗಳಿಸಿದ್ದರು.

11ನೇ ಓವರ್‌’ನಲ್ಲಿ ಅಜಿಂಕ್ಯ ರಹಾನೆ ವಿಕೆಟ್ ಕಳೆದುಕೊಂಡಾಗ ದುಬೆ ಬ್ಯಾಟಿಂಗ್‌’ಗೆ ಮೈದಾನಕ್ಕೆ ಆಗಮಿಸಿದರು. ಮೊದಲಿಗೆ ನಾಯಕ ರುತುರಾಜ್ ಗಾಯಕ್ವಾಡ್ ಅವರೊಂದಿಗೆ 23 ರನ್’ಗಳ ಜೊತೆಯಾಟವಾಡಿದರು. ಆದರೆ ಗಾಯಕ್ವಾಡ್ 36 ಎಸೆತಗಳಲ್ಲಿ 46 ರನ್ ಗಳಿಸಿ ಆಸ್ಟ್ರೇಲಿಯಾದ ವೇಗಿ ಸ್ಪೆನ್ಸರ್ ಜಾನ್ಸನ್ ಅವರಿಂದ ಔಟಾದರು.

ಇದಾದ ನಂತರ ದುಬೆ ನಂತರ ನ್ಯೂಜಿಲೆಂಡ್‌’ನ ಡೇರಿಲ್ ಮಿಚೆಲ್ ಜೊತೆ 51 ರನ್ ಜೊತೆಯಾಟ ನಡೆಸಿ ಗುಜರಾತ್ ಟೈಟಾನ್ಸ್ ವಿರುದ್ಧ  CSK ಅತ್ಯುತ್ತಮ ಸ್ಕೋರ್ ಗಳಿಸಲು ಕಾರಣವಾದರು. ಆದರೆ 22 ಎಸೆತಗಳಲ್ಲಿ ಐವತ್ತು ರನ್ ಗಳಿಸಿದ ಬಳಿಕ ರಶೀದ್ ಖಾನ್ ಎಸೆತದಲ್ಲಿ ದುಬೆ ಔಟಾದರು.

ಇದನ್ನೂ ಓದಿ: ಪ್ರೀತಿಗಾಗಿ ಮುಸ್ಲಿಂ ಯುವತಿಯನ್ನ 2 ಬಾರಿ ಮದುವೆಯಾದ ಟೀಂ ಇಂಡಿಯಾದ ಸ್ಟಾರ್ ಕ್ರಿಕೆಟಿಗ! ಧರ್ಮವನ್ನೇ ಮೀರಿದ ಅಪರೂಪದ ಪ್ರೇಮವಿದು!

ದುಬೆ ಮಹತ್ವದ ಕೊಡುಗೆ ಸೇರಿ ಉಳಿದ 6 ಬ್ಯಾಟ್ಸ್’ಮನ್’ಗಳ ಅದ್ಭುತ ಪ್ರದರ್ಶನದ ಆಧಾರದ ಮೇಲೆ ಸಿ ಎಸ್‌ ಕೆ 6 ವಿಕೆಟ್‌ನಷ್ಟಕ್ಕೆ 206 ರನ್ ಗಳಿಸಿತು.