ಈ ಡ್ರೈವರ್ ನ ಡ್ರೈವಿಂಗ್ ಸ್ಕಿಲ್ ಗೆ ಆನಂದ್ ಮಹೀಂದ್ರಾ ಕೂಡ ನಿಬ್ಬೆರಗಾಗಿದ್ದಾರೆ... ನೋಡಿ ಈ ವೈರಲ್ ವಿಡಿಯೋ!

ನವದೆಹಲಿ: ಖ್ಯಾತ ಉದ್ಯಮಿ ಆನಂದ್ ಮಹೀಂದ್ರಾ ಸಾಮಾಜಿಕ ಜಾಲತಾಣದಲ್ಲಿ ತುಂಬಾ ಸಕ್ರಿಯರಾಗಿದ್ದಾರೆ. ಅವರ ಸಾಮಾಜಿಕ ಮಾಧ್ಯಮ ಹ್ಯಾಂಡಲ್ ಮೂಲಕ, ಅವರು ಕೆಲವೊಮ್ಮೆ ತಮಾಷೆಯ ಮತ್ತು ಕೆಲವೊಮ್ಮೆ ಭಾವನಾತ್ಮಕ ವೀಡಿಯೊಗಳನ್ನು ಹಂಚಿಕೊಳ್ಳುತ್ತಾರೆ. ಅನೇಕ ಬಾರಿ ಅವರು ಸಾಮಾಜಿಕ ಮಾಧ್ಯಮದಲ್ಲಿ ಪ್ರೇರಕ ಮತ್ತು ವಾಹನ ಸಂಬಂಧಿತ ವೀಡಿಯೊಗಳನ್ನು ಹಂಚಿಕೊಳ್ಳುತ್ತಲೇ ಇರುತ್ತಾರೆ. ಇತ್ತೀಚೆಗೆ ಅವರು ಇಬ್ಬರು ಕಾರ್ ಡ್ರೈವರ್‌ಗಳ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ, ಈ ವಿಡಿಯೋ ನೋಡಿ ಎಲ್ಲರೂ ನಿಬ್ಬೆರಗಾಗಿದ್ದಾರೆ. (Viral News In Kannada)

ಆನಂದ್ ಮಹೀಂದ್ರಾ ಅವರು ಹಂಚಿಕೊಂಡಿರುವ ವಿಡಿಯೋದಲ್ಲಿ ಬಿಳಿ ಮತ್ತು ಕಪ್ಪು ಬಣ್ಣದ ಎರಡು ಕಾರುಗಳು ಏಕಾಏಕಿ ಮುಖಾಮುಖಿಯಾಗುತ್ತಿರುವುದನ್ನು ನೀವು ಕಾಣಬಹುದು. ಒಂದು ವಾಹನ ಸಾಗುವಷ್ಟು ಕಿರಿದಾದ ಜಾಗವಿದ್ದು, ಇನ್ನೊಂದು ಬದಿಯಲ್ಲಿ ಹಳ್ಳ ಕಾಣುತ್ತಿದೆ. ಏತನ್ಮಧ್ಯೆ, ಹುಡುಗಿ ಮೊದಲು ಕಾರನ್ನು ಬ್ಯಾಕಪ್ ಮಾಡಿ ತನ್ನ ಕಾರನ್ನು ಸಾಧ್ಯವಾದಷ್ಟು ಪಕ್ಕಕ್ಕೆ ಸರಿಸುತ್ತಾಳೆ. ಆದರೆ ಇನ್ನೊಂದು ಕಾರನ್ನು ಹೊರತೆಗೆಯಲು ಸ್ಥಳಾವಕಾಶ ಸಾಕಾಗುವುದಿಲ್ಲ. ಮರು ಕ್ಷಣದಲ್ಲಿಯೇ ಕಪ್ಪು ಬಣ್ಣದ ಕಾರನ್ನು ಓಡಿಸುವ ಚಾಲಕ ಕಾರನ್ನು ಎರಡು ಚಕ್ರಗಳ ಮೇಲೆ ಚಲಾಯಿಸುವ ಮೂಲಕ ಕಾರನ್ನು ಅಲ್ಲಿಂದ ಸಲೀಸಾಗಿ ಹೊರಗೆತೆಗೆದುಕೊಂಡು ಹೋಗುತ್ತಾನೆ.

ಇದನ್ನೂ ಓದಿ-ವೇಗದ ಮುಂದೆ ಮಂಡಿಯೂರಿದ ಸರೋವರದ ಆಳ, ನೀರಿನ ಮೇಲೆ ಕಾರ್ ಓಡಿಸಿಕೊಂಡು ಹೋದ ವ್ಯಕ್ತಿ... ವಿಡಿಯೋ ನೋಡಿ!

ಆನಂದ್ ಮಹೀಂದ್ರಾ ಅವರು ಈ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ ಮತ್ತು ಸರಿ, ಸರಿ ಎಂದು ಹೇಳಿದ್ದಾರೆ. ವಾದ ಮಾಡುವುದಕ್ಕಿಂತ ಇದು ಉತ್ತಮವಾಗಿದೆ ಎಂದು ನಾನು ಭಾವಿಸುತ್ತೇನೆ. ಆದರೆ ಇದನ್ನು ಮನೆಯಲ್ಲಿ ಪ್ರಯತ್ನಿಸಬೇಡಿ ಎಂದಿದ್ದಾರೆ. ಈ ವಿಡಿಯೋವನ್ನು ಇದುವರೆಗೆ 2 ಲಕ್ಷಕ್ಕೂ ಹೆಚ್ಚು ಮಂದಿ ವೀಕ್ಷಿಸಿದ್ದಾರೆ. ಈ ವೀಡಿಯೋ ನೋಡಿದ ನಂತರ ಜನರು ತರಹೇವಾರಿ ಪ್ರತಿಕ್ರಿಯೆಗಳನ್ನು ಕೂಡ ನೀಡುತ್ತಿದ್ದಾರೆ

ಇದನ್ನೂ ಓದಿ-ಇಂಥಾ ಘೋರ ಅವಮಾನ ನೀವು ನಿಮ್ಮ ಲೈಫಲ್ಲೆ ನೋಡಿರಲಿಕ್ಕಿಲ್ಲ.... ವಿಡಿಯೋ ನೋಡಿ!

ವೀಡಿಯೋ ನೋಡಿದ ಜನ ಪ್ರತಿಕ್ರಿಯೆ  ಹೇಗಿದೆ?
ಈ ವಿಡಿಯೋ ನೋಡಿದ ಜನರು ಸಾಮಾಜಿಕ ಜಾಲತಾಣಗಳಲ್ಲಿ ಅಚ್ಚರಿ ವ್ಯಕ್ತಪಡಿಸುತ್ತಿದ್ದಾರೆ. ಮಹೀಂದ್ರಾ ಥಾರ್‌ ಜೀಪ್ ನಲ್ಲಿ ನಮಗೆ ಈ ವೈಶಿಷ್ಟ್ಯ ಬೇಕು ಎಂದು ಕೆಲವರು ಬರೆದಿದ್ದಾರೆ. ಮಹೀಂದ್ರಾ ವಾಹನ ಇದನ್ನು ಮಾಡಬಲ್ಲದು ಅಂತ ನನಗೆ ನಂಬಿಕೆಯಾಗುತ್ತಿಲ್ಲ ಎಂದು ಬೇರೊಬ್ಬ ಬಳಕೆದಾರರು ಬರೆದಿದ್ದಾರೆ. ಮೂರನೇ ಬಳಕೆದಾರರು, 'ಆನಂದ್ ಸರ್, ದಯವಿಟ್ಟು ಇಂತಹ ದೃಶ್ಯವನ್ನು ಚಿತ್ರೀಕರಿಸಿ ಅದರ ವೀಡಿಯೊವನ್ನು ಪೋಸ್ಟ್ ಮಾಡಿ ಎಂದು ಬರೆದಿದ್ದಾರೆ. ಆದರೆ ಕೆಲವರು 'ಈ ರೀತಿ ಮಾಡುವುದು ಎಷ್ಟು ಅಪಾಯಕಾರಿಯಾಗಿದೆ ಎಂದು ಬರೆದಿದ್ದಾರೆ. 

ವೈರಲ್ ವೀಡಿಯೋ ಇಲ್ಲಿದೆ ನೋಡಿ...