Wheat Grass Benefits: ഹരിതകത്തിന്‍റെ ഏറ്റവും മികച്ച ഉറവിടം, വീറ്റ് ഗ്രാസിനുണ്ട് അതിശയകരമായ ഗുണങ്ങള്‍
Wheat Grass Benefits: മുളപ്പിച്ച ഗോതമ്പ് പാകി കിളിർപ്പിക്കുന്നതാണ് വീറ്റ് ഗ്രാസ് (Wheat Grass). ഇലകൾക്ക് അഞ്ചോ ആറോ ഇഞ്ച് നീളം ആകുമ്പോൾ അവ മുറിച്ചെടുത്ത് ജ്യൂസ് ആക്കാം. എല്ലാ ആരോഗ്യപ്രശ്നങ്ങൾക്കുമുള്ള പ്രതിവിധിയാണ് വീറ്റ് ഗ്രാസ് ജ്യൂസ്.
Wheat Grass Benefits: ഗോതമ്പിൽ എല്ലാ ധാതുക്കളും അടങ്ങിയിട്ടുണ്ട് എന്ന് നമുക്കറിയാം, എന്നാല്‍ അതേപോലെതന്നെ ഗുണകരമാണ് ഗോതമ്പ് പുല്ല് അല്ലെങ്കില്‍ വീറ്റ് ഗ്രാസ് (Wheat Grass). ആരോഗ്യത്തിന് ഏറെ ഗുണകരമായ വീറ്റ് ഗ്രാസ് കഴിയ്ക്കുന്നതിലൂടെ പല രോഗങ്ങളേയും മറികടക്കാം.
മുളപ്പിച്ച ഗോതമ്പ് പാകി കിളിർപ്പിക്കുന്നതാണ് വീറ്റ് ഗ്രാസ് (Wheat Grass). ഇലകൾക്ക് അഞ്ചോ ആറോ ഇഞ്ച് നീളം ആകുമ്പോൾ അവ മുറിച്ചെടുത്ത് ജ്യൂസ് ആക്കാം. എല്ലാ ആരോഗ്യപ്രശ്നങ്ങൾക്കുമുള്ള പ്രതിവിധിയാണ് വീറ്റ് ഗ്രാസ് ജ്യൂസ്.
ഗുണങ്ങള്‍ കൊണ്ട് സമ്പന്നമാണ് വീറ്റ് ഗ്രാസ്. വൈറ്റമിൻ എ, സി, ഇ, കെ, ബി കോംപ്ലക്‌സിന്‍റെ ഗുണങ്ങൾ എന്നിവയാൽ സമ്പന്നമാണ് ഇത്. കൂടാതെ, വീറ്റ് ഗ്രാസില്‍ ഇരുമ്പ്, കാൽസ്യം തുടങ്ങിയ ധാതുക്കൾ ഗണ്യമായ അളവിൽ അടങ്ങിയിട്ടുണ്ട്. ഇത് ആരോഗ്യത്തിന് ഏറെ ഗുണം ചെയ്യും. വീറ്റ് ഗ്രാസ് കഴിയ്ക്കുന്നതിലൂടെ കൊളസ്ട്രോൾ, പ്രമേഹം തുടങ്ങിയവ പോലും ബൈ പറയും എന്നാണ് ആരോഗ്യ വിദഗ്ധര്‍ പറയുന്നത്.
Also Read: Lakshmi Yoga: കർക്കടക രാശിയിൽ ശുക്രന്‍റെ സംക്രമം, ഈ 5 രാശിക്കാരുടെ ഭാഗ്യം സ്വർണ്ണം പോലെ തിളങ്ങും!!
വീറ്റ് ഗ്രാസ് എങ്ങിനെയാണ് ഉപയോഗിക്കുന്നതാണ് ഏറ്റവും ഗുണകരം?
വീറ്റ് ഗ്രാസ് അഥവാ ഗോതമ്പ് പുല്ല് ജ്യൂസ് ഉണ്ടാക്കി കുടിയ്ക്കുന്നതാണ് ഏറ്റവും ഉത്തമം. വീറ്റ് ഗ്രാസ് മാർക്കറ്റിൽ നിന്ന് വാങ്ങാം, വീട്ടില്‍ തന്നെ ശുദ്ധമായ ഫ്രഷ് ജ്യൂസ് ഉണ്ടാക്കി കുടിക്കുന്നത് കൂടുതൽ ഗുണം ചെയ്യും. എന്നാല്‍, എന്നും വീറ്റ് ഗ്രാസ് മാർക്കറ്റിൽ നിന്ന് വാങ്ങുന്നത് ഒരു പക്ഷെ ബുദ്ധിമുട്ടാകാം, നിങ്ങള്‍ക്ക് വളരെ എളുപ്പത്തില്‍ ഇത് വീട്ടില്‍ കൃഷി ചെയ്യാനും സാധിക്കും.
വീറ്റ് ഗ്രാസ് നല്‍കുന്ന ഗുണങ്ങള്‍ അറിയാം
1. കൊളസ്ട്രോൾ നിയന്ത്രിക്കാന്‍ ഉത്തമം
കൊളസ്ട്രോൾ വര്‍ദ്ധിക്കുന്നത് ശരീരത്തിന് വളരെ ദോഷകരമാണ്. ഹൃദയവുമായി ബന്ധപ്പെട്ട എല്ലാ പ്രശ്‌നങ്ങൾക്കും പ്രധാന കാരണം കൊളസ്‌ട്രോളാണ്. ഞരമ്പുകളിലെ ചീത്ത കൊളസ്ട്രോൾ നീക്കം ചെയ്യാൻ വീറ്റ് ഗ്രാസ് ഉത്തമമാണ്. വീറ്റ് ഗ്രാസ് ചീത്ത കൊളസ്ട്രോൾ നീക്കം ചെയ്യുക മാത്രമല്ല നല്ല കൊളസ്ട്രോൾ വർദ്ധിപ്പിക്കാനും സഹായിക്കുന്നു.
2. ചർമ്മത്തിന് ഗുണം ചെയ്യും
ശരീരത്തിലെ അഴുക്ക് നീക്കം ചെയ്യാൻ വീറ്റ് ഗ്രാസ് ഉത്തമമാണ്. ഇത് കഴിക്കുന്നതിലൂടെ ശരീരത്തിൽ നിന്ന് വിഷവസ്തുക്കൾ നീക്കം ചെയ്യപ്പെടുന്നു. വീറ്റ് ഗ്രാസ് ദിവസവും കഴിച്ചാൽ ചർമ്മ പ്രശ്‌നങ്ങളിൽ നിന്ന് മുക്തി നേടാം. മുഖത്തെ ചർമ്മത്തിലെ പാടുകൾ നീക്കം ചെയ്ത് ചർമ്മത്തിന് തിളക്കം നൽകാൻ ഇത് സഹായിയ്ക്കും.
3. ശരീരഭാരം കുറയ്ക്കാന്‍ സഹായകം
വീറ്റ് ഗ്രാസില്‍ അടങ്ങിയിരിക്കുന്ന പോഷകങ്ങൾ ശരീരഭാരം കുറയ്ക്കാൻ സഹായിക്കുന്നു. വീറ്റ് ഗ്രാസ് കഴിക്കുന്നത് ധാരാളം ഊർജം നൽകുകയും വിശപ്പ് കുറയ്ക്കുകയും ചെയ്യുന്നു. വിശപ്പ് കുറയുമ്പോള്‍ ഭക്ഷണം കഴിയ്ക്കുന്നത് കുറയുന്നു. അതുമൂലം ശരീര ഭാരം നിയന്ത്രണത്തിലാകുന്നു.
4. പ്രമേഹം നിയന്ത്രിക്കുക
വീറ്റ് ഗ്രാസ് കഴിക്കുന്നത് പ്രമേഹത്തെ നിയന്ത്രിക്കാൻ സഹായിക്കുന്നു. പഞ്ചസാരയുടെ അളവ് നിയന്ത്രിക്കാൻ സഹായിക്കുന്ന പ്രമേഹ വിരുദ്ധ ഗുണങ്ങൾ ഇതിലുണ്ട്.
5. സമ്മർദവും വിഷാദവും അകറ്റും
നമ്മുടെ ശരീരത്തിലെ ഇരുമ്പിന്‍റെ അഭാവം ഒരു പക്ഷേ വിഷാദത്തിലേക്കു നയിക്കാം. വീറ്റ് ഗ്രാസിൽ ധാരാളം ഇരുമ്പ് ഉണ്ട്. കൂടാതെ, ഇതിലെ ബി ജീവകങ്ങൾ ഉത്കണ്ഠയും വിഷാദവും അകറ്റും. മറ്റ് സംയുക്തങ്ങൾ അഡ്രീനൽ സിസ്റ്റം മെച്ചപ്പെടുത്തുകയും ചെയ്യുന്നു.
6. അര്‍ബുദ രോഗികള്‍ക്ക് ഏറെ ഗുണകരം
സ്തനാർബുദ രോഗികളിൽ കീമോതെറാപ്പിയുടെ ദോഷഫലങ്ങൾ കുറയ്ക്കാൻ വീറ്റ് ഗ്രാസ് ജ്യൂസിനു കഴിയുമെന്നാണ് പഠനങ്ങള്‍ പറയുന്നത്.
7. അൽഷിമേമേഴ്സ് രോഗികള്‍ക്ക് ഗുണകരം
വീറ്റ് ഗ്രാസ് ജ്യൂസില്‍ അടങ്ങിയിരിയ്ക്കുന്ന ഹരിതകം ശരീരത്തിനാവശ്യമായ ഓക്സിജൻ പ്രദാനം ചെയ്യുന്നു. തലച്ചോറിന്‍റെ പ്രവർത്തനങ്ങള്‍ക്ക് ഓക്സിജൻ ആവശ്യമാണ്. കൂടാതെ ഈ ജ്യൂസിന്‍റെ ആന്‍റി ഓക്സിഡന്‍റ് ഗുണങ്ങൾ അൽഷീമേഴ്സ് രോഗികൾക്ക് സഹായകമാണ്.
(നിരാകരണം: ഇവിടെ നൽകിയിരിക്കുന്ന വിവരങ്ങൾ വീട്ടുവൈദ്യങ്ങളും പൊതുവായ വിവരങ്ങളും അടിസ്ഥാനമാക്കിയുള്ളതാണ്. ഇത് സ്വീകരിക്കുന്നതിന് മുമ്പ് ദയവായി വൈദ്യോപദേശം തേടുക. ZEE NEWS ഇത് സ്ഥിരീകരിക്കുന്നില്ല.)
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...