Murder Case: വഴക്കിനെ തുടർന്ന് അത്താഴം നൽകിയില്ല; ഭാര്യയെ കഴുത്തറുത്ത് കൊന്ന് ഭർത്താവ്

ബെംഗളൂരു: വഴക്കിനെ തുടര്‍ന്ന് അത്താഴം നല്‍കിയില്ലെന്ന കാരണത്താൽ ഭാര്യയെ കഴുത്തറുത്ത് കൊന്ന ഭർത്താവ്.  സംഭവം നടന്നത് കര്‍ണാടകയിലെ തുംകൂരിലാണ്. 

സംഭവത്തിൽ കുനിഗല്‍ താലൂക്കിലെ ഹുലിയുരുദുര്‍ഗ ടൗണില്‍ തടിമില്ലില്‍ ജോലി ചെയ്യുന്ന ശിവരാമനെ പോലീസ് അറസ്റ്റ് ചെയ്തിട്ടുണ്ട്.  ഇയാളുടെ ഭാര്യയായ 35 കാരിയായ പുഷ്പലതയാണ് കൊല്ലപ്പെട്ടത്. ഇരുവരും തമ്മില്‍ ദിവസവും വഴക്ക് പതിവായിരുന്നു. തിങ്കളാഴ്ച രാത്രിയും വഴക്കുണ്ടായി. 

തുടര്‍ന്ന് പുഷ്പലത ശിവരാമന് അത്താഴം നല്‍കാന്‍ തയ്യാറായില്ല. ഇതിൽ പ്രകോപിതനായ ശിവരാമന്‍ പുഷ്പലതയെ കഴുത്തറുത്ത് കൊലപ്പെടുത്തുകയായിരുന്നു എന്നാണ് റിപ്പോർട്ട്.  കൃത്യം ചെയ്തിട്ട് ഉടനെയൊന്നും ഇയാൾ കാര്യം ആരോടും പറഞ്ഞില്ല. ശേഷം ഇയാൾ സംഭവം വീട്ടുടമസ്ഥനെ അറിയിക്കുകയായിരുന്നു. വീട്ടുടമ അറിയിച്ചതിനെ തുടർന്ന് പോലീസ് സ്ഥലത്തെത്തി ഇയാളെ അറസ്റ്റ് ചെയ്യുകയായിരുന്നു. വീടിനുള്ളില്‍ പുഷ്പലതയുടെ മൃതദേഹം പോലീസ് കണ്ടെത്തു. ദമ്പതികള്‍ക്ക് എട്ടുവയസ്സുള്ള ഒരു മകനുണ്ട്.