UK School: ವಿಚಿತ್ರ ವಾರ್ನಿಂಗ್! `ಮಕ್ಕಳ ತಾಯಂದಿರರು ಶಾಲೆಯಲ್ಲಿ ತುಂಡುಡುಗೆ ಧರಿಸುವಂತಿಲ್ಲ`

ಲಂಡನ್: ಯುನೈಟೆಡ್ ಕಿಂಗ್ಡಂನ (United Kingdom) ವೆಸ್ಟ್ ಸಸೆಕ್ಸ್ ನಿಂದ ಆಶ್ಚರ್ಯಚಕಿತಗೊಳಿಸುವ ಪ್ರಕರಣವೊಂದು ಬೆಳಕಿಗೆ ಬಂದಿದೆ. ಇಲ್ಲಿನ ಒಂದು ಪ್ರೈಮರಿ ಶಾಲೆಯಲ್ಲಿ ಶಾಲಾ ಆಡಳಿತ ಮಕ್ಕಳ ತಾಯಂದಿರರಿಗೆ ಪತ್ರವೊಂದನ್ನು ಬರೆದು, ಮಕ್ಕಳಿಗೆ ಶಾಲೆಗೆ ಬಿಡಲು ಬರುವಾಗ ತುಂಡುಡುಗೆ  (UK School Asks Mothers Not To Wear Skimpy Clothes) ಧರಿಸಿ ಬರಬಾರದು ಎಂದು ವಾರ್ನಿಂಗ್ ನೀಡಿದೆ.

ವಿದ್ಯಾರ್ಥಿಗಳ ತಾಯಂದಿರರಿಗೆ ವಾರ್ನಿಂಗ್ ನೀಡಿದ ಶಾಲೆ
'ದಿ ಸನ್'ನಲ್ಲಿ ಪ್ರಕಟಗೊಂಡ ವರದಿಯೊಂದರ ಪ್ರಕಾರ, ವೆಸ್ಟ್ ಸಸೆಕ್ಸ್ ನ ಸೀಮಾರ್ ಪ್ರೈಮರಿ ಸ್ಕೂಲ್ ಬರೆದಿರುವ ಪತ್ರದಲ್ಲಿ ಮಕ್ಕಳ ತಾಯಂದಿರರು ಒಳ್ಳೆಯ ಬಟ್ಟೆಗಳನ್ನು ಧರಿಸಬೇಕು ಹಾಗೂ ಇತರರಿಗೆ ಮಾದರಿಯಾಗಬೇಕು ಎನ್ನಲಾಗಿದೆ. ಒಳಉಡುಪಿನ ರೀತಿಯಲ್ಲಿರುವ ಬಟ್ಟೆಗಳನ್ನು ನೀವು ಧರಿಸುವಂತಿಲ್ಲ ಎಂದು ಹೇಳಲಾಗಿದೆ.

ಪ್ಲೇಗ್ರೌಂಡ್ ಎಟಿಕೆಟ್ಸ್ ಕಾರಣ ನೀಡಿದ ಶಾಲೆ
ಅತಿ ಹೆಚ್ಚು ತುಂಡುಡುಗೆ ಧರಿಸುವುದು ಉತ್ತಮ ರೂಢಿ ಅಲ್ಲ ಇದು ಆಟದ ಗ್ರೌಂಡ್ ಮಾರ್ಗಸೂಚಿಗಳ ಪ್ರಕಾರ ಸರಿ ಅಲ್ಲ ಎಂದು ಪತ್ರದಲ್ಲಿ ಉಲ್ಲೇಖಿಸಲಾಗಿದೆ.

ಇದನ್ನೂ ಓದಿ-ವಿಮಾನದ ಮೆಟ್ಟಿಲು ಏರುವ ವೇಳೆ 3 ಬಾರಿ ಎಡವಿದ ಅಮೇರಿಕ ಅಧ್ಯಕ್ಷ Joe Biden

ವಿದ್ಯಾರ್ಥಿಯೊಬ್ಬರ ತಾಯಿಯಿಂದ ವಿರೋಧ
ಶಾಲೆ ಹೊರಡಿಸಿರುವ ಈ ಪತ್ರಕ್ಕೆ ವಿದ್ಯಾರ್ಥಿಯೊಬ್ಬರ ತಾಯಿ ವಿರೋಧವ್ಯಕ್ತಪಡಿಸಿದ್ದಾರೆ. ನಾವೇನು ಧರಿಸಬೇಕು ಮತ್ತು ಏನನ್ನು ಧರಿಸಬಾರದು  ಎಂಬುದು ಶಾಲೆ ಹೇಳುವಂತಿಲ್ಲ ಎಂದು ಅವರು ತಮ್ಮ ಅಸಮಾಧಾನ ಹೊರಹಾಕಿದ್ದಾರೆ.  ಇದಕ್ಕೆ ಪ್ರತಿಕ್ರಿಯಿಸಿದ ಮರ್ರೋರ್ವ ವಿದ್ಯಾರ್ಥಿಯ ತಾಯಿ ಶಾಲಾ ಆಡಳಿತಕ್ಕೆ ಈ ರೀತಿಯ ಪತ್ರ ಬರೆಯುವ ಹಕ್ಕಿಲ್ಲ ಎಂದು ಹೇಳಿದ್ದಾರೆ. ಯಾವು ಯಾವುದೇ ರೀತಿಯ ಬಟ್ಟೆ ಧರಿಸಿದರೂ ಕೂಡ, ಮಹಿಳೆಯರನ್ನು ಗೌರವಿಸಬೇಕು ಎಂಬುದು ಜನರಿಗೆ ತಿಳಿದಿರಬೇಕು ಎಂದು ಅವರು ಹೇಳಿದ್ದಾರೆ. ನಾವು ಧರಿಸುವ ಬಟ್ಟೆಯ ಮೇಲೆ ಜನರ ಪ್ರಾಥಮಿಕತೆ ಇರಬಾರದು ಎಂದು ಅವರು ಹೇಳಿದ್ದಾರೆ.

ಇದನ್ನೂ ಓದಿ-ಫಿಟ್ ಆಗಿರಲು Pushups ಮಾಡಿದ Tiger, ನಂಬಿಕೆ ಇಲ್ಲ ಅಂದ್ರೆ ನೀವೇ ನೋಡಿ ಈ ವೈರಲ್ ವೀಡಿಯೊ

ಶಾಲೆಯ ಈ ಆದೇಶಕ್ಕೆ ಬೆಂಬಲ ಕೂಡ ದೊರೆತಿದೆ
ಇನ್ನೊಂದೆಡೆ ಶಾಲೆ ಹೊರಡಿಸಿರುವ ಈ ಆದೇಶಕ್ಕೆ ಬೆಂಬಲ ಸೂಚಿಸಿರುವ ವಿದ್ಯಾರ್ಥಿಯೊಬ್ಬರ ತಾಯಿ, ಕೆಲ ತಾಯಂದಿರರು ಮಕ್ಕಳನ್ನು ಶಾಲೆಗೆ ಬಿಡಲು ಬರುವಾಗ ಗೌನ್, ಚಪ್ಪಲ್ ಹಾಗೂ ಮಿನಿ ಸ್ಕರ್ಟ್ ಧರಿಸಿ ಬರುತ್ತಾರೆ. ಕೆಲವರು ತಮ್ಮ ಶರೀರದ ಭಾಗಗಳು ಕಾಣಿಸಿಕೊಳ್ಳುವ ರೀತಿಯಲ್ಲಿ ಧರಿಸುತ್ತಾರೆ ಎಂದಿದ್ದಾರೆ.