UP Horror: ഇൻസ്റ്റഗ്രാംവഴി സൗഹൃദം; യുവതിയെ മയക്കുമരുന്ന് നൽകി കൂട്ടബലാത്സംഗം ചെയ്തു!

ലഖ്‌നൗ: ഉത്തർപ്രദേശിലെ ഷാംലി ജില്ലയിലെ ഹോട്ടലിൽ മയക്കമരുന്ന് കലർത്തിയ ശീതളപാനീയം നൽകിയ ശേഷം യുവതിയെ രണ്ട് പേർ ചേർന്ന് കൂട്ടബലാത്സംഗം ചെയ്താതായി റിപ്പോർട്ട്.

മീററ്റിലെ താമസക്കാരിയായ യുവതി ബാങ്കിൽ ജോലി ചെയ്യുന്നുവെന്ന് അവകാശപ്പെട്ട ഈ പ്രതിയുമായി ഇൻസ്റ്റാഗ്രാമിലൂടെയാണ്  ചങ്ങാത്തത്തിലായത്.  തുടർന്ന് ബാങ്കിൽ ജോലി ലഭിക്കാൻ സഹായിക്കാമെന്ന് ഇയാൾ വാഗ്ദാനം ചെയ്യുകയും ഉണ്ടായി.  ശേഷം പ്രതി തൻ്റെ സുഹൃത്തിനെ അയച്ച് ജോലി നൽകാമെന്ന വാഗ്ദാനത്തിൽ അയാളോടൊപ്പം ഡെറാഡൂണിലേക്ക് വരാൻ യുവതിയോട് ആവശ്യപ്പെടുകയും ചെയ്തു. 

ഇതനുസരിച്ചു യുവതി ഡെറാഡൂണിൽ എത്തിയെങ്കിലും ഇയാകെ അവിടെ കണ്ടില്ല. പിന്നീട്, ഉത്തർപ്രദേശിലെ ഷാംലിയിലേക്ക് പ്രതിയുടെ സുഹൃത്തിനോടൊപ്പം പോയിയെന്നും അവിടെ വച്ചാണ് ടൈവതി പ്രതിയെ കണ്ടുമുട്ടിയതും.  ഇവിടെ വച്ചാണ് പ്രതിയും സുഹൃത്തും യുവതിക്ക് മയക്കമരുന്ന് കലർത്തിയ ശീതളപാനീയം തന്നതിന് ശേഷം ഒരു ഹോട്ടലിൽ കൊണ്ടുപോയി കൂട്ടബലാത്സംഗം ചെയ്ത്തതെന്നാണ് യുവതിയുടെ മൊഴി.  സംഭവത്തിൽ യുവതിയുടെ പരാതിയുടെ അടിസ്ഥാനത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.