Viral Video : ದಾರಿಯುದ್ದಕ್ಕೂ ಯುವಕನನ್ನು ಅಟ್ಟಾಡಿಸಿಕೊಂಡು ಬಂದು ಮದುವೆಯಾದ ಯುವತಿ

ಬಿಹಾರ : ಋಣಾನುಬಂಧ ರೂಪೇಣ ಪತಿ ಪತ್ನಿ ಸುತ ಆಲಯ ಎನ್ನುವ ಮಾತಿದೆ. ಹೌದು, ಪ್ರತಿಯೊಬ್ಬನ  ಮದುವೆ, ಸಂಗಾತಿ ಇವೆಲ್ಲವೂ ಮೊದಲೇ ನಿರ್ಧರಿತವಾಗಿರುತ್ತದೆ ಎಂದು ಹೇಳಲಾಗುತ್ತದೆ. ಎಷ್ಟೇ ಬೇಡ ಬೇಡವೆಂದರೂ ದೇವರು ನಿರ್ಧಾರ ಮಾಡಿದ ಜೋಡಿಯನ್ನು ಮುರಿಯುವುದು ಸಾಧ್ಯವಿಲ್ಲ ಎನುವುದನ್ನು ನಮ್ಮ ಹಿರಿಯರು ಆಗಾಗ ಹೇಳುವುದನ್ನು ನಾವು ಕೇಳಿರುತ್ತೇವೆ. ಕೆಲವೊಂದು ಘಟನೆಗಳನ್ನು ನೋಡುವಾಗ ಈ ಮಾತು ಅಕ್ಷರಶಃ ನಿಜ ಎನಿಸುತ್ತದೆ. 

ಬಿಹಾರದ ನವಾಡದಲ್ಲಿ ನಡೆದಿರುವ ಈ ಘಟನೆ ನೋಡಿದರೆ ಮೇಲಿನ ಮಾತು ಸರಿ ಎನಿಸುತ್ತದೆ. ಈ ಘಟನೆ ನೋಡಿದರೆ ಒಮ್ಮೆ ನಡುಕ ಹುಟ್ಟಿಸುತ್ತದೆ. ಇಲ್ಲಿ ಯುವತಿಯೊಬ್ಬಳು ರಸ್ತೆಯುದ್ದಕ್ಕೂ ಯುವಕನನ್ನು ಅಟ್ಟಾಡಿಸಿಕೊಂಡು ಬಂದಿದ್ದಾಳೆ. ನಡುರಸ್ತೆಯಲ್ಲಿ ವರನನ್ನು ಹಿಡಿದು ನಿಲ್ಲಿಸಿ ಈತನೊಂದಿಗೆ ನನ್ನ ಮದುವೆ ಮಾಡಿಸಿ ಎಂದು ನೆರೆದಿದ್ದ ಜನರ ಮುಂದೆ ಗೋಗರೆದಿದ್ದಾಳೆ.  

ಇದನ್ನೂ ಓದಿ : Viral Video: ಬೆಕ್ಕಿಗೆ ಮುತ್ತಿಡಲು ಆರಂಭಿಸಿದ ಹಾವು.! ಬೆಕ್ಕಿನ ಪ್ರತಿಕ್ರಿಯೆ ಹೇಗಿದೆ ನೋಡಿ

ವಾಸ್ತವವಾಗಿ ಈ ಯುವಕ ಮತ್ತು ಯುವತಿಯ ಮದುವೆ ಮೂರು ತಿಂಗಳ ಹಿಂದೆಯೇ ನಿಗದಿಯಾಗಿತ್ತಂತೆ. ವರದಕ್ಷಿಣೆಯ ರೂಪದಲ್ಲಿ ವಧುವಿನ ಕಡೆಯವರು ವರನಿಗೆ ಬೈಕ್ ಮತ್ತು 50 ಸಾವಿರ ರೂಪಾಯಿ ನಗದು ಕೂಡಾ ನೀಡಿದ್ದಾರೆ ಎನ್ನಲಾಗಿದೆ. ಆದರೆ ಯುವಕ ಮಾತ್ರ ಕುಂಟು ನೆಪ ಹೇಳಿಕೊಂಡು ಮದುವೆಯನ್ನು ಮುಂದೂಡುತ್ತಾ ಬಂದಿದ್ದಾನೆ. ಆದರೆ ಯಾವಾಗ ಯುವತಿ ತನ್ನನ್ನು ಮದುವೆಯಾಗಬೇಕಿದ್ದ ಯುವಕನ್ನು ಮಾರುಕಟ್ಟೆಯಲ್ಲಿ ನೋಡಿದ್ದಾಳೋ, ತನ್ನನ್ನು ಈ ಕೂಡಲೇ ಮದುವೆಯಾಗುವಂತೆ ಹಠ ಹಿಡಿದಿದ್ದಾಳೆ. 

ಯಾವಾಗ ಎಲ್ಲಿ ಏನು ನಡೆಯಬೇಕೋ ಅದು ನಡೆದೇ ತೀರಬೇಕು ಎನ್ನುತ್ತಾರಲ್ಲ ಹಾಗೆ, ಎಷ್ಟೇ ಬೇಡ ಎಂದು ಸುತ್ತಾಡಿದರೂ ಕೊನೆಗೆ ಅದೇ ಯುವತಿಯನ್ನು ಪತ್ನಿಯಾಗಿ ಸ್ವೀಕರಿಸಲೇ ಬೇಕಾಯಿತು. ಗಲಾಟೆಯಾಗಲೀ , ಏನೀ ಆಗಲಿ ಇಬ್ಬರೂ ಸತಿ ಪತಿಯಾಗಿದ್ದು ಆಯಿತು.