Reliance AGM 2024:ಅತೀ ಅಗ್ಗದ 5G Phone ಇಂದು ಬಿಡುಗಡೆ ಮಾಡಲಿದ್ದಾರೆ ಮುಖೇಶ್ ಅಂಬಾನಿ !

Reliance AGM 2024 today : ರಿಲಯನ್ಸ್ ಇಂಡಸ್ಟ್ರೀಸ್‌ನ 47ನೇ ವಾರ್ಷಿಕ ಸಾಮಾನ್ಯ ಸಭೆ (ಎಜಿಎಂ) ಇಂದು ನಡೆಯಲಿದೆ.ಕಂಪನಿಯ ಅಧ್ಯಕ್ಷ ಮುಖೇಶ್ ಅಂಬಾನಿ ಈ ಸಮಾರಂಭದಲ್ಲಿ ರಿಲಯನ್ಸ್ ಇಂಡಸ್ಟ್ರೀಸ್ ಮತ್ತು ಜಿಯೋ ಕುರಿತು ಕೆಲವು ಪ್ರಮುಖ ಘೋಷಣೆಗಳನ್ನು ಮಾಡಲಿದ್ದಾರೆ.ಇಂದು ಹೊರ ಬೀಳಲಿರುವ ಪ್ರಕಟಣೆಗಳು Jioನ ಯೂಸರ್  ಬೇಸ್ ಗ್ರೋಥ್ ಬಗ್ಗೆ ಬೆಳಕು ಚೆಲ್ಲಲಿದೆ.ರಿಲಯನ್ಸ್ ಇಂಡಸ್ಟ್ರೀಸ್ ನ ಎಜಿಎಂ ಇಂದು ಮಧ್ಯಾಹ್ನ 2 ಗಂಟೆಯಿಂದ ಆರಂಭವಾಗಲಿದೆ.

AI ಕುರಿತು ಪ್ರಕಟಣೆಗಳು :
ಇತ್ತೀಚಿನ ದಿನಗಳಲ್ಲಿ,ವಿಶ್ವದ ದೊಡ್ಡ ತಂತ್ರಜ್ಞಾನ ಕಂಪನಿಗಳು ಜನರೇಟಿವ್ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) ನಲ್ಲಿ ಸಾಕಷ್ಟು ಹೂಡಿಕೆ ಮಾಡುತ್ತಿವೆ.ಗೂಗಲ್ ಮತ್ತು ಆಪಲ್ ಎರಡೂ ತಮ್ಮದೇ ಆದ AI ಪರಿಕರಗಳನ್ನು ಘೋಷಿಸಿವೆ.ಮುಖೇಶ್ ಅಂಬಾನಿಯವರ ಕಂಪನಿಯು ಭಾರತ-ಕೇಂದ್ರಿತ ಹನುಮಾನ್ AI ಗಾಗಿ ವಿಸ್ತರಣಾ ಯೋಜನೆಗಳನ್ನು ಘೋಷಿಸಬಹುದು ಎನ್ನಲಾಗಿದೆ. ಹನುಮಾನ್ AI ಅನ್ನು ಈ ವರ್ಷದ ಆರಂಭದಲ್ಲಿ ಪ್ರಾರಂಭಿಸಲಾಯಿತು.Chat GPTನಂತೆ, ಈ AI ಉಪಕರಣವು ಪ್ರಶ್ನೆಗಳಿಗೆ  ತ್ವರಿತ ಪ್ರತಿಕ್ರಿಯೆಗಳನ್ನು ಒದಗಿಸುತ್ತದೆ.ವರದಿಗಳ ಪ್ರಕಾರ,ಈ ಉಪಕರಣವನ್ನು ದೇಶದ ಏಳು ಐಐಟಿಗಳು,ಎಸ್‌ಎಂಎಲ್ ಇಂಡಿಯಾ ಮತ್ತು ಇತರ ಹಲವು ಕಂಪನಿಗಳು ಜಂಟಿಯಾಗಿ ಅಭಿವೃದ್ಧಿಪಡಿಸಿವೆ.ಹನುಮಾನ್ AI ಹಿಂದಿ, ಮರಾಠಿ, ಗುಜರಾತಿ, ಬೆಂಗಾಲಿ, ಕನ್ನಡ ಮತ್ತು ಒರಿಯಾ ಸೇರಿದಂತೆ 12 ಭಾರತೀಯ ಭಾಷೆಗಳನ್ನು ಮತ್ತು 98 ವಿದೇಶಿ ಭಾಷೆಗಳನ್ನು ಬೆಂಬಲಿಸುತ್ತದೆ.

ಇದನ್ನೂ ಓದಿ : ಬಂದ್ ಆಗುತ್ತಾ ಅನ್ಲಿಮಿಟೆಡ್ ಕಾಲ್, ಡೇಟಾ ಪ್ಲಾನ್ಸ್: ಜಿಯೋ, ಏರ್‌ಟೆಲ್‌, ವಿಐ ಗ್ರಾಹಕರಿಗೆ ಹೆಚ್ಚಾಯ್ತು ಟೆನ್ಷನ್

ಜಿಯೋ 5 ಜಿ  : 
ಜಿಯೋ ದೇಶಾದ್ಯಂತ 5G ಸೇವೆಗಳನ್ನು ಆರಂಭಿಸಿದೆ.ಕಂಪನಿಯು ತನ್ನ 5G ನೆಟ್‌ವರ್ಕ್‌ನ ವಿಸ್ತರಣೆ ಮತ್ತು ಬಳಕೆದಾರರ ಅಂಕಿಅಂಶಗಳ ಬಗ್ಗೆ ವಿವರಗಳನ್ನು ಹಂಚಿಕೊಳ್ಳಬಹುದು.ಇದರ ಹೊರತಾಗಿ,ಜಿಯೋ ಫೈಬರ್ ಮತ್ತು ಜಿಯೋ ಏರ್‌ಫೈಬರ್ ಅನ್ನು ಒಳಗೊಂಡಿರುವ ಅದರ ಟೆಲಿಕಾಂ ನೆಟ್‌ವರ್ಕ್‌ನಲ್ಲಿ AI ಮತ್ತು ಹೊಸ ತಂತ್ರಜ್ಞಾನದ ಕುರಿತು ಪ್ರಕಟಣೆಗಳು ಸಹ ಹೊರ ಬೀಳಬಹುದು. 

JioPhone 5G : 
ರಿಲಯನ್ಸ್ ಇಂಡಸ್ಟ್ರೀಸ್‌ನಲ್ಲಿ ಕಂಪನಿಯು ತನ್ನ ಕೈಗೆಟುಕುವ 5G ಸ್ಮಾರ್ಟ್‌ಫೋನ್ ಅನ್ನು ಅನಾವರಣಗೊಳಿಸುವ ಸಾಧ್ಯತೆಯಿದೆ.JioPhone 4G ನಂತೆ,ಬಳಕೆದಾರರು ಕೈಗೆಟುಕುವ 5G ಸ್ಮಾರ್ಟ್‌ಫೋನ್ ಖರೀದಿಸುವ ಆಯ್ಕೆಯನ್ನು ಇನ್ನು ಮುಂದೆ ಪಡೆಯಬಹುದು. ಕಂಪನಿಯು ಈ ಹಿಂದೆ ಗೂಗಲ್ ಸಹಯೋಗದೊಂದಿಗೆ ತನ್ನ ಬಜೆಟ್ ಸ್ನೇಹಿ 4G ಸ್ಮಾರ್ಟ್‌ಫೋನ್ ಅನ್ನು ಬಿಡುಗಡೆ ಮಾಡಿತ್ತು.

ಇದನ್ನೂ ಓದಿ : ಜಿಯೋ ಸಿನಿಮಾದಲ್ಲಿ ಪ್ಯಾರಿಸ್ ಪ್ಯಾರಾಲಿಂಪಿಕ್ ಗೇಮ್ಸ್-2024 ನೇರಪ್ರಸಾರ