Waterborne Diseases: ജലജന്യ രോ​ഗങ്ങൾ പടരുന്നു; കുട്ടികളുടെ സംരക്ഷണം പ്രധാനം, ഈ കാര്യങ്ങൾ ശ്രദ്ധിക്കുക

ആ​ഗോളതലത്തിൽ കോളറ, ടൈഫോയ്ഡ്, വയറിളക്കം തുടങ്ങിയ ജലജന്യ രോ​ഗങ്ങൾ കുട്ടികളുടെ ആരോ​ഗ്യത്തിന് വലിയ ഭീഷണിയായി മാറുകയാണ്. ഈ അണുബാധകൾ ​ഗുരുതരമായ ആരോ​ഗ്യപ്രശ്നങ്ങളിലേക്ക് നയിക്കും. വയറിളക്കം നിർജ്ജലീകരണത്തിനും പോഷകാഹാരക്കുറവിനും കാരണമാകും.

കോളറയും ടൈഫോയ്ഡും ജീവന് പോലും ഭീഷണിയാകുന്ന ആരോ​ഗ്യപ്രശ്നങ്ങളിലേക്ക് നയിച്ചേക്കാം. കുട്ടികളിലെ ജലജന്യ രോ​ഗങ്ങൾ തടയുന്നതിന് ജലത്തിന്റെ ​ഗുണനിലവാരം, ശുചിത്വം എന്നിവ പ്രധാനമാണ്. മലിനമായ ജലസ്രോതസുകൾ രോ​ഗകാരികളായ ജീവികളുടെ വളർച്ചയ്ക്ക് കാരണമാകുന്നു.

ക്ലോറിനേഷൻ, ഫിൽട്ടറേഷൻ തുടങ്ങിയ പ്രവർത്തനങ്ങളിലൂടെ ജലശുദ്ധീകരണം ഉറപ്പാക്കണം. ശുദ്ധീകരിച്ച വെള്ളം മാത്രം ഉപയോ​ഗിക്കുക. അല്ലെങ്കിൽ തിളപ്പിച്ചാറ്റിയ വെള്ളം മാത്രമേ ഉപയോ​ഗിക്കാവൂ. ജലജന്യരോ​ഗങ്ങളെ പ്രതിരോധിക്കുന്നതിന് കൃത്യമായ ശുചിത്വം പാലിക്കേണ്ടത് പ്രധാനമാണ്. മാലിന്യനിർമ്മാർജ്ജനം കൃത്യമായി നടപ്പാക്കണം.

ശുചിത്വത്തിന്റെ പ്രാധാന്യത്തെക്കുറിച്ച് ജനങ്ങളെ ബോധവത്കരിക്കേണ്ടത് പ്രധാനമാണ്. സ്കൂളുകളിലും ശിശു സംരക്ഷണ കേന്ദ്രങ്ങളിലും ശുചിത്വം ഉറപ്പാക്കണം. മലിനജലത്തിന്റെ അപകടങ്ങൾ, ശുചിത്വത്തിന്റെ പ്രാധാന്യം, സുരക്ഷിതമായ ജലവും ശുചീകരണ സൗകര്യങ്ങളും ഉപയോ​ഗിക്കേണ്ടതിന്റെ പ്രാധാന്യം എന്നിവയെക്കുറിച്ച് കുട്ടികളെ ബോധവാന്മാരാക്കണം.

ജലജന്യ രോഗങ്ങൾ ഗുരുതരമായ ആരോഗ്യപ്രശ്നങ്ങളിലേക്ക് നയിക്കുന്നു. കോളറ, ടൈഫോയ്ഡ് എന്നീ രോഗങ്ങൾ മരണകാരണമാകുന്ന അവസ്ഥകളിലേക്ക് വരെ നയിക്കാം. അണുബാധകളെയും രോഗകാരികളായ ജീവികളെയും പ്രതിരോധിക്കുന്നതിന് ശുചിത്വം പ്രധാനമാണ്.