Broccoli Benefits: ദഹനം, രോ​ഗപ്രതിരോധം മുതൽ നിരവധി ​ഗുണങ്ങൾ; ഡയറ്റിൽ ഉൾപ്പെടുത്താം ഈ പച്ചക്കറി

നിരവധി ആരോ​ഗ്യ ​ഗുണങ്ങളുള്ള പച്ചക്കറിയാണ് ബ്രോക്കോളി. വേനൽക്കാലത്ത് ബ്രോക്കോളി ഭക്ഷണത്തിൽ ഉൾപ്പെടുത്തുന്നത് ആരോ​ഗ്യത്തിന് നിരവധി ​ഗുണങ്ങൾ നൽകും. ചൂട് കൂടുതലുള്ള സമയത്ത് ചർമ്മത്തിന് നിരവധി പ്രശ്നങ്ങൾ നേരിടാൻ സാധ്യതയുണ്ട്. ഇത്തരം സന്ദർഭങ്ങളിൽ ബ്രോക്കോളി കഴിക്കുന്നത് ച‍ർമ്മത്തിന് കൂടുതൽ സംരക്ഷണം ലഭിക്കാൻ സഹായിക്കും. വേനൽക്കാലത്ത് ബ്രോക്കോളി കഴിക്കുന്നത് കൊണ്ടുള്ള ​ഗുണങ്ങൾ അറിയാം.

ശരീരത്തിൽ തണുപ്പ് നിലനിർത്തുന്നു: ഉയർന്ന ജലാംശമുള്ള പച്ചക്കറികൾ ഭക്ഷണത്തിൽ ഉൾപ്പെടുത്തുന്നത് ചൂടുള്ള കാലാവസ്ഥയിൽ നിങ്ങളുടെ ശരീരത്തിന് തണുപ്പ് നൽകും. ബ്രോക്കോളിയിൽ 92 ശതമാനം ജലാംശം അടങ്ങിയിരിക്കുന്നു. ഇത് ശരീരത്തിന് ആവശ്യമായ ഊർജം നൽകാനും ഉന്മേഷം നിലനിർത്താനും സഹായിക്കുന്നു.

ആന്റി ഓക്സിഡന്റ് സമ്പുഷ്ടം: ഹാനികരമായ അൾട്രാവയലറ്റ് വികിരണങ്ങളിൽ നിന്ന് ശരീരത്തെ സംരക്ഷിക്കുന്നതിന് സഹായിക്കുന്ന വിറ്റാമിൻ സി, ബീറ്റാ കരോട്ടിൻ തുടങ്ങിയ ആന്റി ഓക്സിഡന്റുകൾ ബ്രോക്കോളിയിൽ അടങ്ങിയിട്ടുണ്ട്. കൂടാതെ, ഈ ആന്റി ഓക്സിഡന്റുകൾ വീക്കം കുറയ്ക്കുകയും വിട്ടുമാറാത്ത വിവിധ രോ​ഗങ്ങളുടെ സാധ്യത കുറയ്ക്കുകയും ചെയ്യുന്നു.

ചർമ്മത്തിന്റെ ആരോ​ഗ്യം മികച്ചതാക്കുന്നു: ചർമ്മത്തെ ആരോ​ഗ്യത്തോടെയും തിളക്കത്തോടെയും നിലനിർത്തുന്നതിനും സൂര്യാഘാതത്തിൽ നിന്ന് ചർമ്മത്തിന് സംരക്ഷണം നൽകുന്നതിനും ബ്രോക്കോളി മികച്ചതാണ്. ഇത് കൊളാജൻ ഉത്പാദനം മെച്ചപ്പെടുത്തുന്നു. ബ്രോക്കോളി കഴിക്കുന്നത് വേനൽക്കാലത്തെ ചർമ്മപ്രശ്നങ്ങളിൽ നിന്ന് സംരക്ഷണം നൽകും.

ദഹനത്തിന് മികച്ചത്: ബ്രോക്കോളിയിൽ ഉയർന്ന അളവിൽ നാരുകൾ അടങ്ങിയിട്ടുണ്ട്. ഇത് ദഹനത്തിന് ​ഗുണം ചെയ്യുന്നു. ദഹനത്തെ പിന്തുണയ്ക്കുന്ന എൻസൈമുകൾ ബ്രോക്കോളിയിൽ അടങ്ങിയിട്ടുണ്ട്. ഇത് ഭക്ഷണം എളുപ്പത്തിൽ ദഹിപ്പിക്കുന്നതിനും പോഷകങ്ങൾ ആ​ഗിരണം ചെയ്യുന്നതിനും സഹായിക്കുന്നു.

പ്രതിരോധശേഷി വർധിപ്പിക്കുന്നു: ബ്രോക്കോളിയിൽ അടങ്ങിയിരിക്കുന്ന വിറ്റാമിനുകളും പോഷകങ്ങളും വീക്കം കുറയ്ക്കാനും പ്രതിരോധശേഷി വർധിപ്പിക്കാനും സഹായിക്കുന്നു. വേനൽക്കാല ഭക്ഷണക്രമണത്തിൽ ബ്രോക്കോളി ചേർക്കുന്നത് നിരവധി ആരോ​ഗ്യ ​ഗുണങ്ങൾ നൽകും. വേനൽക്കാലത്തെ വിവിധ ആരോ​ഗ്യപ്രശ്നങ്ങളിൽ നിന്ന് ഇത് സംരക്ഷണം നൽകും.

ശരീരത്തിൽ ജലാംശം നിലനിർത്തുന്നു: ബ്രോക്കോളി കഴിക്കുന്നത് വഴി ശരീരത്തിന് ആവശ്യത്തിന് ജലാംശം ലഭിക്കുന്നു. വേനൽക്കാലത്ത് ശരീരത്തിൽ ആവശ്യത്തിന് ജലാംശം ഉണ്ടെന്ന് ഉറപ്പാക്കേണ്ടത് പ്രധാനമാണ്. ഇത് നിർജ്ജലീകരണം തടയുന്നു. മറ്റ് ആരോ​ഗ്യപ്രശ്നങ്ങളിൽ നിന്ന് സംരക്ഷണം നൽകുന്നു.

കുടലിന്റെ ആരോ​ഗ്യം: ബ്രോക്കോളിയിൽ നാരുകൾ ഉയർന്ന അളവിൽ അടങ്ങിയിരിക്കുന്നതിനാൽ ഇത് കുടലിന്റെ ആരോ​ഗ്യത്തിന് ​ഗുണം ചെയ്യും. ബ്രോക്കോളി കഴിക്കുന്നത് കുടലിലെ നല്ല ബാക്ടീരിയയുടെ വളർച്ചയെ സഹായിക്കും. ഇത് വയറുവേദന, ​ഗ്യാസ്, മലബന്ധം തുടങ്ങിയ പ്രശ്നങ്ങളിൽ നിന്ന് സംരക്ഷണം നൽകും.

ബ്രോക്കോളി ഭക്ഷണത്തിൽ ഉൾപ്പെടുത്തുന്നത് നിരവധി ​ഗുണങ്ങൾ നൽകും. ദഹനം മെച്ചപ്പെടുത്താനും വയറുസംബന്ധമായ ആരോ​ഗ്യപ്രശ്നങ്ങൾ തടയാനും ഇത് സഹായിക്കും. ചർമ്മത്തിന്റെ ആരോ​ഗ്യം മികച്ചതാക്കാനും നിർജ്ജലീകരണം തടയാനും ഇത് മികച്ചതാണ്.