Arrest: മോഷ്ടിച്ച ബൈക്കുമായി കടന്നു; ഒരു മണിക്കൂറിനുള്ളിൽ പ്രതിയെ പിടിച്ച് പോലീസ്
Police arrested suspect with stolen bike: പെരിങ്ങനാട് ഉദയഗിരി സന്തോഷ് ഭവനത്തിൽ സാഗർ മകൻ സന്തോഷാണ് പിടിയിലായത്.
പത്തനംതിട്ട: അടൂർ റവന്യൂ ടവറിൽ നിന്നും മോഷ്ടിച്ച ബൈക്കുമായി കടന്ന പ്രതിയെ ഒരു മണിക്കൂറിനുള്ളിൽ അടൂർ പോലീസ് അറസ്റ്റ് ചെയ്തു. അടൂർ റവന്യൂ ടവർ പരിസരത്ത് സൂക്ഷിച്ചിരുന്നതും അടൂർ കോടതിയിലെ അഭിഭാഷകനായ അടൂർ, പതിനാലാം മൈൽ സ്വദേശി അശോക് കുമാറിൻറെ ഉടമസ്ഥയിലുമുള്ള ഹീറോ ഹോണ്ട വാഹനം മോഷ്ടിച്ച കേസിലാണ് പ്രതിയായ പെരിങ്ങനാട് ഉദയഗിരി സന്തോഷ് ഭവനത്തിൽ സാഗർ മകൻ സന്തോഷ് (42) അറസ്റ്റിലായത്. തിങ്കളാഴ്ച്ച ഉച്ചക്കാണ് കേസിനാസ്പദമായ സംഭവമുണ്ടായത്.
അടൂർ ടവറിലുള്ള അഡ്വക്കേറ്റ് ഓഫീസിന് മുന്നിൽ പാർക്ക് ചെയ്തിരുന്ന വാഹനം ഉച്ചയോട് കൂടി മോഷണം പോകുകയായിരുന്നു. പോലീസിൽ അറിയിച്ചതിനെ തുടർന്ന് സ്ഥലത്തെ സിസിടിവി ദൃശ്യങ്ങൾ പരിശോധിച്ച പോലീസ് ടൗണിലും പരിസര പ്രദേശങ്ങളിലും വ്യാപക തിരച്ചിൽ നടത്തുന്നതിനിടെ അടൂർ വൈറ്റ് പോർട്ടിക്കോ ഹോട്ടലിന് പിൻവശമുള്ള വഴിയിൽ വെച്ച് പ്രതിയെ വാഹന സഹിതം കസ്റ്റഡിയിൽ എടുക്കുകയായിരുന്നു. അറസ്റ്റിലായ സന്തോഷ് നിരവധി മോഷണ കേസുകളിൽ പ്രതിയാണെന്ന് പോലീസ് അറിയിച്ചു.
ALSO READ: വധശിക്ഷയിൽ നിന്ന് മലയാളിയെ രക്ഷിച്ചു; ഉമ്മൻ ചാണ്ടിയുടെ വിയോഗത്തിൽ വേദനയോടെ പ്രവാസിലോകം
അടൂർ, പന്തളം, ഹരിപ്പാട്, ചിറ്റാർ, പത്തനംതിട്ട, ആറന്മുള, പുനലൂർ, പോലീസ് സ്റ്റേഷൻ പരിധികളിലായി പതിനഞ്ചോളം മോഷണ കേസുകൾ ഇയാളുടെ പേരിലുണ്ട്. ഇരുചക്ര വാഹനങ്ങൾ മോഷ്ടിച്ച് കുറ്റകൃത്യങ്ങൾ സ്ഥിരം ചെയ്യുന്ന ആളായതിനാൽ ഇയാളെ കസ്റ്റഡിയിൽ വാങ്ങി കൂടുതൽ ചോദ്യം ചെയ്യുമെന്ന് പോലീസ് അറിയിച്ചു. അടൂർ ഡി.വൈ.എസ്.പി ആർ ജയരാജിൻറെ നിർദ്ദേശപ്രകാരം അടൂർ പോലീസ് ഇൻസ്പെക്ടർ എസ്.ശ്രീകുമാറിൻറെ നേതൃത്വത്തിൽ അടൂർ സബ് ഇൻസ്പെക്ടർ മനീഷ് എം, സിവിൽ പോലീസ് ഓഫീസർമാരായ സൂരജ്.ആർ.കുറുപ്പ്, അരുൺ ലാൽ എന്നിവരടങ്ങുന്ന പ്രത്യേക അന്വേഷണ സംഘമാണ് പ്രതിയെ അറസ്റ്റ് ചെയ്തത്. വിശദമായ ചോദ്യം ചെയ്യലിനും തെളിവെടുപ്പിന് ശേഷം പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...