Kollam Crime: 80 കാരിയെ ക്രൂരമായി മർദിച്ച സംഭവത്തിൽ മരുമകൾ അറസ്റ്റിൽ

കൊല്ലം: വയോധികയെ മർദിച്ച സംഭവത്തിൽ മരുമകൾ അറസ്റ്റിൽ. കസേരയിൽ ഇരിക്കുന്ന അമ്മയെ മരുമകൾ തള്ളി താഴെയിടുന്ന ദൃശ്യങ്ങൾ പുറത്ത് വരുകയും ഈ ദൃശ്യങ്ങൾ സമൂഹമാധ്യമങ്ങളിലുൾപ്പെടെ വ്യാപകമായി പ്രചരിക്കുകയും ചെയ്തിരുന്നു.  സംഭവം നടന്നത് കൊല്ലം തേവലക്കര നടുവിലക്കരയിലാണ്. 80 വയസുള്ള ഏലിയാമ്മ വർഗീസിനെ  മകന്റെ ഭാര്യയും അധ്യാപികയുമായ മഞ്ജുമോൾ തോമസ് മർദ്ദിക്കുന്ന ദൃശ്യമാണ് പുറത്തുവന്നത്. 

വീട്ടിലെ മുൻവശത്തെ മുറിയിലിരുന്ന ഏലിയാമ്മയെ അസഭ്യം പറയുകയും പുറകിൽ നിന്നും ശക്തമായി തള്ളി താഴെയിടുന്നതുമാണ് വീഡിയോയിൽ കാണുന്നത്.  ശക്തമായി താഴേക്ക് വീണ ഇവർ വാതിൽ പടിയിൽ തലയടിക്കാതെ തലനാരിഴക്കാണ് രക്ഷപ്പെട്ടത്.  മൊബൈൽ ക്യാമറയ്ക്ക് മുന്നിൽ അശ്ലീല ചേഷ്ഠകൾ യുവതി കാണിക്കുന്നതും വീഡിയോയിൽ കാണാം.  

ഇത്തരത്തിൽ നിരന്തരമായി ശാരീരിക ഉപദ്രവം നേരിട്ടുകൊണ്ടിട്ടിക്കുകയാണെന്ന് ചൂണ്ടിക്കാട്ടി ഏലിയാമ്മ വർഗീസ് തെക്കുംഭാഗം പോലീസിന് പരാതി നൽകിയതിനെ തുടർന്ന് വധശ്രമം ഉൾപ്പെടെ ജാമ്യമില്ലാ വകുപ്പ് പ്രകാരം കേസ് രജിസ്റ്റർ ചെയ്തു പ്രതിയെ അറസ്റ്റ് ചെയ്തു. യുവതിയെയും വൃദ്ധയെയും കൂടാതെ രണ്ട് ചെറിയ കുഞ്ഞുങ്ങളെയും വീഡിയോയില്‍ കാണാൻ കഴിയും.