ಇನ್ನೂ ಎಷ್ಟು ತಿಂಗಳು ಮುಂದುವರೆಯಲಿದೆ ಕರೋನಾ ಕಾಳಗ, ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದ್ದೇನು?

ಜಿನೀವಾ: ವಿಶ್ವದಾದ್ಯಂತ ಪ್ರತಿ 10 ಜನರಲ್ಲಿ ಒಬ್ಬರು ಕೋವಿಡ್ -19 ಸೋಂಕಿಗೆ ಒಳಗಾಗಬಹುದು ಎಂದು ವಿಶ್ವ ಆರೋಗ್ಯ ಸಂಸ್ಥೆ (World Health Organization) ಹೇಳಿದೆ. ಅಂದಾಜಿನ ಪ್ರಕಾರ 'ವಿಶ್ವದ ಜನಸಂಖ್ಯೆಯ ಬಹುಪಾಲು ಭಾಗವು ಅಪಾಯದಲ್ಲಿದೆ' ಎಂದು ಉನ್ನತ ಡಬ್ಲ್ಯುಎಚ್‌ಒ (WHO) ಅಧಿಕಾರಿಯೊಬ್ಬರು ಹೇಳಿದ್ದಾರೆ. ಕರೋನಾವೈರಸ್ ಪ್ರಕರಣಗಳ ನೈಜ ಸಂಖ್ಯೆ ಅಂಕಿಅಂಶಗಳಿಗಿಂತ ಹೆಚ್ಚಿನದಾಗಿರಬಹುದು ಎಂದು ತಜ್ಞರು ಬಹಳ ಹಿಂದಿನಿಂದಲೂ ಹೇಳುತ್ತಿದ್ದಾರೆ.

ಹತ್ತು ತಿಂಗಳು ಪರಿಹಾರವಿಲ್ಲ:-
ಡಬ್ಲ್ಯುಎಚ್‌ಒ ಆರೋಗ್ಯ ತುರ್ತು ಕಾರ್ಯಕ್ರಮದ ಕಾರ್ಯನಿರ್ವಾಹಕ ನಿರ್ದೇಶಕ ಮೈಕ್ ರಯಾನ್ ಜಿನೀವಾ ಕೇಂದ್ರ ಕಚೇರಿಯಲ್ಲಿ ಸಾಂಕ್ರಾಮಿಕ ರೋಗವನ್ನು ನಿಯಂತ್ರಿಸುವ ಸಭೆಯಲ್ಲಿ, "ಮುಂದಿನ ಹತ್ತು ತಿಂಗಳುಗಳು ಮತ್ತು ಬಿಕ್ಕಟ್ಟನ್ನು ಕೊನೆಗೊಳಿಸುವ ಯಾವುದೇ ಲಕ್ಷಣಗಳಿಲ್ಲ". ಅನೇಕ ದೇಶಗಳಲ್ಲಿ ಕರೋನಾವೈರಸ್ ನಿಯಂತ್ರಣಕ್ಕೆ ವಿಧಿಸಲಾದ ನಿರ್ಬಂಧಗಳನ್ನು ಸಡಿಲಿಸಿದ ನಂತರ ಎರಡನೇ ತರಂಗ ಬರುತ್ತಿದೆ. ಇದರಲ್ಲಿ ಕರೋನಾ ರೋಗಿಗಳ ಸಂಖ್ಯೆ ಹೆಚ್ಚುತ್ತಿದೆ ಎಂಬ ಅಂಶವನ್ನು ಬಹಿರಂಗ ಪಡಿಸಿದ್ದಾರೆ.

ಕೊರೊನಾವೈರಸ್ ಸೋಂಕಿತ 10 ಪ್ರತಿಶತ ಜನರು!
ಮೈಕ್ ರಯಾನ್ ಅಂದಾಜಿನ ಪ್ರಕಾರ ವಿಶ್ವದ ಜನಸಂಖ್ಯೆಯ ಶೇಕಡಾ 10ರಷ್ಟು ಜನರು ಕರೋನವೈರಸ್ (Coronavirus) ಸೋಂಕಿಗೆ ಒಳಗಾಗಿದ್ದಾರೆ. ಕರೋನಾವೈರಸ್ ಸೋಂಕಿನ ಅಪಾಯವು ನಗರ ಮತ್ತು ಗ್ರಾಮೀಣ ಪ್ರದೇಶಗಳಿಗಿಂತ ಭಿನ್ನವಾಗಿದೆ ಎಂದು 34 ಸದಸ್ಯರ ಮಂಡಳಿಯ ಸಭೆಯಲ್ಲಿ ರಿಯಾನ್ ಹೇಳಿದರು.

ಜಗತ್ತು ಈಗ ಮೊದಲಿಗಿಂತ ಹೆಚ್ಚು ತೊಂದರೆಯಲ್ಲಿದೆ:-
ಸಾಂಕ್ರಾಮಿಕ ರೋಗ ಹೆಚ್ಚುತ್ತಿದೆ ಎಂದು ರಿಯಾನ್ ಎಚ್ಚರಿಸಿದ್ದಾರೆ. ಜಗತ್ತು ಹಿಂದೆಂದಿಗಿಂತಲೂ ಹೆಚ್ಚು ತೊಂದರೆಯಲ್ಲಿದೆ. ಆದರೆ ಪ್ರಸರಣವನ್ನು ನಿಯಂತ್ರಿಸುವ ಮತ್ತು ಜೀವಗಳನ್ನು ಉಳಿಸುವ ಸಾಮರ್ಥ್ಯವಿರುವ ಸಾಧನಗಳನ್ನು ನಾವು ಹೊಂದಿದ್ದೇವೆ ಎಂದು ಅವರು ಹೇಳಿದರು.

ಡಬ್ಲ್ಯುಎಚ್‌ಒ ಮಹಾನಿರ್ದೇಶಕ ಟೆಡ್ರೊಸ್ ಅಡ್ಹೋಮ್ ಘೆಬಾಯಸ್ ದೇಶಗಳಿಂದ ಒಗ್ಗಟ್ಟನ್ನು ಮತ್ತು ದೃಢ ನಾಯಕತ್ವವನ್ನು ಕೋರಿದರು. ಈ ವೈರಸ್‌ನಿಂದ ಎಲ್ಲಾ ದೇಶಗಳು ಬಾಧಿತವಾಗಿವೆ. ಇದು ಅಸಾಮಾನ್ಯ ಸಾಂಕ್ರಾಮಿಕ ಎಂದು ಬಣ್ಣಿಸಿದರು.

ಜಾನ್ಸ್ ಹಾಪ್ಕಿನ್ಸ್ ವಿಶ್ವವಿದ್ಯಾಲಯದ ವರದಿಯ ಪ್ರಕಾರ ಒಂದು ದಶಲಕ್ಷಕ್ಕೂ ಹೆಚ್ಚು ಜನರು ಈ ವೈರಸ್‌ನಿಂದ ಸಾವನ್ನಪ್ಪಿದ್ದಾರೆ. ಅಮೆರಿಕದ ನಂತರ ಭಾರತ ಮತ್ತು ಬ್ರೆಜಿಲ್ ಅತಿ ಹೆಚ್ಚು ಸೋಂಕನ್ನು ಕಂಡಿದೆ.