Kerala Gold Rate: ഇന്നലെ കുറഞ്ഞു, ഇന്ന് കൂടി; ഇന്നത്തെ സ്വർണനിരക്ക് അറിയാം

തിരുവനന്തപുരം: സംസ്ഥാനത്ത് സ്വർണവിലയിൽ വീണ്ടും വർധനവ്. 80 രൂപയാണ് ഇന്ന് ഒരു പവന് കൂടിയത്. ഇതോടെ ഒരു പവൻ സ്വർണത്തിന്റെ ഇന്നത്തെ വിപണിവില 58,360 രൂപയാണ്. ഇന്നലെ 440 രൂപയാണ് പവന് കുറഞ്ഞിരുന്നത്. ഒരു ഗ്രാം സ്വർണത്തിന് ഇന്നലെ ഇടിഞ്ഞത് 55 രൂപയാണ്. 

ഒക്ടോബർ 16 നാണ് സ്വർണം  റെക്കോർഡ് വിലയായ 57000 കടന്നത്. ഈ മാസത്തിന്റെ ആദ്യം 56,400 ആയിരുന്ന സ്വര്‍ണവില പിന്നീടങ്ങോട്ട് കയറിയും ഇറങ്ങിയും മുന്നേറുകയായിരുന്നു. ദീപാവലിയോടെ സ്വർണവില 60000 കടക്കുമോയെന്ന് കാത്തിരുന്നു കാണാം. 

ഈ മാസത്തെ സ്വർണനിരക്ക്

ഒക്ടോബർ ഒന്നിന് ഒരു പവൻ സ്വർണത്തിന്റെ വില 56400 ആയിരുന്നു, ഒക്ടോബർ രണ്ടിന് 400 രൂപ വർധിച്ചു കൊണ്ട് 56800 ലെത്തി തുടർന്ന് ഒക്ടോബർ 3 ന് 80 രൂപ വർധിച്ചുകൊണ്ട് ഒരു പവൻ സ്വർണത്തിന് 56880 ആയി ഒക്ടോബർ 4 ന്  80 രൂപ വർധിച്ചുകൊണ്ട് സ്വർണവില 56960 ആയി, ഒക്ടോബർ 5 ന് സ്വർണവിലയിൽ മാറ്റമിലായിരുന്നു, ഒക്ടോബർ 6 നും വിലയിൽ മാറ്റമില്ലായിരുന്നു, ഒക്ടോബർ 7ന് സ്വർണത്തിന് പവന് 160 രൂപ കുറച്ചു കൊണ്ട് 56800 ൽ എത്തി, ഒക്ടോബർ 8 ന് സ്വർണവിലയിൽ മാറ്റമില്ല ഒക്ടോബർ 9 നും വിലയിൽ മാറ്റമില്ലായിരുന്നു, ഒക്ടോബർ 10 ന് 40 രൂപ കുറഞ്ഞ് ഈ മാസത്തെ ഏറ്റവും കുറഞ്ഞ വിലയായ 56200 എത്തി, ഒക്ടോബർ 11 ന് ഒറ്റയടിക്ക് 560 വര്ധിച്ചുകൊണ്ട് സ്വർണം 56,760 രൂപയായി.

ഒക്ടോബർ 12 ന് വീണ്ടും 200 രൂപ വർധിച്ചുകൊണ്ട് സ്വർണവില 56960 ആയി, ഒക്ടോബർ 13 ന് വിലയിൽ മാറ്റമില്ലായിരുന്നു. ഇപ്പോഴിതാ ഒക്ടോബർ 14 നും 56960 ആയിരുന്നു, ഒക്ടോബർ 15 ന് സ്വർണവില 200 രൂപ കുറഞ്ഞ് 56760 ആയി, ഒക്ടോബർ 16 ന് 360 രൂപ വർധിച്ചുകൊണ്ട് 57120 ഉം ഒക്ടോബർ 17 ന് 160 രൂപ വർധിച്ച് 57280 രൂപയും  ഒക്ടോബർ 18 ന് 640 രൂപ പവന് വർധിച്ചുകൊണ്ട് ഈ മാസത്തെ ഏറ്റവും ഉയർന്ന നിരക്കായ 57920 എത്തിയിരിന്നു. ഒക്ടോബർ 19ന് വീണ്ടും 320 രൂപ വർധിച്ചു കൊണ്ട് സ്വർണവില 58240 ആയി. ഒക്ടോബർ 20 ന് സ്വർണവില മാറ്റമില്ല. ഒക്ടോബർ 21ന് വീണ്ടും 160 രൂപ കൂടി സ്വർണവില 58, 400 ൽ എത്തിയിട്ടുണ്ട്. ഒക്ടോബർ 22ന് വിലയിൽ മാറ്റമില്ല. ഒക്ടോബർ 23 58,720 രൂപയായിരുന്നു വില. ഒക്ടോബർ 24ന് 440 രൂപ കുറഞ്ഞ് 58,280 രൂപയായിരുന്നു. ഒക്ടോബർ 25ന് 80 രൂപ കൂടി 58,360 രൂപയായി.