Hair Care Tips: മുടിയുടെ കരുത്തിന് ബയോട്ടിൻ പ്രധാനം; ഈ ഭക്ഷണങ്ങൾ കഴിച്ചാൽ ഫലം ഉറപ്പ്

വിറ്റാമിൻ ബി7 അഥവാ ബയോട്ടിൻ മുടിയുടെയും നഖത്തിന്റെയും ചർമ്മത്തിന്റെയും ആരോ​ഗ്യത്തിൽ വലിയ പങ്കുവഹിക്കുന്ന വിറ്റാമിനാണ്. ഇത് വെള്ളത്തിൽ ലയിക്കുന്ന ബി കോംപ്ലക്സ് വിറ്റാമിൻ ആണ്. കെരാറ്റിൻ ഉത്പാദത്തിൽ ഇത് വലിയ പങ്ക് വഹിക്കുന്നു. മുടിയുടെയും നഖങ്ങളുടെയും ഘടനയുടെ രൂപീകരണത്തിൽ കെരാറ്റിൻ വലിയ പങ്ക് വഹിക്കുന്നു.

ബയോട്ടിന്റെ കുറവ് ചർമ്മം വരണ്ടതാകുന്നതിനും നഖങ്ങൾ പൊട്ടുന്നതിനും മുടി കൊഴിച്ചിലിനും കാരണമാകുന്നു. മുടിയുടെയും ചർമ്മത്തിന്റെയും നഖങ്ങളുടെയും ആരോ​ഗ്യത്തിന് ബയോട്ടിൻ പ്രധാനമാണ്. ഇത് ലഭിക്കുന്നതിന് വിവിധ ഭക്ഷണങ്ങൾ സഹായിക്കും. ബയോട്ടിൻ ലഭിക്കുന്നതിന് ഏതെല്ലാം ഭക്ഷണങ്ങളാണ് കഴിക്കേണ്ടതെന്ന് അറിയാം.

നട്സുകളിൽ ബയോട്ടിൻ ധാരാളമായി അടങ്ങിയിരിക്കുന്നു. ഇത് ചർമ്മത്തിനും മുടിക്കും നഖങ്ങൾക്കും ആവശ്യമായ പോഷകങ്ങൾ നൽകുന്നു. മധുരക്കിഴങ്ങ് വിറ്റാമിനുകൾ, ധാതുക്കൾ, നാരുകൾ, കരോട്ടിനോയിഡുകൾ എന്നിവയുടെ മികച്ച ഉറവിടമാണ്. മധുരക്കിഴങ്ങിലെ ആന്റി ഓക്സിഡന്റുകൾ ശരീരത്തിന് ​ഗുണം ചെയ്യുന്നു.

പ്രോട്ടീൻ, ഇരുമ്പ്, ഫോസ്ഫറസ്, വൈറ്റമിൻ ബി എന്നിവയുടെ മികച്ച ഉറവിടമാണ് മുട്ട. സാൽമൊണല്ല ബാക്ടീരിയയുടെ അപകടസാധ്യത കുറയ്ക്കുന്നതിനും ബയോട്ടിൻ ആ​ഗിരണം മെച്ചപ്പെടുത്തുന്നതിനും ഇത് സഹായിക്കുന്നു. ഒമേ​ഗ 3 ഫാറ്റി ആസിഡുകളുടെ മികച്ച ഉറവിടമാണ് സാൽമൺ, ഫാറ്റി ഫിഷുകൾ എന്നിവ. ഇവ ചർമ്മത്തിന്റെയും മുടിയുടെയും ആരോ​ഗ്യത്തിന് വളരെയധികം ​ഗുണം ചെയ്യും.

കൂണിൽ ആന്റി ഓക്സിഡന്റുകളും സെലിനിയും, മ​ഗ്നീഷ്യം തുടങ്ങിയ ധാതുക്കളും ധാരാളമായി അടങ്ങിയിട്ടുണ്ട്. ഒരു കപ്പ് ഫ്രഷ് കൂണിൽ 5.6 മൈക്രോ​ഗ്രാം ബയോട്ടിൻ അടങ്ങിയിരിക്കുന്നു. ഇത് ചർമ്മത്തിന്റെയും മുടിയുടെയും ആരോ​ഗ്യത്തിന് ​ഗുണം ചെയ്യുന്നു. പയറുവർ​ഗങ്ങളിൽ പ്രോട്ടീൻ, നാരുകൾ, ധാതുക്കൾ എന്നിവ അടങ്ങിയിരിക്കുന്നു. ഇത് ആരോ​ഗ്യത്തിന് ​ഗുണം ചെയ്യുന്നു.