Kidney Patients | കിഡ്‌നി രോഗികൾ വാഴപ്പഴം കഴിക്കരുത്, എന്തുകൊണ്ടാണെന്ന് അറിയാമോ?

നമ്മുടെ ശരീരത്തിലെ വളരെ പ്രധാനപ്പെട്ട ഒരു ഭാഗമാണ് കിഡ്നി. രക്തം ഫിൽട്ടർ ചെയ്യുന്ന ജോലിയാണ് വൃക്കകൾ ചെയ്യുന്നത്. ഹോർമോൺ അസന്തുലിതാവസ്ഥ മുതൽ ശരീരത്തിലെ  പല മാറ്റങ്ങൾക്കും വൃക്കകൾ വലിയ പങ്ക് വഹിക്കുന്നുണ്ട്.  വൃക്കകൾക്ക് ഏതെങ്കിലും തരത്തിലുള്ള അസ്വസ്ഥതയുണ്ടെങ്കിൽ, ബിപി, പ്രമേഹം, ഹൃദ്രോഗം, ഹെപ്പറ്റൈറ്റിസ് സി വൈറസ്, എച്ച്ഐവി അണുബാധ എന്നിവയ്ക്കുള്ള സാധ്യത വർദ്ധിക്കും. വൃക്കകൾ തകരാറിലാകുമ്പോൾ, ശരീരത്തിന്റെ പകുതിയിലധികം പ്രവർത്തനങ്ങളും തകരാറിലാകും. അത് കൊണ്ട് തന്നെ കിഡ്‌നി രോഗികൾ ചില പ്രത്യേക ഭക്ഷണ പദാർത്ഥങ്ങൾ കഴിക്കുന്നത് ഒഴിവാക്കണം.

അവോക്കാഡോ

അവോക്കാഡോകൾ സാധാരണയായി ആരോഗ്യത്തിന് മികച്ചതാണെങ്കിലും വൃക്കരോഗമുള്ള വ്യക്തികൾ ഇവ ഒഴിവാക്കണം. കാരണം, അവോക്കാഡോയിൽ പൊട്ടാസ്യം വളരെ അധികം കൂടുതലാണ്.

ടിന്നിലടച്ച ഭക്ഷണം

സൂപ്പ്, പച്ചക്കറികൾ, ബീൻസ് തുടങ്ങിയ ടിന്നിലടച്ച ഭക്ഷണങ്ങളിൽ ഉയർന്ന അളവിൽ സോഡിയം അടങ്ങിയിട്ടുണ്ട്, കാരണം ഇവ കൂടുതൽ കാലം ഇരിക്കാനായി ഇവ ചേർക്കുന്നു. വൃക്കരോഗമുള്ളവർ ഇവയുടെ ഉപയോഗം ഒഴിവാക്കുകയോ പരിമിതപ്പെടുത്തുകയോ ചെയ്യണം

മൾട്ടിഗ്രെയ്ൻ ബ്രെഡ്

വൃക്കരോഗമുള്ള വ്യക്തികൾക്ക് മൾട്ടിഗ്രെയിൻ ബ്രെഡ് ഗുണം ചെയ്യും. വൈറ്റ് ബ്രെഡിനേക്കാൾ മൾട്ടിഗ്രെയിൻ ബ്രെഡ് കൂടുതൽ പ്രയോജനകരമാണ്, പ്രധാനമായും നാരുകളും കൂടാതെ ധാന്യങ്ങളും ഉള്ളതിനാലാണിത്

തവിട് അരി

മട്ട അരിയിൽ ഫോസ്ഫറസും പൊട്ടാസ്യവും കൂടുതലായതിനാൽ കിഡ്‌നി രോഗികൾ സൂക്ഷിക്കണം. ഇവർ ഭക്ഷണം നിയന്ത്രിക്കുകയോ പരിമിതപ്പെടുത്തുകയോ ചെയ്യണം. 

വാഴപ്പഴം

പൊട്ടാസ്യത്തിന്റെ സമ്പന്നമായ ഉറവിടമാണ് വാഴപ്പഴം,  ഇത് പരിമിതപ്പെടുത്തണം. എന്നാൽ ഇതിന് പകരമായി വളരെ കുറച്ച് പൊട്ടാസ്യം അടങ്ങിയിട്ടുള്ളതിനാൽ പൈനാപ്പിൾ പകരമായി ഉപയോഗിക്കാം.

പാലുൽപ്പന്നങ്ങൾ

ഉയർന്ന അളവിൽ ഫോസ്ഫറസ്, പൊട്ടാസ്യം, പ്രോട്ടീൻ എന്നിവ പാലുൽപ്പന്നങ്ങളിൽ അടങ്ങിയിട്ടുണ്ട്, പാലിൽ കാൽസ്യം കൂടുതലാണെങ്കിലും, അതിൽ അടങ്ങിയിരിക്കുന്ന ഫോസ്ഫറസ് വൃക്കരോഗമുള്ളവരുടെ എല്ലുകളെ ദുർബലപ്പെടുത്തും.