Tokyo Olympics: ಭಾರತಕ್ಕೆ ಮತ್ತೊಂದು ದೊಡ್ಡ ಯಶಸ್ಸು, ಕ್ವಾರ್ಟರ್ ಫೈನಲ್‌ಗೆ ಪ್ರವೇಶ ಪಡೆದ ದೀಪಿಕಾ ಕುಮಾರಿ

ಟೋಕಿಯೊ: ಭಾರತೀಯ ಮಹಿಳಾ ಬಿಲ್ಲುಗಾರರಾದ ದೀಪಿಕಾ ಕುಮಾರಿ ಟೋಕಿಯೊ ಒಲಿಂಪಿಕ್ಸ್‌ನ (Tokyo Olympics) ವೈಯಕ್ತಿಕ ಸ್ಪರ್ಧೆಯ ಕ್ವಾರ್ಟರ್ ಫೈನಲ್‌ಗೆ ತಲುಪಿದ್ದಾರೆ. ಯುಮೆನೋಶಿಮಾ ಫೈನಲ್ ಫೀಲ್ಡ್ ನಲ್ಲಿ ನಡೆದ 1/8 ಎಲಿಮಿನೇಷನ್ ಸುತ್ತಿನಲ್ಲಿ ದೀಪಿಕಾ ಕುಮಾರಿ 6-5 ರ ಆರ್ಓಸಿಯ ಕೀನ್ಯಾ ಪೆರೋವಾ ಅವರನ್ನು ಮಣಿಸಿ ಕ್ವಾರ್ಟರ್ ಫೈನಲ್‌ಗೆ ಪ್ರವೇಶ ಪಡೆದರು.

ಕ್ವಾರ್ಟರ್ ಫೈನಲ್‌ನಲ್ಲಿ ದೀಪಿಕಾ ಕುಮಾರಿ:
ದೀಪಿಕಾ ಕುಮಾರಿ (Deepika Kumari) ಮೊದಲ ಸೆಟ್‌ನ್ನು 28-25ರಿಂದ ಗೆದ್ದು 2-0 ಮುನ್ನಡೆ ಸಾಧಿಸಿದ್ದರು. ಆದರೆ ಪೆರೋವಾ ಎರಡನೇ ಸೆಟ್‌ ಅನ್ನು 27-26 ಗೆದ್ದು ಸ್ಕೋರ್‌ ಅನ್ನು 2-2 ಮಾಡಿದರು. ನಂತರ ದೀಪಿಕಾ ಎರಡನೇ ಸೆಟ್ ಅನ್ನು 28-27 ಗೆದ್ದು 4-2 ಮುನ್ನಡೆ ಸಾಧಿಸಿದರು. ಆದರೆ ಪೆರೋವಾ ಮುಂದಿನ ಸೆಟ್ ನಲ್ಲಿ ತನ್ನ ಮಟ್ಟವನ್ನು ಉಳಿಸಿಕೊಂಡು ಸ್ಕೋರ್ ಅನ್ನು 5-3 ಕ್ಕೆ ಇಳಿಸಿದರು.

ಇದನ್ನೂ ಓದಿ- Tokyo Olympics 2020: ಮ್ಯಾಚ್ ಗೂ ಮುನ್ನ ಜುಡೋ ಅಥ್ಲೀಟ್ ಗೆ ಕೋಚ್ ನಿಂದ ಕಪಾಳಮೋಕ್ಷ, ಆಶ್ಚರ್ಯಕ್ಕೊಳಗಾದ ಪ್ರೇಕ್ಷಕರು

ಪಂದ್ಯವನ್ನು 6-5ರಿಂದ ಗೆದ್ದ ದೀಪಿಕಾ :
ನಂತರ ಪೆರೋವಾ ಐದನೇ ಸೆಟ್ ಅನ್ನು 28-25 ರಿಂದ ಗೆದ್ದು ಸ್ಕೋರ್ ಅನ್ನು 5-5ಕ್ಕೆ ತಂದರು. ಆದರೆ, ಇದರ ನಂತರ ಒಂದು ಶೂಟ್ ಆಫ್ ಪಾಯಿಂಟ್ ಆಯೋಜಿಸಲಾಯಿತು, ಇದರಲ್ಲಿ ದೀಪಿಕಾ 7 ವಿರುದ್ಧ 10 ಅಂಕಗಳನ್ನು ಪಡೆಯುವ ಮೂಲಕ ಪಂದ್ಯವನ್ನು 6-5ರಲ್ಲಿ ಗೆದ್ದರು.

ಇದನ್ನೂ ಓದಿ- Viral Video: ಬೆಳ್ಳಿ ಗೆದ್ದ ಮೀರಾಬಾಯಿ ಚಾನುಗೆ ಸಿಕ್ಕಿತು ಚಿನ್ನದಂತಹ ಸ್ವಾಗತ..!

ಕ್ವಾರ್ಟರ್‌ಫೈನಲ್‌ನಲ್ಲಿ ದೀಪಿಕಾ ಸ್ಯಾನ್ ಎನ್ ಅವರನ್ನು ಎದುರಿಸಲಿದ್ದಾರೆ:
ಮೂರನೇ ಬಾರಿಗೆ ಒಲಿಂಪಿಕ್ಸ್ (Olympics) ಆಡುತ್ತಿರುವ ದೀಪಿಕಾ ಕುಮಾರಿ, ಒಲಿಂಪಿಕ್ ಆರ್ಚರಿ ಸ್ಪರ್ಧೆಯ ಕೊನೆಯ ಎಂಟನ್ನು ತಲುಪಿದ ಮೊದಲ ಭಾರತೀಯ ಬಿಲ್ಲುಗಾರ್ತಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಕ್ವಾರ್ಟರ್ ಫೈನಲ್‌ನಲ್ಲಿ ದೀಪಿಕಾ ದಕ್ಷಿಣ ಕೊರಿಯಾ ಸ್ಯಾನ್ ಆನ್ ಅವರನ್ನು ಎದುರಿಸಲಿದ್ದಾರೆ.