Tamil Nadu: തമിഴ്നാട്ടിൽ രണ്ട് ഗുണ്ടകളെ പോലീസ് വെടിവെച്ച് കൊന്നു

ചെന്നൈ: തമിഴ്നാട്ടിൽ പത്തോളം കൊലക്കേസുകളിലെ പ്രതികളായ രണ്ട് ​ഗുണ്ടകളെ ഏറ്റുമുട്ടലിലൂടെ പോലീസ് വെടിവെച്ചു കൊന്നു.  ചോട്ടാ വിനോദ്, രമേഷ് എന്നിവരെയാണ് പോലീസ് വെടിവെച്ച് കൊലപ്പെടുത്തിയത്. താംബരത്തിനടുത്തുള്ള ഗുഡുവഞ്ചേരിയിൽ ചൊവ്വാഴ്ച്ച പുലർച്ചെ 3.30 ഓടെയാണ് ഏറ്റുമുട്ടലുണ്ടായത്.

ഏറ്റുമുട്ടലിൽ പരിക്കേറ്റ സബ് ഇൻസ്പെക്ടർ ശിവഗുരുനാഥനെ ക്രോംപേട്ട് സർക്കാർ ആശുപത്രിയിൽ പ്രവേശിപ്പിച്ചിട്ടുണ്ട്. കരണമൂട്ടിൽ പോലീസിന്റെ വാഹന പരിശോധനക്കിടെയായിരുന്നു സംഭവം. വാഹനപരിശോധനക്കിടെ ഗുണ്ടകൾ സഞ്ചരിച്ച വാഹനം അമിത വേ​ഗത്തിലെത്തി പോലീസ് വാഹ​നത്തിൽ ഇ‌ടിക്കുകയായിരുന്നുവെന്നും. ഇതിനു പിന്നാലെയാണ് ഏറ്റുമുട്ട‌ലുണ്ടായതെന്നുമാണ് റിപ്പോർട്ട്.

കാറിലുണ്ടായിരുന്ന നാലംഗ സംഘം തങ്ങളെ ആക്രമിച്ചുവെന്നും പ്രാണരക്ഷാർത്ഥം തങ്ങൾ വെടിവയ്ക്കുകയായിരുന്നുവെന്നുമാണ് പോലീസ് പറയുന്നത്.  കൊല്ലപ്പെട്ട ചോട്ടാ വിനോദിന്റെ പേരില്‍ പത്ത് കൊലക്കേസുകളും അമ്പതോളം മറ്റ് കേസുകളുമുണ്ട്.  അതുപോലെ രമേഷിനെതിരെ അഞ്ച് കൊലപാതക കേസുകളും 30 മറ്റ് കേസുകളുമുണ്ട്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy