High Cholesterol: കൊളസ്ട്രോൾ കുറയ്ക്കാം ഹൃദയാരോ​ഗ്യം വർധിപ്പിക്കാം... ഈ ഭക്ഷണങ്ങൾ സൂപ്പറാണ്

കൊളസ്ട്രോൾ നില ആരോഗ്യകരമായി നിലനിർത്തുന്നത് നല്ല ജീവിതശൈലിയിൽ വലിയ പങ്ക് വഹിക്കുന്നു. കൊളസ്ട്രോൾ അളവ് വർധിക്കുന്നത് നിരവധി ആരോ​ഗ്യ പ്രശ്നങ്ങൾക്ക് കാരണമാകും. ഇത് ഹൃദ്രോ​ഗ സാധ്യത വർധിപ്പിക്കും. എൽഡിഎൽ കൊളസ്ട്രോളിൻ്റെ അളവ് കുറയ്ക്കുന്നതിന് ആരോ​ഗ്യകരമായ ഭക്ഷണക്രമം ശീലമാക്കേണ്ടത് പ്രധാനമാണ്.

ആരോ​ഗ്യകരമായ ഭക്ഷണക്രമം ശീലമാക്കുന്നത് കൊളസ്ട്രോൾ കുറയ്ക്കാനും ഹൃദയാരോ​ഗ്യം മികച്ചതാക്കാനും സഹായിക്കും. അതിനാൽ തന്നെ    ഭക്ഷണശീലങ്ങളിലും ജീവിതശൈലിയിലും വളരെ ജാ​ഗ്രത പാലിക്കേണ്ടതുണ്ട്. ഏതെല്ലാം ഭക്ഷണങ്ങളാണ് ചീത്ത കൊളസ്ട്രോളായ എൽഡിഎൽ കൊളസ്ട്രോളിനെ കുറയ്ക്കാൻ സഹായിക്കുന്നതെന്ന് നോക്കാം.

ഓട്സ്: പ്രഭാതഭക്ഷണമായി ഓട്സ് കഴിക്കുന്നത് കൊളസ്ട്രോൾ കുറയ്ക്കാനും ഹൃദയത്തിന്റെ ആരോ​ഗ്യം മികച്ചതാക്കാനും സഹായിക്കും. ഓട്സിൽ കലോറി കുറവും നാരുകൾ കൂടുതലുമാണ്. ഇത് ദഹനം മികച്ചതാക്കാനും ശരീരത്തിൽ നിന്ന് അധിക കൊളസ്ട്രോളിനെ നീക്കം ചെയ്യാനും സഹായിക്കും.

ചീര: ചീരയിൽ ല്യൂട്ടിൻ, പൊട്ടാസ്യം, ഫൈബർ, ആൻ്റി ഓക്‌സിഡൻ്റുകൾ തുടങ്ങിയ അവശ്യ പോഷകങ്ങൾ അടങ്ങിയിരിക്കുന്നു. ഈ പോഷകങ്ങൾ ഹൃദയാരോഗ്യം മെച്ചപ്പെടുത്താനും എൽഡിഎൽ കൊളസ്ട്രോൾ കുറയ്ക്കാനും സഹായിക്കുന്നവയാണ്. ഭക്ഷണത്തിൽ ചീര ഉൾപ്പെടുത്തുന്നത് നിരവധി ആരോ​ഗ്യ ​ഗുണങ്ങൾ നൽകും.

വാൽനട്ട്: വാൽനട്ട് ഒമേഗ -3 ഫാറ്റി ആസിഡുകളാൽ സമ്പന്നമാണ്. ഇത് ഹൃദയത്തെ സംരക്ഷിക്കുന്നതിന് ​ഗുണം ചെയ്യുന്നു. ഈ കൊഴുപ്പുകൾ ശരീരത്തിലെ വീക്കം കുറയ്ക്കാനും കൊളസ്ട്രോളിൻ്റെ അളവ് മെച്ചപ്പെടുത്താനും സഹായിക്കുന്നു. വാൽനട്ട് കഴിക്കുന്നത് ഹൃദയാരോഗ്യത്തെ മികച്ചതായി നിലനിർത്താൻ സഹായിക്കുന്നു.

ബ്ലൂബെറി: ബ്ലൂബെറി ആൻ്റി ഓക്‌സിഡൻ്റുകളാൽ സമ്പന്നമാണ്. പ്രത്യേകിച്ച് ഇവയിൽ ആന്തോസയാനിനുകൾ അടങ്ങിയിരിക്കുന്നു. ഇത് എൽഡിഎൽ കൊളസ്‌ട്രോളിൻ്റെ അളവ് കുറയ്ക്കാൻ സഹായിക്കുന്നു. ബ്ലൂബെറി കഴിക്കുന്നത് ഹൃദയാരോ​ഗ്യം മികച്ചതാക്കുകയും വിവിധ ഹൃദ്രോ​ഗങ്ങൾക്കുള്ള സാധ്യത കുറയ്ക്കുകയും ചെയ്യുന്നു.