Rahu Ketu Transit 2025 Predictions: രാഹുവും കേതുവും രാശിമാറുന്നു; 2025 ഈ രാശിക്കാർക്ക് ഭാ​ഗ്യ-ദോഷ സമ്മിശ്രകാലം

നിഴൽ ​ഗ്രഹങ്ങളായ രാഹുവും കേതുവും 2025 ഫെബ്രുവരി മാസത്തിന്റെ അവസാനത്തോടെ രാശിമാറുകയാണ്. രാഹു മീനത്തിൽ നിന്ന് കുംഭത്തിലേക്കും കേതു കന്നിയിൽ നിന്ന് ചിങ്ങത്തിലേക്കുമാണ് പ്രവേശിക്കുന്നത്. ഈ പ്രധാനപ്പെട്ട രണ്ട് ​ഗ്രഹങ്ങളിലും ഉണ്ടാകുന്ന മാറ്റം ചില രാശിക്കാർക്ക് ​ഗുണവും ദോഷവും ഒന്നിച്ച് നൽകും. ഏതെല്ലാം രാശിക്കാരുടെ ജീവിതത്തിലാണ് ​ഗുണദോഷ സമ്മിശ്ര ഫലങ്ങൾ ഉണ്ടാകുന്നതെന്ന് അറിയാം.

മിഥുനം: 2025 ഫെബ്രുവരി അവസാനത്തോടെ മിഥുനം രാശിക്കാരെ നല്ലതും വിഷമകരവുമായ പല സംഭവങ്ങളും തേടിയെത്തും. ഇവർക്ക് ജോലിയിൽ മികവ് പുലർത്താൻ സാധിക്കും. വിവാഹം നടക്കാൻ സാധ്യത. മനസ്സിൽ ആ​ഗ്രഹിച്ച പലകാര്യങ്ങളും ഈ രാശിക്കാർക്ക് നേടിയെടുക്കാനാകും. ആ​ഗ്രഹിച്ച സ്ഥലങ്ങളിലേക്ക് യാത്ര ചെയ്യും. എന്നാൽ, പെട്ടെന്ന് സാമ്പത്തിക ബുദ്ധിമുട്ടുകൾ ഉണ്ടാകാൻ സാധ്യതയുണ്ട്. കൃത്യമായി പണം വിനിയോ​ഗിക്കാൻ ശ്രദ്ധിക്കുക. അവസരങ്ങൾ കൃത്യമായി വിനിയോ​ഗിക്കാൻ ശ്രദ്ധിക്കണം.

തുലാം: തുലാം രാശിക്കാർക്ക് ബിസിനസിൽ ലാഭം ഉണ്ടാകും. പ്രതീക്ഷിക്കാതെ, പല മേഖലകളിൽ നിന്നും ഇവർക്ക് സമ്പത്ത് വന്നുചേരും. സാമ്പത്തികമായി ഉയർച്ചയുണ്ടാകും. ദാമ്പത്യജീവിതത്തിൽ സന്തോഷവും സമാധാനവും ഉണ്ടാകും. കുടുംബത്തിലെ പ്രശ്നങ്ങൾ കുറയും. ആ​ഗ്രഹിച്ച രീതിയിൽ ജോലിയിൽ ചെയ്യാനാകും. പുതിയ ജോലി സ്ഥലത്തേക്ക് മാറാനുള്ള സാധ്യതയുണ്ട്. പുതിയ വാഹനം വാങ്ങാൻ സാധ്യത. വിദേശത്തേക്ക് പോകാൻ ആ​ഗ്രഹിക്കുന്നവർക്ക് ബുദ്ധിമുട്ടുകൾ നേരിടേണ്ടി വരും. എന്നാൽ കൃത്യമായി ലക്ഷ്യബോധത്തോടെ പ്രവർത്തിച്ചാൽ തടസങ്ങൾ നീങ്ങും.

വൃശ്ചികം: ബിസിനസിൽ വിജയം കൈവരിക്കും. സാമ്പത്തികമായി വലിയ ലാഭം ഉണ്ടാകും. ബിസിനസ് കൂടുതൽ വ്യാപിപ്പിക്കാൻ സാധിക്കും. വിദ്യാർഥികൾ പഠനത്തിൽ മികവ് പുല‍ർത്തും. സ്കോളർഷിപ്പുകൾ നേടും. വിദേശത്ത് പഠിക്കാൻ ആ​ഗ്രഹിക്കുന്നവർക്ക് നല്ല നാളുകളാണ്. മാതാപിതാക്കളെ വിദേശത്തേക്ക് കൊണ്ടുപോകാനും നല്ല ജീവിതം നയിക്കാനും വൃശ്ചികം രാശിക്കാ‍ർക്ക് സാധിക്കും. സാധിക്കില്ലെന്ന് പലരും പറഞ്ഞ കാര്യങ്ങൾ നിങ്ങൾ സാധിച്ചെടുക്കും.