തിരുവനന്തപുരത്ത് ഹോട്ടൽ മുറിയിൽ യുവതി മരിച്ച നിലയിൽ; കൂടെ മുറിയെടുത്ത യുവാവിനെ കാണ്മാനില്ല

തിരുവനന്തപുരം : തിരുവനന്തപുരം നഗരത്തിലെ ഹോട്ടലിൽ യുവതി മരിച്ച നിലയിൽ. തമ്പാനൂരിൽ ഹോട്ടൽ മുറിക്കുള്ളിലാണ് യുവതിയെ മരിച്ച നിലയിൽ കണ്ടെത്തിയത്. കാട്ടാക്കട സ്വദേശി ഗായത്രിയാണ് മരിച്ചത്. 

പ്രവീൺ എന്ന ആൾക്കൊപ്പമെത്തിയാണ് ഗായത്രി ഹോട്ടലിൽ മുറിയെടുത്തത്. എന്നൽ ഇയാളെ ഇപ്പോൾ കാണ്മാനില്ല. ഇരുവരും ഇന്നലെ ഫെബ്രുവരി 5ന് ഉച്ചയ്ക്കാണ് ഹോട്ടലിൽ മുറിയെടുത്തത്‌.

ഹോട്ടലിനുള്ളിൽ മരണം നടന്നുവെന്ന് ഒരാൾ  വിളിച്ചറിയിച്ചതിന് പിന്നാലെ നടത്തിയ പരിശോധനയിലാണ് യുവതിയെ മരിച്ച നിലയിൽ കണ്ടെത്തിയത്. വിഷം ഉള്ളിൽ ചെന്ന നിലയിലാണ് യുവതി.

കൊല്ലം പരവൂർ സ്വദേശിയാണ് പ്രവീൺ. പ്രവീൺ തിരുവനന്തപുരത്തെ ജുവലറി ജീവനക്കാരനാണ്. മരിച്ച യുവതി എട്ട് മാസം മുമ്പ് ഇതെ സ്വർണക്കടയിൽ ജോലി ചെയ്തിരുന്നു. 

തമ്പാനൂർ പോലീസ് കേസെടുത്ത് അന്വേഷണം ആരംഭിച്ചു. കൊലപാതകമാണെന്ന് പോലീസ് സംശയിക്കുന്നു.