Vallikunnam Suchitra Suicide Case : വള്ളിക്കുന്നത്ത് 19കാരി ഭർത്തൃവീട്ടിൽ മരിച്ച സംഭവത്തിൽ ഭർത്താവിന്റെ മാതാപിതാക്കളുടെ അറസ്റ്റ് രേഖപ്പെടുത്തി

Alappuzha : വള്ളികുന്നത്ത് പത്തൊമ്പതുകാരിയായ സുചിത്ര ഭർത്തൃവീട്ടിൽ തൂങ്ങി മരിച്ച സംഭവത്തിൽ (Vallikunna Suchitra Suicde Case) ഭർത്താവിന്റെ അച്ഛനെയും അമ്മെയും പൊലീസ് അറസ്റ്റ് ചെയ്തു. ഇന്നലെ സംഭവത്തിൽ പൊലീസ് (Kerala Police) സ്ത്രീധന പീഡനത്തിന് പൊലീസ് കേസെടുത്തിരുന്നു. അതിനെ പിന്നാലെ കസ്റ്റഡിയിലെടുത്ത സുചിത്രയുടെ ഭർത്താവ് വിഷ്ണുവിന്റെ മാതാപിതാക്കളായ ഉത്തമൻ ഭാര്യ സുലോചന എന്നിവരുടെ അറസ്റ്റ് ഇന്ന് രേഖപ്പെടുത്തുകയും ചെയ്തു.

ഉത്തമൻ, സുലോചന എന്നിവരെയാണ് ചെങ്ങന്നൂർ ഡ‍ിവൈഎസ്പിയുടെ നേതൃത്വത്തിലുള്ള അന്വേഷണ സംഘം  കസ്റ്റഡിയിലെടുത്തത്. പത്ത് ലക്ഷം രൂപ ആവശ്യപ്പെട്ട് ഉണ്ടായ മാനസിക പീഡനമാണ് ആത്മഹത്യയിലേക്ക് നയിച്ചതെന്ന് പൊലീസ് കോടതിയിൽ റിപ്പോർട്ട് നൽകും.

അറസ്റ്റിലായ വിഷ്ണുവിന്റെ മാതാപിതാക്കൾ സുചിത്രയോട് കൂടുൽ സ്ത്രീധന വേണമെന്ന് പറഞ്ഞ് ആവശ്യപ്പെട്ട് മാനസികാമായി പീഡിപ്പിച്ചിരുന്നു. ഇതെ തുടർന്നാണ് യുവതി ആത്മഹത്യ ചെയ്തെന്ന് ചെങ്ങന്നൂർ ഡിവൈഎസ്പി ആർ. ജോസ് പറഞ്ഞു. 

ജൂൺ 22നാണ് സുചിത്രയെ ഭർത്താവിന്റെ വീട്ടിലെ കിടപ്പുമുറിയിൽ തൂങ്ങി മരിച്ച നിലയിൽ കണ്ടെത്തിയത്. മരണം നടക്കുമ്പോൾ ഉത്തമനും സുലോചനയും മാത്രമാണ് വീട്ടിലുണ്ടായിരുന്നത്. 

മാർച്ച് 21നായിരുന്നു വിഷ്ണുവിന്റെയും സുചിത്രയുടേയും വിവാഹം. സൈനികനായ വിഷ്ണു മേയിൽ ജോലി സ്ഥലമായ ഉത്തരഖണ്ഡിലേക്ക് മടങ്ങിയിരുന്നു.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy