Team India: ಈ ದಿನಾಂಕದಂದು ನಿರ್ಧಾರವಾಗುತ್ತೆ ರೋಹಿತ್-ದ್ರಾವಿಡ್ ಭವಿಷ್ಯ: ಟಿ20 ತಂಡದಲ್ಲಿ ಉಳಿಯುತ್ತಾರಾ?

BCCI Apex Council Meeting: ಟಿ20 ವಿಶ್ವಕಪ್ 2022ರ ಸೋಲಿನ ನಂತರ ರೋಹಿತ್ ಶರ್ಮಾ ಅವರ ಟಿ20 ತಂಡದ ನಾಯಕತ್ವಕ್ಕೆ ಅಪಾಯ ಎದುರಾಗಿದೆ. ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ ಶೀಘ್ರದಲ್ಲೇ ಅವರ ನಾಯಕತ್ವದ ಬಗ್ಗೆ ಮಹತ್ವದ ನಿರ್ಧಾರವನ್ನು ತೆಗೆದುಕೊಳ್ಳಲಿದೆ. ರೋಹಿತ್ ಶರ್ಮಾ ಅಲ್ಲದೆ ಮುಖ್ಯ ಕೋಚ್ ರಾಹುಲ್ ದ್ರಾವಿಡ್ ಅವರನ್ನೂ ಕೂಡ ಟಿ20 ತಂಡದಿಂದ ಕೈಬಿಡಬಹುದು. ಅಪೆಕ್ಸ್ ಕೌನ್ಸಿಲ್ ಸದಸ್ಯರ ಸಭೆಯಲ್ಲಿ ಈ ಇಬ್ಬರೂ ಆಟಗಾರರ ಭವಿಷ್ಯದ ಬಗ್ಗೆ ನಿರ್ಧಾರ ತೆಗೆದುಕೊಳ್ಳಲಾಗುವುದು.

ಇದನ್ನೂ ಓದಿ: FIFA FINAL ಟ್ರೋಫಿ ಅನಾವರಣ ಮಾಡಿದ್ದು ಕರ್ನಾಟಕ ಮೂಲದ ಬಾಲಿವುಡ್ ನಟಿ: ಯಾರಾಕೆ ಗೊತ್ತಾ?

ಬಿಸಿಸಿಐನ ಅಪೆಕ್ಸ್ ಕೌನ್ಸಿಲ್ ಸದಸ್ಯರ ಸಭೆಯು ಡಿಸೆಂಬರ್ 21 ರಂದು ನಡೆಯಲಿದೆ. ಈ ಸಭೆಯ ನಂತರ ಭಾರತೀಯ ಕ್ರಿಕೆಟ್‌ನಲ್ಲಿ ಹಲವು ದೊಡ್ಡ ಬದಲಾವಣೆಗಳನ್ನು ಕಾಣಬಹುದು. ಈ ಸಭೆಯ ನಂತರ ಬಿಸಿಸಿಐ ಹಲವು ಸ್ವರೂಪಗಳಿಗೆ ವಿವಿಧ ತರಬೇತುದಾರರು ಮತ್ತು ನಾಯಕರನ್ನು ಸಹ ಘೋಷಿಸಬಹುದು. ರೋಹಿತ್ ಶರ್ಮಾ ಅವರ ವಯಸ್ಸನ್ನು ಗಮನದಲ್ಲಿಟ್ಟುಕೊಂಡು, T20 ತಂಡದ ನಾಯಕತ್ವವನ್ನು ನೀಡಬೇಕೆ ಇಲ್ಲವೇ ಎಂಬುದನ್ನು ನಿರ್ಧರಿಸಬಹುದು. ಆದರೆ ODI ಮತ್ತು ಟೆಸ್ಟ್‌ಗಳಲ್ಲಿ ನಾಯಕರಾಗಿ ಮುಂದುವರೆಯುತ್ತಾರೆ ಎಂದು ಹೇಳಲಾಗಿದೆ.

T20 ತಂಡಕ್ಕೆ ಹೊಸ 'BOSS':

ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಟಿ20 ಸೆಟಪ್‌ಗೆ ಬೇರೆ ಕೋಚ್ ಅನ್ನು ನೇಮಿಸಲು ಯೋಚಿಸುತ್ತಿದೆ. ಇದರರ್ಥ ಮುಖ್ಯ ಕೋಚ್ ರಾಹುಲ್ ದ್ರಾವಿಡ್ ಅವರನ್ನು ಟಿ 20 ತಂಡದಿಂದ ಕೈಬಿಡಬಹುದು. ಟೀಂ ಇಂಡಿಯಾ ಜನವರಿಯಲ್ಲಿ ಶ್ರೀಲಂಕಾ ವಿರುದ್ಧ ಟಿ20 ಸರಣಿಯನ್ನು ಆಡಬೇಕಿದೆ. ಈ ಸರಣಿಯಲ್ಲಿ ಟೀಂ ಇಂಡಿಯಾ ಹೊಸ ನಾಯಕ ಹಾಗೂ ಕೋಚ್‌ನೊಂದಿಗೆ ಕಣಕ್ಕಿಳಿಯಬಹುದು. ಟಿ20 ನಾಯಕರಾಗುವ ರೇಸ್‌ನಲ್ಲಿ ಹಾರ್ದಿಕ್ ಪಾಂಡ್ಯ ಮುಂಚೂಣಿಯಲ್ಲಿದ್ದಾರೆ. ಜೊತೆಗೆ, ರಾಹುಲ್ ದ್ರಾವಿಡ್ ಅವರ ಕೆಲಸದ ಹೊರೆ ಕಡಿಮೆ ಮಾಡಲು, ಅವರ ಸ್ಥಾನವನ್ನು ಹೊಸ ಕೋಚ್ T20 ತಂಡದಲ್ಲಿ ಸೇರಿಸಬಹುದು.

ಇದನ್ನೂ ಓದಿ: Argentina Fan Topless: ಫಿಫಾ ಕಪ್ ಗೆಲ್ಲುತ್ತಿದ್ದಂತೆ ಬಟ್ಟೆ ಬಿಚ್ಚಿ ಲೈವ್ ಪಂದ್ಯದ ವೇಳೆಯೇ ಕುಣಿದಾಡಿದ ಅರ್ಜೆಂಟೀನಾ ಫ್ಯಾನ್!!

ಇನ್ಸೈಡ್ ಸ್ಪೋರ್ಟ್ಸ್ ಜೊತೆ ಮಾತನಾಡಿದ ಬಿಸಿಸಿಐನ ಹಿರಿಯ ಅಧಿಕಾರಿಯೊಬ್ಬರು ಅಪೆಕ್ಸ್ ಕೌನ್ಸಿಲ್ ಸದಸ್ಯರ ಸಭೆಯ ಬಗ್ಗೆ ತಿಳಿಸಿದ್ದಾರೆ. 'ನಾವು ಮತ್ತೆ ಮತ್ತೆ ಸೋಲಲು ಸಾಧ್ಯವಿಲ್ಲ. ನಾವು ಈಗ ಯಾವುದೇ ಅವಕಾಶಗಳನ್ನು ತೆಗೆದುಕೊಳ್ಳುವುದಿಲ್ಲ. ಈಗಾಗಲೇ ರೋಹಿತ್ ಶರ್ಮಾ ಅವರೊಂದಿಗೆ ಚರ್ಚೆ ನಡೆಸುತ್ತಿದ್ದೇವೆ. ಟಿ 20 ಮಾದರಿಗೆ ಹೊಸ ನಾಯಕನನ್ನು ನೇಮಿಸುವ ಬಗ್ಗೆ ಅವರು ಯಾವುದೇ ಆಕ್ಷೇಪ ತೋರಿಸಿಲ್ಲ. ನಾವು ರಾಹುಲ್ ದ್ರಾವಿಡ್ ಜೊತೆ ಕೂಡ ಇದೇ ರೀತಿ ಮಾಡುತ್ತೇವೆ. ನಾವು ಅವರ ಹೊರೆಯನ್ನು ಕಡಿಮೆ ಮಾಡಲು ಬಯಸುತ್ತೇವೆ. ಶೀಘ್ರದಲ್ಲೇ ಅವರನ್ನು ಭೇಟಿ ಮಾಡುತ್ತೇವೆ” ಎಂದು ಹೇಳಿದ್ದಾರೆ.