Kollam POCSO Case | കൊല്ലത്ത് 15കാരിയെ ബലാത്സംഗം ചെയ്ത 23കാരന് 10 വർഷം കഠിനതടവ്

കൊല്ലം : പ്രായപൂർത്തിയാകാത്ത പെൺക്കുട്ടിയെ ബലാത്സംഗം ചെയ്ത കേസിൽ 23 വയസുകാരൻ പത്ത് വർഷ തടവും മൂന്ന് ലക്ഷം രൂപ പിഴയും. 15-കാരിയായ പെൺക്കുട്ടിയെ പീഡിപ്പിച്ച കൊല്ലം തഴുത്തല സ്വദേശിയായ സുബിൻ ബാബുവിനെയാണ് ശിക്ഷിച്ചത്. 

കൊല്ലം ഫസ്റ്റ് ക്ലാസ് അഡീഷണൽ സെക്ഷൻസ് കോടതിയാണ് ശിക്ഷ വിധിച്ചത്. പിഴ അടച്ചില്ലെങ്കിൽ ഒരു വർഷം കൂടി തടവ് അനുഭവിക്കേണ്ടി വരുമെന്ന് കോടതി അറിയിച്ചു. 

2017 ഫെബ്രുവരിയിലാണ് കേസിന് ആസ്പദമായ സംഭവം നടക്കുന്നത്. കേസിൽ കുറ്റക്കാരനായ സുബിൻ പെൺക്കുട്ടിയുടെ വീട്ടിൽ പ്രവേശിച്ച് 15കാരിയെ ബലാത്സംഗത്തിന് ഇരയാക്കുകയായിരുന്നു. 

തുടർന്ന് പെൺക്കുട്ടി പാരിപ്പള്ളി പോലീസ് സ്റ്റേഷനിൽ സുബിനെതിരെ പരാതി നൽകി. ശേഷം നടന്ന അന്വേഷണത്തിൽ പോലീസ് സുബിൻ കുറ്റകാരനാണെന്ന് കണ്ടെത്തി കുറ്റപത്രം സമർപ്പിക്കുകയും ചെയ്തു.