IPL 2020 KXIP vs MI: ತಮ್ಮ ಅತ್ಯಂತ ರೋಚಕ ಬ್ಯಾಟಿಂಗ್ ರಹಸ್ಯ ಬಿಚ್ಚಿಟ್ಟ ಕಿರೋನ್ ಪೊಲಾರ್ಡ್

ಅಬುಧಾಬಿ: ಕಿಂಗ್ಸ್ ಇಲೆವೆನ್ ಪಂಜಾಬ್ (ಕೆಎಕ್ಸ್‌ಐಪಿ) ವಿರುದ್ಧದ ಐಪಿಎಲ್ 2020 (IPL 2020) ಪಂದ್ಯದಲ್ಲಿ ಹಾರ್ದಿಕ್ ಪಾಂಡ್ಯ ಅವರೊಂದಿಗೆ ಕೊನೆಯ 23 ಎಸೆತಗಳಲ್ಲಿ 67 ರನ್ ಸೇರಿಸಿದ ಮುಂಬೈ ಇಂಡಿಯನ್ಸ್ (Mumbai Indians) ಆಲ್‌ರೌಂಡರ್ ಕಿರೋನ್ ಪೊಲಾರ್ಡ್ (Kieron Pollard), ಕೊನೆಯ 4 ಓವರ್‌ಗಳಲ್ಲಿ ಏನು ಸಾಧ್ಯ ಎಂದು ತನಗೆ ತಿಳಿದಿದೆ ಎಂದು ಹೇಳಿದರು. 

ಈ ಪಂದ್ಯದಲ್ಲಿ 'ಮ್ಯಾನ್ ಆಫ್ ದಿ ಮ್ಯಾಚ್' ಆದ ಪೊಲಾರ್ಡ್, ನೀವು ಪರಿಸ್ಥಿತಿಗೆ ಅನುಗುಣವಾಗಿ ಆಡಬೇಕು. ಬೌಲರ್‌ಗಳನ್ನು ನೋಡಿ, ಪ್ರತಿ ಓವರ್‌ನಲ್ಲಿ ಎಷ್ಟು ರನ್ ಗಳಿಸಬಹುದು ಎಂಬುದನ್ನು ನಿರ್ಧರಿಸಿ. ಇಂದು ಹಾರ್ದಿಕ್ ಬಂದು ತನ್ನ ಶಕ್ತಿಯನ್ನು ತೋರಿಸಿದ. ಕೊನೆಯ 4 ಓವರ್‌ಗಳಲ್ಲಿ ಏನು ಸಾಧ್ಯ ಎಂದು ನಮಗೆ ತಿಳಿದಿದೆ ಎಂದವರು ವಿವರಿಸಿದರು.

ಕಿಂಗ್ಸ್ ಇಲೆವೆನ್ ಪಂಜಾಬ್ (Kings XI Punjab) ನಾಯಕ ಕೆ.ಎಲ್.ರಾಹುಲ್ (KL Rahul) ಅವರು ಹೆಚ್ಚುವರಿ ಬೌಲರ್ ಅನ್ನು ಕಣಕ್ಕಿಳಿಸಬೇಕಾಗಿತ್ತು ಎಂದು ಒಪ್ಪಿಕೊಂಡರು. ಮೂರನೇ ಸೋಲಿನ ನಂತರ ಇದು ನಿರಾಶಾದಾಯಕ ಸೋಲು ಆದರೆ ನಿರಾಶೆ ಎಂದು ನಾನು ಹೇಳುವುದಿಲ್ಲ ಎಂದರು. ನಾವು 4 ಪಂದ್ಯಗಳಲ್ಲಿ ಮೂರು ಪಂದ್ಯಗಳನ್ನು ಗೆಲ್ಲಬಹುದಿತ್ತು. ಈ ಪಂದ್ಯದಲ್ಲಿ ನಾವು ಕೆಲವು ತಪ್ಪುಗಳನ್ನು ಮಾಡಿದ್ದೇವೆ. ಮುಂದಿನ ಪಂದ್ಯಗಳಲ್ಲಿ ನಾವು ಬಲವಾಗಿ ಆಡುತ್ತೇವೆ ಎಂದು ಆಶಿಸುತ್ತೇವೆ. ಇನ್ನೊಬ್ಬ ಬೌಲರ್ ಅಗತ್ಯವಿದೆ ಅಥವಾ ಬ್ಯಾಟಿಂಗ್ ಮತ್ತು ಬೌಲಿಂಗ್ ಎರಡನ್ನೂ ಮಾಡಬಲ್ಲ ಆಲ್ರೌಂಡರ್. ತರಬೇತುದಾರರೊಂದಿಗೆ ನಾವು ಒಟ್ಟಾಗಿ ನಿರ್ಧರಿಸುತ್ತೇವೆ ಎಂದವರು ತಿಳಿಸಿದರು.

ಡೆತ್ ಓವರ್ಸ್‌ನಲ್ಲಿ ಪಂಜಾಬ್‌ನ ದುರ್ಬಲ ಬೌಲಿಂಗ್‌ನ ಲಾಭವನ್ನು ತಮ್ಮ ತಂಡ ಪಡೆದುಕೊಂಡಿದೆ ಎಂದು ಮುಂಬೈ ಇಂಡಿಯನ್ಸ್ ನಾಯಕ ರೋಹಿತ್ ಶರ್ಮಾ (Rohit Sharma) ಹೇಳಿದ್ದಾರೆ. "ನಾವು ಉತ್ತಮ ಆರಂಭವನ್ನು ಹೊಂದಿಲ್ಲ ಆದರೆ ಪಂಜಾಬ್ನ ಬೌಲಿಂಗ್ ಅನ್ನು ನೋಡುವ ಮೂಲಕ ನಾವು ಮೇಕಪ್ ಮಾಡಬಹುದೆಂದು ನಿರೀಕ್ಷಿಸಿದ್ದೇವೆ" ಎಂದು ಅವರು ಹೇಳಿದರು.