True love: പങ്കാളി നിങ്ങളെ ആത്മാര്‍ത്ഥമായി സ്‌നേഹിക്കുന്നുണ്ടോ? അറിയാന്‍ ഇക്കാര്യങ്ങള്‍ ശ്രദ്ധിക്കൂ..!

യഥാർത്ഥ സ്നേഹം അഥവാ ട്രൂ ലവ് എന്നത് ഭാ​ഗ്യവാൻമാർക്ക് മാത്രമേ ലഭിക്കൂ എന്നാണ് പറയപ്പെടുന്നത്. ഇക്കാലത്ത് യഥാർത്ഥ സ്നേഹം കണ്ടെത്തുക എന്നത് അത്യന്തം ബുദ്ധിമുട്ടേറിയ കാര്യമാണ്. അതിനാൽ പങ്കാളികൾ തമ്മിലുള്ള ബന്ധത്തിൽ എന്തൊക്കെ പ്രശ്നങ്ങളുണ്ടെന്നും അവ പരിഹരിക്കാൻ എന്തൊക്കെ ചെയ്യണമെന്നുമെല്ലാം അറിഞ്ഞിരിക്കേണ്ടതുണ്ട്. 

ഇനി പറയാൻ പോകുന്ന അടയാളങ്ങളിലൂടെ നിങ്ങളുടെ പങ്കാളി നിങ്ങളെ ശരിക്കും സ്നേഹിക്കുന്നുണ്ടോ അല്ലെങ്കിൽ വെറും ടൈം പാസ് സ്നേഹമാണോ നിങ്ങളോടുള്ളത് തുടങ്ങിയ കാര്യങ്ങൾ നിങ്ങൾക്ക് വേ​ഗത്തിൽ മനസിലാക്കാൻ കഴിയും. അവ എന്തൊക്കെയാണെന്ന് നോക്കാം.

വൈകാരിക പിന്തുണ

യഥാർത്ഥ സ്നേഹത്തിൽ എല്ലായ്പ്പോഴും വൈകാരിക പിന്തുണ പ്രധാന ഘടകമാണ്. പരസ്പരം കുറ്റപ്പെടുത്താതെ പ്രയാസകരമായ സമയങ്ങളെ ഒരുമിച്ച് നേരിടാനും വെല്ലുവിളികളെ ഒറ്റക്കെട്ടായി അഭിമുഖീകരിക്കാനും പങ്കാളികൾ തയ്യാറാകും. വൈകാരികമായ അകലം സ്നേഹത്തിൻ്റെ കുറവിനെയാണ് സൂചിപ്പിക്കുന്നത്.

പരസ്പര ബഹുമാനം 

വിജയകരമായ രീതിയിൽ മുന്നോട്ട് പോകണമെങ്കിൽ രണ്ട് പങ്കാളികളിൽ നിന്നും തുല്യമായ പരിശ്രമം ആവശ്യമാണ്. ഒരു വ്യക്തി നിബന്ധനകൾ നിർദ്ദേശിക്കുകയോ എല്ലാ തീരുമാനങ്ങളും ഒറ്റയ്ക്ക് എടുക്കുകയോ ചെയ്താൽ അത് ആ ബന്ധത്തിലെ അസന്തുലിതാവസ്ഥയും യഥാർത്ഥ സ്നേഹത്തിൻ്റെ അഭാവവും സൂചിപ്പിക്കുകയാണെന്ന് മനസിലാക്കുക.

ആശയവിനിമയം

യഥാർത്ഥ സ്നേഹമാണെങ്കിൽ പങ്കാളികൾ തമ്മിൽ സത്യസന്ധമായ രീതിയിൽ എല്ലാ കാര്യങ്ങളും പങ്കുവെയ്ക്കും. ശരിയായ രീതിയിലുള്ള ആശയവിനിമയം എല്ലാ ബന്ധത്തിലും പ്രധാനമാണ്. നിങ്ങൾക്കിടയിൽ ആശയവിനിമയം, ചർച്ചകൾ, വികാരങ്ങൾ പങ്കുവെയ്ക്കൽ എന്നിവയുടെ അഭാവം ഉണ്ടെങ്കിൽ ആ ബന്ധം യഥാർത്ഥ സ്നേഹത്തിൽ അധിഷ്ഠിതമല്ലെന്ന് മനസിലാക്കാം.

പരസ്പര വിശ്വാസം

യഥാർത്ഥ സ്നേഹത്തിൽ പരസ്പര വിശ്വാസത്തിന് വളരെ പ്രധാനപ്പെട്ട പങ്കാണുള്ളത്. പങ്കാളിയ്ക്ക് നിങ്ങളിലുള്ള താത്പര്യം കുറയുകയും  മറ്റുള്ളവരുമായി ഏറെ നേരം ചിലവഴിക്കാൻ ഇഷ്ടപ്പെടുകയും ചെയ്താൽ അത് ആ ബന്ധത്തിലെ വിശ്വാസമില്ലായ്മയുടെ ലക്ഷണമാകാം.

ഭാവി ആസൂത്രണം

ദമ്പതികൾ തങ്ങളുടെ ബന്ധത്തെ വിലമതിക്കുന്ന ഭാവി പദ്ധതികൾ ഒരുമിച്ച് ചർച്ച ചെയ്യാറുണ്ട്. ആഴത്തിൽ പ്രണയത്തിലായ ഒരാൾ പദ്ധതികൾ ആസൂത്രണം ചെയ്യുമ്പോൾ ഭാവിയെക്കുറിച്ച് ചിന്തിക്കുന്നു. അതേസമയം, ടൈം പാസ് ബന്ധത്തിൽ ഏർപ്പെട്ടിരിക്കുന്ന ഒരാൾ അത്തരം ചർച്ചകൾ ഒഴിവാക്കിയേക്കാം.

വികാരങ്ങൾ പങ്കുവയ്ക്കൽ

പരസ്പരം ഉപാധികളില്ലാതെ സ്നേഹിക്കുന്ന പങ്കാളികൾ അവരുടെ വികാരങ്ങളും ആശങ്കകളും തുറന്നുപറയുന്നു. ഒരു ബന്ധത്തിലുള്ള ഒരാൾക്ക് വൈകാരികമായി അകൽച്ച തോന്നുന്നുവെങ്കിൽ, അത് ദൃഢതയില്ലാത്ത ബന്ധത്തിൻ്റെ അടയാളമായിരിക്കാം.

പ്രതിബദ്ധത

യഥാർത്ഥ സ്നേഹത്തിലെ ഒരു പ്രധാന ഘടകമാണ് പ്രതിബദ്ധത. പങ്കാളി പ്രതിജ്ഞാബദ്ധനല്ലെങ്കിൽ, ബാഹ്യ ആകർഷണങ്ങളാൽ എളുപ്പത്തിൽ വശീകരിക്കപ്പെടുന്നുവെങ്കിൽ, ഈ ബന്ധം പേരിന് മാത്രമാണെന്നും ദമ്പതികൾക്കിടയിൽ യഥാർത്ഥ ബന്ധമില്ലെന്നും ഏറെക്കുറെ ഉറപ്പിക്കാം.