Aadhaar Card Language Update: നിങ്ങളുടെ പ്രാദേശിക ഭാഷയിലും ആധാർ കാർഡ് ഉണ്ടാക്കാം, അറിയാം വിശദാംശങ്ങൾ
Aadhaar Card Language Update: നിങ്ങൾക്ക് വേണമെങ്കിൽ, നിങ്ങളുടെ പ്രാദേശിക ഭാഷയിലും ഇത് നിർമ്മിക്കാം. പ്രാദേശിക ഭാഷയിൽ ആധാർ കാർഡ് നിർമ്മിക്കാനുള്ള സൗകര്യവും യുഐ‌ഡി‌ഐ (UIDAI) ഇപ്പോൾ നൽകുന്നുണ്ട്. പൂർണ്ണ പ്രക്രിയ അറിയാം..
ന്യുഡൽഹി: Aadhaar Card Language Update: ഇന്ത്യയിൽ ഇനി എല്ലാ പ്രധാനപ്പെട്ട ജോലികൾക്കും ആധാർ കാർഡ് ആവശ്യമാണ്. ഇതുവരെ എല്ലാ സംസ്ഥാനങ്ങളിലും കൂടുതലും ആധാർ കാർഡുകൾ ഇംഗ്ലീഷ് ഭാഷയിലാണ് നിർമ്മിച്ചിരിക്കുന്നത് കാരണം ഇതുകൊണ്ട് എല്ലായിടത്തും ഈ കാർഡ് പ്രവർത്തിപ്പിക്കാം.
എന്നാൽ ഇപ്പോൾ നിങ്ങൾക്ക് വേണമെങ്കിൽ നിങ്ങളുടെ പ്രാദേശിക ഭാഷയിലും ആധാർ കാർഡ് (Aadhaar Card) നിർമ്മിക്കാം. പ്രാദേശിക ഭാഷയിൽ ആധാർ കാർഡ് നിർമ്മിക്കാനുള്ള സൗകര്യം ഇപ്പോൾ യുഐ‌ഡി‌ഐ (UIDAI) നൽകുന്നുണ്ട്.
ഈ ഭാഷകളിൽ പരിവർത്തനം ചെയ്യാൻ കഴിയും
നിങ്ങൾക്ക് നിങ്ങളുടെ ആധാർ കാർഡ് ഇംഗ്ലീഷ്, ആസാമീസ്, ഉറുദു, പഞ്ചാബി, തമിഴ്, തെലുങ്ക്, ഹിന്ദി, ബംഗാളി, ഇംഗ്ലീഷ്, ഗുജറാത്തി, ഒഡിയ, കന്നഡ, മലയാളം, മറാത്തി ഭാഷകളിൽ പരിവർത്തനം ചെയ്യാം. ആധാറിലെ ഭാഷ മാറ്റുന്നതിന് നിങ്ങൾക്ക് ഓൺലൈനിൽ അപേക്ഷിക്കാം. അതിനാൽ ആധാറിന്റെ ഈ പുതിയ സൗകര്യത്തിന്റെ പൂർണ്ണ പ്രക്രിയയെക്കുറിച്ച് നമുക്ക് അറിയാം.
അപ്ഡേറ്റ് ചെയ്യേണ്ട രീതി
ആധാറിലെ ഭാഷ അപ്‌ഡേറ്റുചെയ്യാൻ നിങ്ങൾ ആദ്യം യുഐ‌ഡി‌എയുടെ ഔദ്യോഗിക വെബ്‌സൈറ്റായ https://uidai.gov.in/ ൽ പോകുക. അപ്ഡേറ്റ് ആധാർ വിഭാഗത്തിന് കീഴിൽ, അപ്ഡേറ്റ് ഡെമോഗ്രാഫിക് ഡാറ്റ ഓൺ‌ലൈൻ ക്ലിക്കുചെയ്യുക. ഇപ്പോൾ നിങ്ങൾ ഇതിൽ നിന്ന് ആധാർ സ്വയം സേവന അപ്ഡേറ്റ് പോർട്ടലിൽ എത്തും.
ഇനി ഈ പേജിൽ നിങ്ങൾ നിങ്ങളുടെ 12 അക്ക ആധാർ നമ്പർ നൽകുക, ക്യാപ്ച സെക്യൂരിറ്റി കോഡ് നൽകി send OTP യിൽ ക്ലിക്കുചെയ്യുക. ഇപ്പോൾ നിങ്ങളുടെ രജിസ്റ്റർ ചെയ്ത മൊബൈൽ നമ്പറിൽ 6 അക്ക വൺ ടൈം പാസ്‌വേഡ് ലഭിക്കും. ഇനി ഒടിപി നൽകി ലോഗിൻ ബട്ടണിൽ ക്ലിക്കുചെയ്യുക. അടുത്ത സ്‌ക്രീനിൽ, അപ്ഡേറ്റ് ഡെമോഗ്രാഫിക് ഡാറ്റ ബട്ടൺ ക്ലിക്കുചെയ്യുക.
പേരും വിലാസവും അപ്‌ഡേറ്റുചെയ്യാം
ഇനി അടുത്ത പേജിൽ എല്ലാ ഡെമോഗ്രാഫിക് ഡാറ്റയുടെയും വിശദാംശങ്ങൾ ഉണ്ടാകും. നിങ്ങൾ നിങ്ങളുടെ പ്രാദേശിക ഭാഷ തിരഞ്ഞെടുക്കുക. പേരും വിലാസവും സ്ഥിരസ്ഥിതിയായി തിരഞ്ഞെടുക്കും. ഇനി നിങ്ങൾക്ക് പോപ്പ്അപ്പിൽ ഡെമോഗ്രാഫിക്സ് അപ്ഡേറ്റ് ചെയ്യുന്നതിന് തന്നിരിക്കുന്ന പ്രക്രിയ പിന്തുടർന്ന് നിങ്ങളുടെ അപേക്ഷ സമർപ്പിക്കുക.
പ്രാദേശിക ഭാഷയിൽ നിങ്ങളുടെ പേര് ഇതിനകം ശരിയായി എഴുതിയിട്ടുണ്ടെങ്കിൽ നിങ്ങൾക്ക് ഇവിടെ കൂടുതൽ തിരുത്തൽ ആവശ്യമില്ല. നിങ്ങൾ ഒരു തവണ സ്പെല്ലിങ് പരിശോധിച്ച് എഡിറ്റുചെയ്യുക. അതുപോലെ വിലാസവും എഡിറ്റുചെയ്യുക. ഇനി അവസാനം പ്രിവ്യൂവിൽ ക്ലിക്കുചെയ്യുക, എല്ലാ വിവരങ്ങളും ശരിയാണോയെന്ന് ഒന്നുകൂടി പരിശോധിക്കുക തുടർന്ന് മുന്നോട്ട് പോകുക. ഇപ്പോൾ നിങ്ങളുടെ മൊബൈലിൽ വൺ ടൈം പാസ്‌വേഡ് വരും.
Also Read: Aadhaar Card News: ആധാർ കാർഡ് നഷ്ടമായോ? ടെൻഷൻ ആകണ്ട, വീട്ടിൽ ഇരുന്ന് അപേക്ഷിക്കാം
നിർദ്ദിഷ്ട ഫീസ് അടയ്‌ക്കേണ്ടി വരും
ആധാർ കാർഡിന്റെ (Aadhaar Card) ഭാഷ മാറ്റണമെങ്കിൽ നിങ്ങൾക്ക് നിശ്ചിത തുക ഫീസായി നൽകണം. ഇതിനായി നിങ്ങൾക്ക് നിങ്ങളുടെ ഡെബിറ്റ് / ക്രെഡിറ്റ് കാർഡ് അല്ലെങ്കിൽ നെറ്റ് ബാങ്കിംഗ് ഉപയോഗിച്ച് ഓൺ‌ലൈൻ പേയ്‌മെന്റ് നടത്താം.
ഇതിനുശേഷം നിങ്ങളുടെ ആധാരിൽ പുതിയ ഭാഷാ അപ്‌ഡേറ്റിനായുള്ള അഭ്യർത്ഥന നിങ്ങളുടെ ആധാറിൽ സമർപ്പിക്കുകയും നിങ്ങൾക്ക് പുതിയ ആധാർ ഡൗൺലോഡ് ചെയ്യുകയും ചെയ്യാം. ആധാർ കാർഡിലെ ഭാഷ അപ്ഡേറ്റ് ചെയ്യുന്നതിന് 1 മുതൽ 3 ആഴ്ച വരെ എടുത്തേക്കാം. നിങ്ങൾക്ക് വേണമെങ്കിൽ ആധാർ സേവാ കേന്ദ്രത്തിലൂടെ നിങ്ങളുടെ പ്രാദേശിക ഭാഷ ആധാറിൽ മാറ്റാനും കഴിയും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...