Solar Eclipse 2023: ആദ്യ സൂര്യഗ്രഹണം എപ്പോൾ, എവിടെ കാണാം? ഗ്രഹണ സമയത്ത് ചെയ്യേണ്ടതും ചെയ്യരുതാത്തും
കുട്ടികളെ മാതാപിതാക്കളുടെ മേൽനോട്ടത്തിൽ മാത്രം സൂര്യഗ്രഹണം കാണിക്കുക. ഒരിക്കലും ഗ്രഹണ സമയത്ത് സൂര്യനെ നേരിട്ട് നോക്കാതിരിക്കുക.
ഈ വർഷത്തെ ആദ്യ സൂര്യഗ്രഹണം ഉടൻ സംഭവിക്കും. ഏറ്റവും പ്രധാനപ്പെട്ട ആകാശ സംഭവങ്ങളിലൊന്നാണ് 2023-ലെ സൂര്യഗ്രഹണം. ഈ വർഷം ആകെ നാല് ഗ്രഹണങ്ങൾ ഉണ്ടാകും, അതിൽ രണ്ടെണ്ണം സൂര്യ ഗ്രഹണം ആയിരിക്കും. മറ്റ് രണ്ടെണ്ണം ചന്ദ്രഗ്രഹണവും. 2023-ലെ ആദ്യ സൂര്യഗ്രഹണം ഏപ്രിൽ 20-ന് ആണ്. എന്നാൽ ഈ വർഷത്തെ ആദ്യ സൂര്യഗ്രഹണം ഇന്ത്യയിൽ കാണാൻ കഴിയില്ല. ഓസ്‌ട്രേലിയ, പസഫിക് സമുദ്രം, കിഴക്ക്-ദക്ഷിണേഷ്യ, അന്റാർട്ടിക്ക, ഇന്ത്യൻ മഹാസമുദ്രം എന്നിവിടങ്ങളിലാണ് സൂര്യ ഗ്രഹണം കാണാൻ സാധിക്കുക.
ഇന്ത്യൻ ജ്യോതിഷ കലണ്ടർ അനുസരിച്ച്, 2023 ലെ ആദ്യ സൂര്യഗ്രഹണം ഏപ്രിൽ 20ന് രാവിലെ 07:04 ന് ആരംഭിച്ച് ഉച്ചയ്ക്ക് 12:29 ന് അവസാനിക്കും. രണ്ടാമത്തെ സൂര്യഗ്രഹണം 2023 ഒക്ടോബർ 14 ന് സംഭവിക്കും. അത് ഇന്ത്യയിൽ ദൃശ്യമാകും.
സൂര്യഗ്രഹണം നിരീക്ഷിക്കാൻ ആഗ്രഹിക്കുന്നവർ സുരക്ഷാ മുൻകരുതലുകൾ എടുക്കേണ്ടത് പ്രധാനമാണ്. കാരണം അവ കണ്ണുകൾക്ക് ശാശ്വതമായി ദോഷം വരുത്തുകയും അന്ധതയ്ക്ക് കാരണമാവുകയും ചെയ്യും. 14 ഷേഡുള്ള വെൽഡിംഗ് ഗ്ലാസ്, കറുത്ത പോളിമർ, അല്ലെങ്കിൽ അലുമിനിസ്ഡ് മൈലാർ തുടങ്ങിയ ഉചിതമായ ഫിൽട്ടറുകൾ ഉപയോഗിച്ച് ഗ്രഹണം കാണാൻ ശ്രമിക്കണം എന്നാണ് നാസ അഭിപ്രായപ്പെടുന്നത്. ചന്ദ്രഗ്രഹണം സമയത്ത് സൂര്യന്റെ ചിത്രം ഒരു വൈറ്റ്ബോർഡിൽ പ്രദർശിപ്പിക്കുന്നതിനോ ആയി ബൈനോക്കുലറുകളോ ദൂരദർശിനിയോ ഉപയോഗിക്കുക എന്നതാണ് മറ്റൊരു ഓപ്ഷൻ.
സൂര്യഗ്രഹണ സമയത്ത് പാലിക്കേണ്ട ചില കാര്യങ്ങൾ;
നാഷണൽ എയ്‌റോനോട്ടിക്‌സ് ആൻഡ് സ്‌പേസ് അഡ്മിനിസ്‌ട്രേഷന്റെ (നാസ) അഭിപ്രായത്തിൽ, ആളുകൾ അവരുടെ കണ്ണുകൾ സംരക്ഷിക്കാൻ 'എക്ലിപ്സ് ഗ്ലാസുകൾ' ഉപയോഗിക്കണം. നേരിട്ട് സൂര്യനെ നോക്കരുതെന്ന് നിർദ്ദേശിക്കുന്നു.
വീട്ടിൽ നിർമ്മിച്ച ഫിൽട്ടറോ പരമ്പരാഗത സൺഗ്ലാസുകളോ ഉപയോഗിക്കരുതെന്നും നാസ അഭിപ്രായപ്പെടുന്നു. അത് കണ്ണുകൾക്ക് ചീത്തയാണ്.
നിങ്ങളുടെ ക്യാമറകൾ ഉപയോഗിച്ച് സൂര്യഗ്രഹണം പകർത്തരുതെന്നും നിർദ്ദേശമുണ്ട്. ഇത് പരിക്കുകൾക്ക് കാരണമാകും.
നിർദ്ദേശിച്ച കണ്ണടയുള്ള ആളുകൾക്ക് ഗ്രഹണം കാണാൻ അവർ സാധാരണ ഉപയോഗിക്കുന്ന കണ്ണടകൾക്ക് മുകളിൽ അവരുടെ ഗ്രഹണ ഗ്ലാസുകൾ ധരിക്കാം.
മാതാപിതാക്കളുടെ മേൽനോട്ടത്തിൽ കുട്ടികളെ ഗ്രഹണം കാണിക്കുക.
ഹെഡ്‌ലൈറ്റ് ഓണാക്കി വാഹനമോടിക്കാനും വേഗത നിയന്ത്രിക്കാനും നിർദ്ദേശിക്കുന്നു.
ഗ്രഹണ സമയത്ത് മറ്റ് വാഹനങ്ങളുമായി നല്ല അകലം പാലിക്കണമെന്നും ജനങ്ങൾക്ക് നിർദേശമുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...