Mumbai-ൽ നവജാത ശിശുക്കളെ വിൽക്കുന്ന സംഘത്തെ പിടികൂടി

മുംബൈ: നവജാത ശിശുക്കളെ വിൽക്കുന്ന സംഘത്തെ മുംബൈ Crime Branch പിടികൂടി. ഒരു ഡോക്ടറും ലാബ് ടെക്‌നീഷ്യനും ഉൾപ്പെടെ 9 പേരടങ്ങിയ സംഘമാണ് പിടിയിലായത്. ഇതിൽ 7 പേരും സ്ത്രീകളാണ്. 

സാമ്പത്തികമായി പിന്നോക്കം നിൽക്കുന്ന കുടുംബത്തിലെ സ്ത്രീകളുടെ കുട്ടികളെ ദത്തെടുക്കുന്നുവെന്ന വ്യാജേനയാണ് വിൽക്കുന്നത്. പെൺകുട്ടിക്ക് 60000 രൂപയും ആൺകുട്ടിക്ക് ഒന്നര ലക്ഷം  രൂപയുമാണ് വില. ആറ് മാസത്തിനിടയിൽ മാത്രം നാല് കുട്ടികളെ വിറ്റിറ്റുണ്ടെന്നാണ് Mumbai Police ഉദ്യോഗസ്ഥർ നൽകുന്ന വിവരം.

ഇവരുടെ 8 മൊബൈൽ ഫോണുകളും കുട്ടികളെ വിറ്റ കുടുംബങ്ങളുടെ ഫോട്ടോയും ഇവർ തമ്മിലുള്ള WhatsApp ചാറ്റും കണ്ടെത്തിട്ടുണ്ട്. ബാന്ദ്രയിലെ ഒരു സ്ത്രീ നവജാത ശിശുവിനെ വിൽക്കുന്നുവെന്ന് പൊലീസിന് വിവരം ലഭിച്ചതിനെ തുടർന്ന് നടന്ന അന്വേഷണത്തിൽ ഏജൻറ്റിനെയും മറ്റുള്ളവരെയും പിടികൂടുകയായിരുന്നു. 

പിടികൂടിയവർക്കെതിരെ മനുഷ്യ കടത്തിനും Juvenile Justice വകുപ്പ് ചുമത്തിയും കേസുകൾ രജിസ്റ്റർ ചെയ്തു. അറസ്റ്റ് ചെയ്തവരെ കോടതിയിൽ ഹാജരാക്കി പൊലീസ് കസ്റ്റഡിയിൽ വിട്ടു. എല്ലാവരെയും മുംബൈ നഗരത്തിൽ നിന്നാണ് അറസ്റ്റ് ചെയ്തിരിക്കുന്നത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE Hindustan App. ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy