ಈ Playing 11 ಜೊತೆ ಫೈನಲ್ ಆಡಲಿದೆ CSK: 5ನೇ ಟ್ರೋಫಿ ಗೆದ್ದುಕೊಡುವನು MS Dhoniಯ ಈ ನಂಬಿಕಸ್ಥ ಬೌಲರ್!

Chennai Super Kings Probable Playing-11: ಐಪಿಎಲ್ 2023 ರ ಚಾಂಪಿಯನ್ ತಂಡ ಯಾವುದಾಗಲಿದೆ ಎಂಬ ಎಲ್ಲರ ಕುತೂಹಲಕ್ಕೆ ಇಂದು ತೆರೆಬೀಳಲಿದೆ. ಅಹಮದಾಬಾದ್‌ ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಗುಜರಾತ್ ಟೈಟಾನ್ಸ್ ನಡುವೆ ಈ ಅಮೋಘ ಪಂದ್ಯ ನಡೆಯಲಿದೆ. ಏಕಾಂಗಿಯಾಗಿ ಪಂದ್ಯದ ದಿಕ್ಕನ್ನೇ ಬದಲಿಸುವ ಸಾಮರ್ಥ್ಯ ಹೊಂದಿರುವ ಎರಡೂ ತಂಡಗಳಲ್ಲಿ ಒಂದಕ್ಕಿಂತ ಹೆಚ್ಚು ಬಲಿಷ್ಠ ಆಟಗಾರರಿದ್ದಾರೆ. ಇನ್ನು ಎಂಎಸ್ ಧೋನಿ ಅವರ ನಾಯಕತ್ವ ಹೊಂದಿರುವ ಸಿ ಎಸ್‌ ಕೆ ತಂಡದ ಸಂಭವನೀಯ ಪ್ಲೇಯಿಂಗ್-11 ಹೇಗಿರಬಹುದು ಎಂದು ತಿಳಿಯೋಣ.

ಇದನ್ನೂ ಓದಿ: WTC Finalಗೂ ಮುನ್ನ ಟೀಂ ಇಂಡಿಯಾದ ಈ ಬ್ಯಾಟ್ಸ್’ಮನ್ ಅಬ್ಬರ: ಆಸೀಸ್ ಪಡೆಗೆ ದುಃಸ್ವಪ್ನವಾಗುವುದು ಖಂಡಿತ!

ಚೆನ್ನೈ ಸೂಪರ್ ಕಿಂಗ್ಸ್‌ ನ ಆರಂಭಿಕ ಬ್ಯಾಟ್ಸ್‌ ಮನ್‌ ಗಳು ಈ ಸೀಸನ್ ನಲ್ಲಿ ತಂಡಕ್ಕೆ ಒಂದಲ್ಲ, ಹಲವು ಬಾರಿ ಉತ್ತಮ ಆರಂಭವನ್ನು ನೀಡಿದ್ದಾರೆ. ಡೆವೊನ್ ಕಾನ್ವೇ ಮತ್ತು ರಿತುರಾಜ್ ಗಾಯಕ್ವಾಡ್ ಇಬ್ಬರೂ ಮಾರಕ ಫಾರ್ಮ್‌ ನಲ್ಲಿದ್ದಾರೆ. ಹೀಗಾಗಿ ಈ ಇಬ್ಬರು ಬ್ಯಾಟ್ಸ್‌ಮನ್‌ ಗಳು ಆರಂಭಿಕ ಜೋಡಿಯಾಗಿ ಫೈನಲ್‌ ಗೆ ಪ್ರವೇಶಿಸಬಹುದು. ಇದರ ನಂತರ, ಐಪಿಎಲ್ 2023 ರಲ್ಲಿ ಮೂರನೇ ಸ್ಥಾನದಲ್ಲಿ ಮಾರಣಾಂತಿಕ ಫಾರ್ಮ್ ಅನ್ನು ಪ್ರದರ್ಶಿಸುವ ಮೂಲಕ ಡಬ್ಲ್ಯುಟಿಸಿ ಫೈನಲ್‌ ನಲ್ಲಿ ಟೀಮ್ ಇಂಡಿಯಾದಲ್ಲಿ ಸ್ಥಾನ ಪಡೆದ ಅಜಿಂಕ್ಯ ರಹಾನೆ ಬ್ಯಾಟಿಂಗ್‌ ಗೆ ಬರಬಹುದು. ಈ ಋತುವಿನಲ್ಲಿ ಅವರು ಹಲವು ವೇಗದ ಇನ್ನಿಂಗ್ಸ್‌ಗಳನ್ನು ಆಡಿದ್ದಾರೆ.

ಚೆನ್ನೈ ಸೂಪರ್ ಕಿಂಗ್ಸ್‌ನ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ ಮನ್‌ ಗಳ ಬಗ್ಗೆ ಮಾತನಾಡುವುದಾದರೆ, ಇಲ್ಲಿಯೂ ವೇಗದ ಬ್ಯಾಟಿಂಗ್ ಇದೆ. ಈ ಕ್ರಮಾಂಕದಲ್ಲಿ ಶಿವಂ ದುಬೆ ಆಡಬಹುದು. ಕೆಲವೇ ಎಸೆತಗಳನ್ನು ಆಡುವ ಮೂಲಕ ಪಂದ್ಯದ ಅಲೆಯನ್ನು ತಿರುಗಿಸುತ್ತಾರೆ ದುಬೆ. ಇದಾದ ನಂತರ ಮೊಯಿನ್ ಅಲಿ ಮತ್ತು ರವೀಂದ್ರ ಜಡೇಜಾ ಇಬ್ಬರೂ ಅತ್ಯುತ್ತಮ ಆಲ್ ರೌಂಡರ್ ಗಳಾಗಿದ್ದಾರೆ. ಈ ಇಬ್ಬರೂ ಆಟಗಾರರು ಪ್ಲೇಯಿಂಗ್ -11 ಗೆ ಸೇರಬಹುದು. ಆದರೆ ಧೋನಿ ಈ ಸೀಸನ್ ನಲ್ಲಿ ಹೆಚ್ಚು ಬ್ಯಾಟಿಂಗ್ ಮಾಡಿಲ್ಲ, ಆದರೆ ಕೊನೆಯ ಕೆಲವು ಎಸೆತಗಳನ್ನು ಆಡುವ ಮೂಲಕ ತಂಡಕ್ಕೆ ಅಗತ್ಯವಿರುವ ರನ್ ಗಳನ್ನು ಸೇರಿಸಿದ್ದರು.

ಇದನ್ನೂ ಓದಿ: Team India: ಟೀಂ ಇಂಡಿಯಾಗೆ ಸಿಕ್ಕಾಯ್ತು ಧೋನಿಯಂತಹ ‘ಸ್ಮಾರ್ಟ್ ಕ್ಯಾಪ್ಟನ್’: ಈ ಆಲ್ ರೌಂಡರ್ ಹೆಸರೇಳಿದ ಗವಾಸ್ಕರ್!

ಈ ಬೌಲರ್ ಧೋನಿಯ ನಂಬಿಕಸ್ಥ! 

ಈ ಋತುವಿನಲ್ಲಿ ಧೋನಿಯ ಅತ್ಯಂತ ವಿಶ್ವಾಸಾರ್ಹ ಬೌಲರ್ ಮತಿಶ ಪತಿರಾನ ಈ ಪಂದ್ಯದಲ್ಲಿ ಆಡುವ ಸಾಧ್ಯತೆಯಿದೆ. ಪತಿರಾನ ಡೆತ್ ಓವರ್‌ ಗಳಲ್ಲಿ ಅಪಾಯಕಾರಿ ಯಾರ್ಕರ್‌ ಗಳಿಂದ ಬ್ಯಾಟ್ಸ್‌ ಮನ್‌ ಗಳಿಗೆ ತೊಂದರೆ ನೀಡಿದ್ದಾರೆ. ಇವರಲ್ಲದೆ, ಆರಂಭದಲ್ಲಿ ವಿಕೆಟ್ ಪಡೆದ ತುಷಾರ್ ದೇಶಪಾಂಡೆ ಮತ್ತು ದೀಪಕ್ ಚಹಾರ್ ಕೂಡ ಪ್ಲೇಯಿಂಗ್-11 ರ ಭಾಗವಾಗಬಹುದು. ಸ್ಪಿನ್ ಬೌಲಿಂಗ್‌ ನಲ್ಲಿ, ಮಹಿಷ್ ತೀಕ್ಷಣ ಧೋನಿಯ ವಿಶೇಷ ಬೌಲರ್ ಆಗಿ ಆಡಬಹುದು. ಆದರೆ ಆಲ್ ರೌಂಡರ್‌ ಗಳಾದ ಮೊಯಿನ್ ಅಲಿ ಮತ್ತು ರವೀಂದ್ರ ಜಡೇಜಾ ಸ್ಪಿನ್ ಬೌಲಿಂಗ್ ಅನ್ನು ಸಹ ನಿರ್ವಹಿಸುವುದನ್ನು ಕಾಣಬಹುದು.