Whatsapp ತನ್ನ ಬಳಕೆದಾರರಿಗೆ ಕಾಲಕಾಲಕ್ಕೆ ಹೊಸ ವೈಶಿಷ್ಟ್ಯಗಳನ್ನು ಜಾರಿಗೆ ತರುತ್ತಲೇ ಇರುತ್ತದೆ. ಇದೇ ಸರಣಿಯಲ್ಲಿ ಇದೀಗ ವಾಟ್ಸಾಪ್ ತನ್ನ ವೈಶಿಷ್ಟ್ಯಗಳಿಗೆ ಮತ್ತೊಂದು ಹೊಸ ವೈಶಿಷ್ಟ್ಯವನ್ನು ಸೇರಿಸುವ ಮೂಲಕ ಬಳಕೆದಾರರ ಸಂತಸ ಇಮ್ಮಡಿಗೊಳಿಸಲು ಮುಂದಾಗಿದೆ. ಆದರೆ, ಈ ಹೊಸ ವೈಶಿಷ್ಟ್ಯದ ಪ್ರಯೋಜನವನ್ನು ಪಡೆಯಲು, ನೀವು ಹಣ ಪಾವತಿಸಬೇಕಾಗಲಿದೆ. ಏಕೆಂದರೆ, ಈ ಹೊಸ ವೈಶಿಷ್ಟ್ಯ ಮೂಲಕ, ನೀವು ನಿಮ್ಮ ಖಾತೆಯನ್ನು ಬಹು ಸಾಧನಗಳೊಂದಿಗೆ ಸಂಪರ್ಕಿಸಲು ನಿಮಗೆ ಸಾಧ್ಯವಾಗಲಿದೆ. ಅಂದರೆ, ನೀವು ಬಹು ಸಾಧನಗಳಲ್ಲಿ ನಿಮ್ಮ ವಾಟ್ಸ್ ಆಪ್ ಖಾತೆಯನ್ನು ಬಳಸಬಹುದು. ಈ ವೈಶಿಷ್ಟ್ಯದ ಮೂಲಕ, ಬಳಕೆದಾರರು ತಮ್ಮ ಒಂದೇ ಖಾತೆಯನ್ನು ನಾಲ್ಕಕ್ಕಿಂತ ಹೆಚ್ಚು ಸಾಧನಗಳಲ್ಲಿ ಬಳಸಲು ಸಾಧ್ಯವಾಗಲಿದೆ ಎಂಬುದು ಇಲ್ಲಿ ವಿಶೇಷ. ಇದಕ್ಕಾಗಿ, ನೀವು ಚಂದಾದಾರಿಕೆಯನ್ನು ತೆಗೆದುಕೊಳ್ಳಬೇಕಾಗುತ್ತದೆ. ಆದರೆ, ಈ ಚಂದಾದಾರಿಕೆ ಎಲ್ಲರಿಗೂ ಕೂಡ ಅನ್ವಯಿಸುವುದಿಲ್ಲ ಎನ್ನಲಾಗಿದೆ.

COMMERCIAL BREAK
SCROLL TO CONTINUE READING

ಚಂದಾದಾರಿಕೆಯ ಅವಶ್ಯಕತೆ ಏನು?
ತ್ವರಿತ ಸಂದೇಶ ರವಾನಿಸುವ ಅಪ್ಲಿಕೇಶನ್ ವಿಶೇಷ ರೀತಿಯ ಪೇಡ್ ಫೀಚರ್ ಅನ್ನು ಪರೀಕ್ಷಿಸುತ್ತಿದೆ. ಇದರ ಅಡಿಯಲ್ಲಿ, ಬಳಕೆದಾರರು ಒಂದೇ ಖಾತೆಯನ್ನು ಬಹು ಸಾಧನಗಳೊಂದಿಗೆ ಸಂಯೋಜಿಸಲು ಸಾಧ್ಯವಾಗಲಿದೆ. ಇತ್ತೀಚಿನ ದಿನಗಳಲ್ಲಿ, ಬಳಕೆದಾರರು ಟ್ಯಾಬ್ಲೆಟ್‌ಗಳು, ಲ್ಯಾಪ್‌ಟಾಪ್‌ಗಳು ಮತ್ತು ಸ್ಮಾರ್ಟ್‌ಫೋನ್‌ಗಳಲ್ಲಿ ಮಾತ್ರ ಒಂದೇ ಖಾತೆಯನ್ನು ಬಳಸಲು ಸಾಧ್ಯವಾಗುತ್ತಿದೆ. ಅಂದರೆ, ನೀವು ಎರಡು ಸ್ಮಾರ್ಟ್‌ಫೋನ್‌ಗಳಲ್ಲಿ ಒಂದೇ ಖಾತೆಯನ್ನು ಬಳಸಲು ಸಾಧ್ಯವಿಲ್ಲ, ಆದರೆ ಈ ವೈಶಿಷ್ಟ್ಯವನ್ನು ಪರಿಚಯಿಸಿದ ನಂತರ, ಅದೂ ಕೂಡ ನಿಮಗೆ ಸಾಧ್ಯವಾಗಲಿದೆ.

ಯಾವ ಹೆಚ್ಚುವರಿ ವೈಶಿಷ್ಟ್ಯಗಳು ಇದರಲ್ಲಿರಲಿವೆ?
Wabetainfo ವರದಿಯ ಪ್ರಕಾರ, ಈ ಚಂದಾದಾರಿಕೆ ಆಧಾರಿತ  ವೈಶಿಷ್ಟ್ಯದ ಯೋಜನೆಗಳು WhatsApp ಬಿಸ್ನೆಸ್ ಖಾತೆದಾರರಿಗಾಗಿ ಇರಲಿದೆ. ಈ ವೈಶಿಷ್ಟ್ಯವನ್ನು ಬಳಸುವ ಬಳಕೆದಾರರು, ಅವರಿಗೆ ಬಳಸಲು ಸಾಧ್ಯವಾಗುವ ಹಲವು ಹೆಚ್ಚುವರಿ ವೈಶಿಷ್ಟ್ಯಗಳನ್ನು ಪಡೆಯಲಿದ್ದಾರೆ. ಪ್ರಸ್ತುತ, ಬಳಕೆದಾರರು ನಾಲ್ಕು ಸಾಧನಗಳನ್ನು ಸೇರಿಸುವ ಮೂಲಕ ಒಂದೇ ಖಾತೆಯನ್ನು ಬಳಸಬಹುದು, ಆದರೆ, ಚಂದಾದಾರಿಕೆಯನ್ನು ತೆಗೆದುಕೊಂಡ ನಂತರ, ಅವರು 10 ಸಾಧನಗಳಲ್ಲಿ ತಮ್ಮ ಒಂದೇ ವಾಟ್ಸ್ ಆಪ್ ಖಾತೆಯನ್ನು ಬಳಸಬಹುದು.


ಇದನ್ನೂ ಓದಿ-Facebook: ಶೀಘ್ರದಲ್ಲಿಯೇ ಫೇಸ್ ಬುಕ್ ನಲ್ಲಿ ಶಾರ್ಟ್ ಫಾರ್ಮ್ ಸೌಂಡ್ ಬೈಟ್ಸ್ ಹಾಗೂ ಪಾಡಕಾಸ್ಟ್ ಗಳು ಬರಲಿವೆ !

ಏನಿದು ಯೋಜನೆ?
ಪ್ರಸ್ತುತ, ನಿಮ್ಮ ಏಕೈಕ ಖಾತೆಗೆ ಸಂಪರ್ಕಗೊಂಡಿರುವ ಒಂದು ಸಾಧನದೊಂದಿಗೆ ಮಾತ್ರ ನೀವು ಕೆಲಸ ಮಾಡಬಹುದು. Wabetainfo ವರದಿಯ ಪ್ರಕಾರ, Whatsapp ಚಂದಾದಾರಿಕೆ ಆಧಾರಿತ ಯೋಜನೆಯ ಮೇಲೆ ಕಾರ್ಯನಿರ್ವಹಿಸುತ್ತಿದೆ. ಇದು ವಿಶೇಷವಾಗಿ WhatsApp ವ್ಯಾಪಾರ ಬಳಕೆದಾರರಿಗಾಗಿ ಇರಲಿದೆ. ಸಾಧನಗಳನ್ನು ಲಿಂಕ್ ಮಾಡಲು ಅಪ್ಲಿಕೇಶನ್ ಹೊಸ ಪ್ರಯೋಗವನ್ನು ನಡೆಸುತ್ತಿದೆ. ಅಂದರೆ, ಹೊಸ ಇಂಟರ್ಫೇಸ್ ಅನ್ನು ರಚಿಸಲಿದೆ. ಪರಿಷ್ಕರಿಸಿದ ಇಂಟರ್ಫೇಸ್‌ನಲ್ಲಿ ಬಹು-ಸಾಧನ ಬೆಂಬಲಕ್ಕಾಗಿ WhatsApp ಹೊಸ ವಿವರಣೆಯನ್ನು ಸಿದ್ಧಪಡಿಸುತ್ತಿದೆ. ತನ್ಮೂಲಕ  ಮೂಲಕ ಬಳಕೆದಾರರು ಒಂದೇ ಖಾತೆಯನ್ನು ಬಹು ಸಾಧನಗಳೊಂದಿಗೆ ಬಳಸಲು ಸಾಧ್ಯವಾಗಲಿದೆ. ವ್ಯಾಪಾರ WhatsApp ಖಾತೆಗಳಿಗಾಗಿ ಈ ಹೊಸ ವೈಶಿಷ್ಟ್ಯವನ್ನು ಸಿದ್ಧಪಡಿಸಲಾಗುತ್ತಿದೆ ಎಂಬುದು ಇಲ್ಲಿ ಗಮನಾರ್ಹ.


ಇದನ್ನೂ ಓದಿ-Job Opportunity: ಒಂದು ಲಕ್ಷ ಜನರಿಗೆ ಉದ್ಯೋಗಾವಕಾಶ ಕಲ್ಪಿಸಲಿರುವ ಗೇಮಿಂಗ್ ಪ್ಲಾಟ್ ಫಾರ್ಮ್ Winzo

ಆದರೆ, WhatsApp ನ ಈ ವೈಶಿಷ್ಟ್ಯವು ಉಚಿತವಾಗಿ ಲಭ್ಯವಿರುವುದಿಲ್ಲ. ನೀವು ಇದಕ್ಕೆ ಚಂದಾದಾರರಾಗಿದ್ದರೆ, ನೀವು ಇತರ ಹಲವು ವೈಶಿಷ್ಟ್ಯಗಳನ್ನು ಸಹ ಪಡೆಯುವಿರಿ. ಆದಾಗ್ಯೂ, ಇದಕ್ಕೆ ಚಂದಾದಾರರಾಗಬೇಕೆ ಅಥವಾ ಬೇಡವೇ ಎಂಬುದು ಸಂಪೂರ್ಣವಾಗಿ ನಿಮಗೆ ಬಿಟ್ಟ ವಿಷಯವಾಗಿರಲಿದೆ. ಈ ವೈಶಿಷ್ಟ್ಯ, ಚಂದಾದಾರಿಕೆ ಆಧಾರಿತ Twitter ಬ್ಲೂನಂತೆಯೇ ಇರಲಿದೆ ಎನ್ನಲಾಗಿದೆ.


ಇದನ್ನೂ ನೋಡಿ-


https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.