ಇನ್ನು ಈ ರೀತಿ ಡೇಟಾ ಬ್ಯಾಕ್ ಅಪ್ ಮಾಡಲಿದೆ WhatsApp, ಬಳಕೆದಾರರ ಮೇಲಾಗುವ ಪರಿಣಾಮ ಏನು?

ನವದೆಹಲಿ : ಹೊಸ ವೈಶಿಷ್ಟ್ಯದೊಂದಿಗೆ ವಾಟ್ಸಾಪ್ ಶೀಘ್ರದಲ್ಲೇ ಬರಲಿದೆ. ಇದು ಆಂಡ್ರಾಯ್ಡ್ (Android ) ಬಳಕೆದಾರರಿಗೆ ಚಾಟ್ ಬ್ಯಾಕಪ್ ವ್ಯವಸ್ಥೆಯನ್ನು ಸ್ವಲ್ಪ ಬದಲಾಯಿಸುತ್ತದೆ. ಈ ಬದಲಾವಣೆಯು ವಾಟ್ಸಾಪ್ ಸ್ಟೇಟಸ್ ಬ್ಯಾಕಪ್ (WhatsApp Status) ಮಾಡುವುದನ್ನು ನಿಲ್ಲಿಸುತ್ತದೆ. ಆಂಡ್ರಾಯ್ಡ್‌ನ ಬೀಟಾ ಆವೃತ್ತಿಯ ಹೊಸ ಸಾಮರ್ಥ್ಯವು ಪ್ರಸ್ತುತ ವಾಟ್ಸಾಪ್‌ನ ಒಂದು ಭಾಗವಾಗಿದೆ ಎಂದು ವಾಬೆಟಾಇನ್‌ಫೋ ತನ್ನ ವರದಿಯಲ್ಲಿ ವರದಿ ಮಾಡಿದೆ.

ಬದಲಾಗಲಿದೆ ವಾಟ್ಸಾಪ್ ಚಾಟ್ ಬ್ಯಾಕಪ್ : 
ವರದಿಯ ಪ್ರಕಾರ, ಬಳಕೆದಾರರು ವಾಟ್ಸಾಪ್ (Whatsapp) ಅಪ್ಲಿಕೇಶನ್ ಡೇಟಾವನ್ನು ಬ್ಯಾಕಪ್ ಮಾಡಿದಾಗ, ಸ್ಟೋರೇಜ್ ಸೇವ್ ಮಾಡಲು, ಸ್ಟೇಟಸ್ (Whatsapp status) ಅಪ್ಡೇಟ್ ಅನ್ನು ಬ್ಯಾಕ್ ಅಪ್ ಮಾಡಲಾಗುವುದಿಲ್ಲ. ಅನೇಕ ಬಳಕೆದಾರರು ಸ್ಟೇಟಸ್ ನಲ್ಲಿ ವಿಡಿಯೋಗಳನ್ನು ಅಪ್ ಲೊಡ್ ಮಾಡಿರುತ್ತಾರೆ. ಹೀಗಾದಾಗ ಬ್ಯಾಕ್ ಅಪ್ ಗಾತ್ರ ಕೂಡಾ ಹೆಚ್ಚುತ್ತದೆ. ಸ್ಟೆಟಸ್ ಅಪ್ಡೇಟ್ ಬ್ಯಾಕ್ ಅಪ್ ಮಾಡದೇ ಹೋದರೆ ಸ್ಟೋರೇಜ್ ಸಮಸ್ಯೆ ನಿವಾರಣೆಯಾಗುತ್ತದೆ..

ಇದನ್ನೂ ಓದಿ : Covid-19 Vaccine Certificate ನಲ್ಲಿನ ತಪ್ಪಾಗಿರುವ ಮಾಹಿತಿ ಮನೆಯಿಂದಲೇ ಸರಿಪಡಿಸುವುದು ಹೇಗೆ?

Google ಡ್ರೈವ್‌ನಲ್ಲಿ (Google drive) ಬ್ಯಾಕಪ್ ಮಾಡುವಾಗಲೂ ಇದು ಬದಲಾಗಬಹುದು. ವಾಟ್ಸಾಪ್ ಬಳಕೆದಾರರ ಸ್ಮಾರ್ಟ್‌ಫೋನ್‌ನಲ್ಲಿ ಡೇಟಾವನ್ನು ಬ್ಯಾಕಪ್ ಮಾಡಲು ಪ್ರಾರಂಭಿಸಬಹುದು. ಆದ್ದರಿಂದ, ಕಣ್ಮರೆಯಾಗುತ್ತಿರುವ ವಾಟ್ಸಾಪ್ ಸ್ಟೇಟಸ್ ಅನ್ನು ಸೇವ್ ಮಾಡದಿರಲು ಕಂಪನಿ ನಿರ್ಧರಿಸಬಹುದು. 

ಅಪ್ಲಿಕೇಶನ್‌ನ ಐಒಎಸ್ (iOS ) ಆವೃತ್ತಿಯೊಂದಿಗೆ ಹೀಗಾಗುವುದಿಲ್ಲ. ಇದರಲ್ಲಿ ವಾಟ್ಸಾಪ್ ಸ್ಟೆಟಸ್ ಅನ್ನು ಸೇರಿಸಲಾಗಿಲ್ಲ. ಈ ಹೊಸ ವೈಶಿಷ್ಟ್ಯವು ಪ್ರಸ್ತುತ ವಾಟ್ಸಾಪ್ನ ಆಂಡ್ರಾಯ್ಡ್ ಬೀಟಾ ಆವೃತ್ತಿ 2.21.13.6 ನ ಭಾಗವಾಗಿದೆ. ಎಲ್ಲಾ ಬಳಕೆದಾರರಿಗೆ ಇದು ಯಾವಾಗ ಜಾರಿಗೆ ಬರಲಿದೆ ಎನ್ನುವುದು ಇನ್ನೂ ಸ್ಪಷ್ಟವಾಗಿಲ್ಲ.

ಇದನ್ನೂ ಓದಿ : ಈ ಕೆಲಸ ಮಾಡಿದರೆ ನಾನ್ ಸ್ಮಾರ್ಟ್ ಟಿವಿಯಲ್ಲೂ ವೀಕ್ಷಿಸಬಹುದು Netflix