Musk Congratulate Modi: നരേന്ദ്ര മോദിക്ക് വിജയാശംസകൾ നേർന്ന് ഇലോൺ മസ്ക്

Elon Musk Congratulate Modi: ലോക്സഭാ തിരഞ്ഞെടുപ്പിൽ വിജയിച്ച് വീണ്ടും അധികാരത്തിലേറുന്ന നരേന്ദ്ര മോദിക്ക് അഭിനന്ദനവുമായി ബിസിനസ് ലോകത്തെ പ്രമുഖനും ടെസ്‌ല സിഇഒയുമായ ഇലോൺ മസ്ക് രംഗത്ത്. 

ലോകത്തിലെ ഏറ്റവും വലിയ ജനാധിപത്യ തിരഞ്ഞെടുപ്പിലെ വിജയത്തിന് അഭിനന്ദനങ്ങൾ എന്നാണ് മസ്ക് തന്റെ സമൂഹ മാധ്യമമായ എക്സിലെ പ്രൊഫൈലിൽ കുറിച്ചത്. ഒപ്പം തന്റെ കമ്പനികൾ ഇന്ത്യയിൽ മികച്ച രീതിയിൽ പ്രവര്‍ത്തിക്കാൻ കാത്തിരിക്കുന്നുവെന്നും അദ്ദേഹം കുറിച്ചിട്ടുണ്ട്. 

തിരഞ്ഞെടുപ്പിന് മുമ്പ് ഇന്ത്യയിലേക്കുള്ള മസ്കിൻ്റെ സന്ദർശനം മാറ്റി വച്ചിരുന്നു. പിന്നീട് ഇന്ത്യയിലേക്ക് വരുമെന്നാണ് അദ്ദേഹം പറഞ്ഞിരുന്നതെങ്കിലും ഇതിനിടയിൽ ചൈനയിലേക്ക് പോയ മസ്ക് അവിടെ പുതിയ പദ്ധതികൾ പ്രഖ്യാപിക്കുകയും ചെയ്തിരുന്നു.  കഴിഞ്ഞ വർഷം മോദിയും മസ്കും യുസിൽ കൂടിക്കാഴ്ച നടത്തിയിരുന്നു. കൂടിക്കാഴ്ചയ്ക്ക് ശേഷം തൻ മോദിയുടെ ആരാധനകൻ എന്ന് പറഞ്ഞ മസ്ക് ടെസ്‌ല ഇന്ത്യയിൽ നിക്ഷേപം നടത്തുമെന്നും പറഞ്ഞിരുന്നു.