Sex Racket Arrested: പെണ്‍വാണിഭ സംഘങ്ങളെ ലക്ഷ്യമിട്ട് പോലീസിന്റെ മിന്നൽ പരിശോധന; ഒരാഴ്ചയ്ക്കിടെ പിടിയിലായത് 20 പേർ!

കൊച്ചി: എറണാകുളം ജില്ലയിൽ പെണ്‍വാണിഭ സംഘങ്ങളെ ലക്ഷ്യമിട്ട് പോലീസ് മിന്നൽ പരിശോധന തുടരുന്നു. കഴിഞ്ഞ ഒരാഴ്ച്ചക്കിടെ ആലുവയിലും കൊച്ചി നഗരത്തിലുമായി നടന്ന റെയ്ഡുകളിൽ  പിടിയിലായത് 20 പേരാണ്. 

കഴിഞ്ഞ ദിവസം കടവന്ത്രയിൽ നിന്ന് അറസ്റ്റിലായ പെൺവാണിഭ സംഘത്തിലെ മൂന്ന് പേരെയും കോടതിയിൽ ഹാജരാക്കി റിമാൻഡ് ചെയ്തിരുന്നു. കഴിഞ്ഞ ഒരാഴ്ച്ചക്കിടെ നഗരത്തിലെ ഹോട്ടലുകളിലും ലോഡ്ജുകളിലും നടന്ന പരിശോധനകളിലാണ് ഈ 20 പേരും പിടിയിലാകുന്നത്.

ചെറുതും വലുതുമായ പെണ്‍വാണിഭ സംഘങ്ങളിൽ ക്രിമിനൽ പശ്ചാത്തലമുളളവർ മുതൽ വിദ്യാർത്ഥിനികൾ വരെയുണ്ടെന്നാണ് റിപ്പോർട്ട്. കഴിഞ്ഞ ദിവസം സൗത്ത് റെയിൽവേ സ്റ്റേഷന് സമീപത്തെ ഹോട്ടലിൽ നിന്ന് ഒരു സ്ത്രിയും സഹായിയും ഹോട്ടലുടമയുമടക്കം മൂന്നു പേരാണ് പിടിയിലായത്. കഴിഞ്ഞ ഒരു മാസമായി ഹോട്ടൽ കേന്ദ്രീകരിച്ച് പ്രവർത്തിച്ച സംഘത്തെ കുറിച്ചു ;ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് കടവന്ത്ര പോലീസ് പിടികൂടിയത്.

ഇടപാടിന് പുസ്തകം സൂക്ഷിച്ചിരുന്ന സംഘം പെണ്‍കുട്ടികൾക്ക് പണം നൽകിയത് ഓണ്‍ലൈനിലൂടെയായിരുന്നു. കേരളത്തിനകത്തും പുറത്തുമുളള വിദ്യാർത്ഥിനികൾ മുതൽ പ്രായംചെന്ന സ്ത്രീകൾ വരെ ഈ സംഘത്തിലുണ്ട്. കഴിഞ്ഞ ദിവസം ആലുവയിൽ പന്ത്രണ്ടംഗ സംഘവും സൗത്ത് റെയിൽവേ സ്റ്റേഷനു സമീപം നാലംഗ സംഘവും അറസ്റ്റിലായിരുന്നു. ഇവർ ലഹരി ഇടപാടുകളിലെ കണ്ണികളാണോയെന്നും പോലീസ് അന്വേഷിക്കുന്നുണ്ട്.