Suicide: തിരുവനന്തപുരത്ത് ദമ്പതിമാർ വീട്ടിൽ മരിച്ചനിലയിൽ

തിരുവനന്തപുരം: ദമ്പതിമാരെ വീട്ടിൽ തൂങ്ങി മരിച്ച നിലയിൽ കണ്ടെത്തി. സംഭവം നടന്നത് നെടുമങ്ങാട് മുതുവിള മുളമുക്കിലാണ്. മുളമുക്ക് കോടoമ്പ്ലാച്ചി കുഴിയിൽ വീട്ടിൽ കൃഷ്ണൻ ആചാരി, വസന്തകുമാരി എന്നിവരെയാണ് തൂങ്ങി മരിച്ച നിലയിൽ കണ്ടെത്തിയത്.  ആത്മഹത്യയാണെന്നാണ് പ്രാഥമിക നിഗമനം.

മരണമടഞ്ഞ കൃഷ്ണൻ ആചാരിയും ഭാര്യ വസന്തകുമാരിയും മകനൊപ്പമാണ് താസമിച്ചു പോന്നിരുന്നത്. പുതുവത്സരാഘോഷമായതിനാൽ മകൻ കഴിഞ്ഞ ദിവസം ഭാര്യയുടെ വീട്ടിൽ പോയ സമയത്തായിരുന്നു ഇവർ ആത്മഹത്യ ചെയ്തത് എന്നാണ് പ്രാഥമിക നിഗമനം.  ഇന്ന് രാവിലെ മകനായ സജി പിതാവിനെ ഫോൺ വിളിച്ചിട്ട് എടുക്കാത്തതിനെ തുടർന്ന് അയൽ വാസികളോട് വിവരം അന്വേഷിക്കാൻ പറഞ്ഞിരുന്നു. 

തുടർന്ന് ഇന്ന് രാവിലെ 8:30 ഓടെ നടത്തിയ പരിശോധനയിലാണ് കൃഷ്ണൻ ആചാരിയെ ശുചി മുറിയിലും വസന്തകുമാരിയെ കുളിമുറിയിലും തുങ്ങിമരിച്ച നിലയിൽ കണ്ടെത്തിയത്. ഇരുവർക്കും ആരോഗ്യ പി[പ്രശ്‍നങ്ങൾ ഉണ്ടായിരുന്നു.  നേരത്തെ ഇവർ മരിക്കുന്നുണ്ടെങ്കിൽ ഒരുമിച്ചേ മരിക്കൂവെന്ന് പറയുമായിരുന്നു എന്നാണ് വിവരം. സംഭവത്തിൽ പോലീസ് കേസെടുത്ത് നടപടികൾ സ്വീകരിച്ചിട്ടുണ്ട്.