Vi ಬಳಕೆದಾರರಿಗೆ Disney Plus Hotstar ಸಂಪೂರ್ಣ ಉಚಿತ : ಜಿಯೋ, ಏರ್ ಟೆಲ್ ಗೆ ಭಾರೀ ಟಕ್ಕರ್ !

Disney+ Hotstar subscription for free : ಭಾರತದ ಟಾಪ್ OTT ಪ್ಲಾಟ್‌ಫಾರ್ಮ್‌ಗಳೆಂದರೆ ಮೊದಲು ನಮ್ಮ ಮನಸ್ಸಿಗೆ ಬರುವುದೇ Netflix, Amazon Prime Video, Jio Cinema ಮತ್ತು Disney+ Hotstar. ಎಲ್ಲಾ ಪ್ಲಾಟ್‌ಫಾರ್ಮ್‌ಗಳಲ್ಲಿ ಬಹಳಷ್ಟು ಕಂಟೆಂಟ್ ಗಳು ಲಭ್ಯವಿದೆ. Disney + Hotstar ನಲ್ಲಿ ಕೆಲವೊಂದು ಕಾರ್ಯಕ್ರಮಗಳು ಫ್ರೀಯಾಗಿದ್ದರೆ, ಚಲನಚಿತ್ರಗಳು ಅಥವಾ ಕೆಲವು ಶೋ ಗಳನ್ನು ವೀಕ್ಷಿಸಲು ಚಂದಾದಾರಿಕೆಯ ಅಗತ್ಯವಿದೆ. ಹಣ ಪಾವತಿಸದೆಯೇ ಡಿಸ್ನಿ+ ಹಾಟ್‌ಸ್ಟಾರ್ ಅನ್ನು ಉಚಿತವಾಗಿ ವೀಕ್ಷಿಸಲು ಬಯಸಿದರೆ, Viನ ಈ ಯೋಜನೆಯು  ನಿಮಗೆ ಸಹಾಯ ಮಾಡಲಿದೆ. ಕಂಪನಿಯು ಡಿಸ್ನಿ+ ಹಾಟ್‌ಸ್ಟಾರ್ ಚಂದಾದಾರಿಕೆಯನ್ನು ಅತ್ಯಂತ ಅಗ್ಗದ ಯೋಜನೆಯೊಂದಿಗೆ ನೀಡುತ್ತಿದೆ. ಈ ಚಂದಾದಾರಿಕೆಯು ಕೇವಲ 155 ರೂ.ಗಳ ಯೋಜನೆಯಲ್ಲಿ ಲಭ್ಯವಿದೆ. 

ಉಚಿತ ಡಿಸ್ನಿ+ ಹಾಟ್‌ಸ್ಟಾರ್ ಚಂದಾದಾರಿಕೆ :
Vi  155 ರೂ ಪ್ಲಾನ್ : 
ವೊಡಾಫೋನ್ ಐಡಿಯಾದ 155 ರೂ ಪ್ಲಾನ್ 30 ದಿನಗಳ ಮಾನ್ಯತೆಯೊಂದಿಗೆ ಬರುತ್ತದೆ.  ಇದರಲ್ಲಿ 8GB ಡೇಟಾ ಸಿಗುತ್ತದೆ. ಈ ಪ್ಲಾನ್ ನಲ್ಲಿ ಉಚಿತ ಡಿಸ್ನಿ + ಹಾಟ್‌ಸ್ಟಾರ್ ಚಂದಾದಾರಿಕೆ 3 ತಿಂಗಳವರೆಗೆ ಲಭ್ಯವಿದೆ. ಇದು ಆಡ್ ಆನ್ ಪ್ಲಾನ್ ಎನ್ನುವುದು ಇಲ್ಲಿ ಗಮನಿಸಬೇಕಾದ ಅಂಶ. 

ಇದನ್ನೂ ಓದಿ : ಸಾರ್ವಜನಿಕರ ಒಳಿತಿಗಾಗಿ AI ಬಳಕೆ ಕುರಿತಂತೆ ಪ್ರಧಾನಿ ಮೋದಿ ಜೊತೆ ಬಿಲ್ ಗೇಟ್ಸ್ ಸುದೀರ್ಘ ಚರ್ಚೆ

ಏರ್‌ಟೆಲ್ 839 ರೂ . ಪ್ಲಾನ್ : 
ಏರ್‌ಟೆಲ್‌ನ 839 ರೂ. ಪ್ಲಾನ್ 84 ದಿನಗಳ ಮಾನ್ಯತೆಯನ್ನು ನೀಡುತ್ತದೆ. ಇದು ಪ್ರತಿದಿನ 2GB ಡೇಟಾವನ್ನು ಒದಗಿಸುತ್ತದೆ ಮಾತ್ರವಲ್ಲ ಇದರಲ್ಲಿ ಅನಿಯಮಿತ ಕರೆ ಸೌಲಭ್ಯ ಕೂಡಾ ಇದೆ. ಈ ಯೋಜನೆಯಲ್ಲಿ ಪ್ರತಿದಿನ 100 SMS ಲಭ್ಯವಿದೆ. ಯೋಜನೆಯಲ್ಲಿ 5G ಡೇಟಾ ಆಫರ್ ನೀಡಲಾಗುತ್ತದೆ. ಇದಲ್ಲದೇ, ಉಚಿತ ಡಿಸ್ನಿ+ ಹಾಟ್‌ಸ್ಟಾರ್ ಚಂದಾದಾರಿಕೆಯು  3 ತಿಂಗಳವರೆಗೆ ಲಭ್ಯವಿದೆ. 

ಜಿಯೋ 328 ರೂ. ಪ್ಲಾನ್ :
ಜಿಯೋದ  328 ರೂ. ಪ್ಲಾನ್ 28 ದಿನಗಳ ಮಾನ್ಯತೆಯನ್ನು ಹೊಂದಿದೆ. ಇದಲ್ಲದೆ, ಇದರಲ್ಲಿ ದಿನಕ್ಕೆ 1.5GB ಡೇಟಾವನ್ನು ನೀಡಲಾಗುತ್ತದೆ.ಈ ಯೋಜನೆಯಲ್ಲಿ, ಬಳಕೆದಾರರು 3 ತಿಂಗಳವರೆಗೆ ಉಚಿತ ಡಿಸ್ನಿ+ ಹಾಟ್‌ಸ್ಟಾರ್ ಚಂದಾದಾರಿಕೆಯನ್ನು ಪಡೆಯುತ್ತಾರೆ. 

ಇದನ್ನೂ ಓದಿ : WhatsApp New Feature: ವಾಟ್ಸ್ ಆಪ್ ನಲ್ಲಿ ಇನ್ಮುಂದೆ ದಿನಾಂಕ ಆಧರಿಸಿ ನೀವು ಈ ಕೆಲಸ ಮಾಡಬಹುದು, ಹೊಸ ವೈಶಿಷ್ಟ್ಯ ಬಿಡುಗಡೆ!