Diabetes In Children: കുട്ടികളിലെ പ്രമേഹം എങ്ങിനെ കണ്ടെത്താം? കാരണങ്ങളും വെല്ലുവിളികളും
Diabetes In Children: ചെറുപ്പത്തില്‍ പ്രമേഹം പിടിപെടുന്നത് കുട്ടികൾക്കും മാതാപിതാക്കള്‍ക്കും വെല്ലുവിളി നിറഞ്ഞതാണ്. ഈ സമയത്ത് ചികിത്സയ്ക്കിടെ കുട്ടികള്‍ക്ക് വൈകാരിക പിന്തുണ നൽകേണ്ടതും ഏറെ പ്രധാനമാണ്.
Diabetes In Children: പ്രമേഹം മുതിര്‍ന്നവരെയാണ് ബാധിക്കുന്നതെന്നാണ് പൊതുവേയുള്ള നമ്മുടെ ധാരണ. എന്നാല്‍ ഇന്ന് മറിച്ചാണ്, പ്രമേഹം ചില സന്ദര്‍ഭങ്ങളില്‍ കുട്ടികളെയും കടന്നുപിടിക്കാറുണ്ട്. കുട്ടികളില്‍ ടൈപ്പ് 1 പ്രമേഹം മാത്രമല്ല, ടൈപ്പ് 2 പ്രമേഹവും ഉണ്ടാകാം.
പ്രമേഹം ഒരു വിട്ടുമാറാത്ത ഒരു രോഗമാണ്, അതിനാല്‍ ആരോഗ്യകരമായ ജീവിതം നയിക്കാൻ പ്രമേഹം നിയന്ത്രണത്തിലാക്കേണ്ടത് വളരെ പ്രധാനമാണ്. കുട്ടികളില്‍ പ്രമേഹം പിടിപെടുന്നത് തടയാൻ ഒരു പരിധി വരെ മാതാപിതാക്കള്‍ ശ്രദ്ധിക്കേണ്ടതുണ്ട്. ഇനി അഥവാ കുട്ടികളില്‍ പ്രമേഹം കണ്ടെത്തിയാല്‍ അത് നിയന്ത്രിക്കുന്നതിന് ജീവിതശൈലി പരിഷ്‌ക്കരണങ്ങൾ, മരുന്നുകൾ, ചിട്ടയായ വൈദ്യ പരിചരണം എന്നിവ ഉൾപ്പെടുന്ന സമഗ്രമായ സമീപനം ആവശ്യമാണ്.
Also Read: World Cup 2023: ഇന്ത്യയുടെ ഈ ബൗളര്‍ 'Deadly', സ്റ്റമ്പ് തെറിപ്പിക്കാന്‍ മിടുക്കന്‍!! കെയ്ൻ വില്യംസൺ
ചെറുപ്പത്തില്‍ പ്രമേഹം പിടിപെടുന്നത് കുട്ടികൾക്കും മാതാപിതാക്കള്‍ക്കും വെല്ലുവിളി നിറഞ്ഞതാണ്. ഈ സമയത്ത് ചികിത്സയ്ക്കിടെ കുട്ടികള്‍ക്ക് വൈകാരിക പിന്തുണ നൽകേണ്ടതും ഏറെ പ്രധാനമാണ്. മാതാപിതാക്കളില്‍ വലിയ ആശങ്കയ്ക്കിടയാക്കുന്നതാണ് കുട്ടികളിലെ പ്രമേഹം. കുട്ടികളില്‍ കൂടുതലായി കണ്ടുവരുന്നത് ടൈപ്പ് 1 പ്രമേഹമാണ്. എന്നാല്‍, ഇന്നത്തെക്കാലത്ത് ടൈപ്പ് 2 പ്രമേഹവും കുട്ടികളില്‍ കണ്ടുവരുന്നുണ്ട്.
രക്തത്തിലെ പഞ്ചസാര എന്നും വിളിക്കപ്പെടുന്ന ഗ്ലൂക്കോസിന്‍റെ അളവ് വളരെ ഉയർന്നതായിരിക്കുമ്പോഴാണ് പ്രമേഹം ഉണ്ടാകുന്നത്. നിങ്ങളുടെ ശരീരം ആവശ്യത്തിന് ഇൻസുലിൻ ഉത്പാദിപ്പിക്കാത്തപ്പോഴോ അത് ഉൽപ്പാദിപ്പിക്കുന്ന ഇൻസുലിൻ ഫലപ്രദമല്ലാത്തപ്പോഴോ ശരീരം ഇൻസുലിൻ ഉത്പാദിപ്പിക്കാത്തപ്പോഴോ ഇത് സംഭവിക്കാം.
പ്രമേഹം നമുക്കറിയാം ഗുരുതരമായ ആരോഗ്യ പ്രത്യാഘാതങ്ങൾ ഉണ്ടാക്കുന്ന ഒരു വിട്ടുമാറാത്ത അവസ്ഥയാണെങ്കിലും, ഇന്ന് കുട്ടികളിൽ പ്രമേഹ കേസുകൾ വർദ്ധിക്കുന്നത് ആശങ്കാജനകമായ വസ്തുതയെന്നാണ് ഡോക്ടർമാർ പറയുന്നത്.
ലോകാരോഗ്യ സംഘടനയുടെ (WHO) കണക്കനുസരിച്ച് 18 വയസ്സിന് മുകളിലുള്ള 77 ദശലക്ഷം ആളുകൾ ടൈപ്പ് 2 പ്രമേഹം അനുഭവിക്കുന്നു. ഇന്ത്യയിൽ സമീപഭാവിയിൽ ഏകദേശം 25 ദശലക്ഷം ആളുകൾക്ക് പ്രമേഹം വരാനുള്ള സാധ്യത കൂടുതലാണ്
കുട്ടികളിൽ പ്രമേഹത്തിന് കാരണമാകുന്നത് എന്താണ്?
കുട്ടികളിലെ പ്രമേഹത്തിന്‍റെ കാരണങ്ങൾ അവരുടെ പ്രമേഹത്തിന്‍റെ തരം അനുസരിച്ച് വ്യത്യാസപ്പെടാം.
ടൈപ്പ് 1 പ്രമേഹത്തിന് പാരമ്പര്യം ഒരു പ്രധാന ഘടകമായി നിലകൊള്ളുമ്പോള്‍ മോശം ഭക്ഷണക്രമവും ജീവിത ശൈലിയുമാണ് ടൈപ്പ് 2 പ്രമേഹത്തിന് കാരണമായി പറയുന്നത്.
കുട്ടികളിൽ കണ്ടെത്തിയ പ്രമേഹത്തിന്‍റെ തരങ്ങൾ
പീഡിയാട്രിക് പ്രമേഹത്തിൽ ടൈപ്പ് 1, ടൈപ്പ് 2 പ്രമേഹം ഉൾപ്പെടുന്നുവെങ്കിലും, ടൈപ്പ് 1 പ്രമേഹം കുട്ടികളിലാണ് സാധാരണയായി കണ്ടുപിടിക്കുന്നത്.
ടൈപ്പ് 1 പ്രമേഹം ഒരു സ്വയം രോഗപ്രതിരോധ അവസ്ഥയാണ്, അതിൽ ശരീരത്തിന്‍റെ പ്രതിരോധ സംവിധാനം തെറ്റാവുകയും പാൻക്രിയാസിലെ ഇൻസുലിൻ ഉത്പാദിപ്പിക്കുന്ന കോശങ്ങളെ നശിപ്പിക്കുകയും ചെയ്യുന്നു.
മറുവശത്ത്, ടൈപ്പ് 2 പ്രമേഹം, മോശം ഭക്ഷണ ശീലങ്ങൾ, ഉദാസീനമായ ജീവിതശൈലി, പൊണ്ണത്തടി തുടങ്ങിയ ജീവിതശൈലി ഘടകങ്ങളുമായി പലപ്പോഴും ബന്ധപ്പെട്ടിരിക്കുന്നു.
കുട്ടികളിൽ പ്രമേഹത്തിന്‍റെ ലക്ഷണങ്ങൾ, എങ്ങിനെ കണ്ടെത്താം?
കുട്ടികളിലെ പ്രമേഹത്തിന്‍റെ ലക്ഷണങ്ങൾ മുതിർന്നവരുടേതിന് സമാനമായിരിക്കാം, എന്നാൽ ചിലപ്പോൾ അവ വ്യത്യാസപ്പെട്ടിരിക്കാം. പ്രധാന ലക്ഷണങ്ങള്‍ ഇവയാണ്.
1. ഇടയ്ക്കിടെ മൂത്രമൊഴിക്കാനുള്ള പ്രേരണ
2. അമിത ദാഹം
3. ശരീരഭാരം കുറയുന്നു (ശരിയായി ഭക്ഷണം കഴിയ്ക്കുന്ന അവസരത്തിലും)
4. ക്ഷീണം അല്ലെങ്കിൽ തളര്‍ച്ച
5. പരിക്കുകള്‍ സുഖപ്പെടാന്‍ ഏറെ സമയം വേണ്ടി വരുന്നു. ഇടയ്ക്കിടെയുള്ള അണുബാധകൾ
6. ക്ഷോഭം അല്ലെങ്കിൽ മൂഡ് മാറ്റങ്ങൾ
കുട്ടികളിലെ പ്രമേഹം എങ്ങിനെ നിയന്ത്രിക്കാം?
കുട്ടികളിലെ പ്രമേഹം നിയന്ത്രിക്കുന്നതിന് ജീവിതശൈലി പരിഷ്‌ക്കരണങ്ങൾ, മരുന്നുകൾ, ചിട്ടയായ വൈദ്യ പരിചരണം എന്നിവ ഉൾപ്പെടുന്ന സമഗ്രമായ സമീപനം ആവശ്യമാണ്. കുട്ടികളിലെ പ്രമേഹ നിയന്ത്രണത്തിന്‍റെചില പ്രധാന വശങ്ങൾ ഇവയാണ്.
• രക്തത്തിലെ ഗ്ലൂക്കോസിന്‍റെ പതിവ് നിരീക്ഷണം
• ആരോഗ്യകരമായ ഭക്ഷണം
• ശാരീരിക പ്രവർത്തനങ്ങൾ
പ്രമേഹ നിയന്ത്രണം: കുട്ടികളും കുടുംബങ്ങളും നേരിടുന്ന വെല്ലുവിളികൾ
കുട്ടികളുടെ പ്രായം എന്നത് ഈ വിട്ടുമാറാത്ത രോഗത്തെ കൈകാര്യം ചെയ്യുന്നതിന് വെല്ലുവിളി ഉണ്ടാക്കും എന്ന കാര്യത്തില്‍ സംശയമില്ല. വേദനയും അസ്വസ്ഥതകളും, വൈകാരികവും മാനസികവുമായ ആഘാതം, സ്കൂളും സാമൂഹിക സാഹചര്യങ്ങളും അവയില്‍ ചിലതാണ്.
കുട്ടികളിൽ പ്രമേഹം കണ്ടെത്തിയാല്‍ ചെയ്യേണ്ടതും ചെയ്യാന്‍ പാടില്ലാത്തതുമായ ചില കാര്യങ്ങള്‍
ചെയ്യേണ്ടത്:
ക്രമമായ വ്യായാമവും സമീകൃതാഹാരവും ഉൾപ്പെടെ ആരോഗ്യകരമായ ജീവിതശൈലി പ്രോത്സാഹിപ്പിക്കുക.
കുട്ടി വളരുന്നതിനനുസരിച്ച് രക്തത്തിലെ പഞ്ചസാരയുടെ അളവ് നിരീക്ഷിക്കുക, ഇൻസുലിൻ നൽകൽ തുടങ്ങിയ സ്വയം പരിചരണ കഴിവുകൾ പ്രോത്സാഹിപ്പിക്കുക.
അമിതവണ്ണമുള്ള കുട്ടികളില്‍ പ്രമേഹ സാധ്യത വളരെ കൂടുതലാണ്. അതിനാല്‍ മാതാപിതാക്കള്‍ കുട്ടികളുടെ ശരീരഭാരത്തിന്‍റെ കാര്യത്തില്‍ പ്രത്യേകം ശ്രദ്ധിക്കണം. പ്രായത്തിനും ഉയരത്തിനും അനുസരിച്ച ശരീരഭാരം നിലനിര്‍ത്താന്‍ ശ്രദ്ധിക്കുക.
കൊഴുപ്പ് ധാരാളം അടങ്ങിയ ഭക്ഷണങ്ങള്‍ പരമാവധി ഭക്ഷണക്രമത്തില്‍ നിന്നും ഒഴിവാക്കുക. എണ്ണയില്‍ വറുത്തതും പൊരിച്ചതുമായ ഭക്ഷണങ്ങള്‍ പരമാധി കുറയ്ക്കുക.
ആരോഗ്യകരമായ ഭക്ഷണശീലം പാലിയ്ക്കുക. പച്ചക്കറികളും പഴങ്ങളും ഫൈബറും അടങ്ങിയ ഭക്ഷണക്രമം തിരഞ്ഞെടുക്കുക.
കുട്ടികളെ വ്യായാമം ചെയ്യാനും കായികാധ്വാനം വളര്‍ത്തിയെടുക്കാനും ശീലിപ്പിക്കുക.
ഉറക്കക്കുറവ് കുട്ടികളില്‍ പ്രമേഹസാധ്യത വര്‍ധിപ്പിക്കുന്നു. അതിനാല്‍ കുട്ടികളുടെ ഉറക്കത്തിന്‍റെ കാര്യത്തിലും മാതാപിതാക്കള്‍ ശ്രദ്ധിക്കേണ്ടതുണ്ട്.
പാടില്ലാത്തവ:
പതിവ് മെഡിക്കൽ ചെക്കപ്പുകളുടെയും ഫോളോ-അപ്പുകളുടെയും പ്രാധാന്യം അവഗണിക്കുകയോ ഒഴിവാക്കുകയോ ചെയ്യരുത്.
പ്രമേഹം കുട്ടിയുടെ പ്രവർത്തനങ്ങളെ നിയന്ത്രിക്കാനോ അവരുടെ അഭിലാഷങ്ങളെ പരിമിതപ്പെടുത്താനോ അനുവദിക്കരുത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.