PCOS Explained: പിസിഒഎസ് എന്താണ്? ഇത് ആരോഗ്യത്തെ എങ്ങനെ ബാധിക്കുന്നു?
Hormonal Condition: ക്രമരഹിതമായ ആർത്തവം, ഉയർന്ന അളവിലുള്ള ആൻഡ്രോജൻ (പുരുഷ ഹോർമോണുകൾ), മറ്റ് വിവിധ ലക്ഷണങ്ങൾ എന്നിവയ്ക്ക് പിസിഒഎസ് കാരണമാകുന്നു. ഈ അവസ്ഥ പ്രാഥമികമായി പ്രത്യുൽപാദന വ്യവസ്ഥയെ ബാധിക്കുമ്പോൾ, അതിന്റെ പ്രത്യാഘാതങ്ങൾ ഗൈനക്കോളജിക്കപ്പുറത്തേക്ക് വ്യാപിക്കുന്നു.
പോളിസിസ്റ്റിക് ഓവറി സിൻഡ്രോം (പിസിഒഎസ്) ലോകമെമ്പാടുമുള്ള ദശലക്ഷക്കണക്കിന് സ്ത്രീകളെ ബാധിക്കുന്ന ആരോഗ്യാവസ്ഥയാണ്. പ്രത്യുൽപാദന വ്യവസ്ഥയെ ബാധിക്കുന്ന സങ്കീർണ്ണമായ ഹോർമോൺ അവസ്ഥയാണിത്. ക്രമരഹിതമായ ആർത്തവം, ഉയർന്ന അളവിലുള്ള ആൻഡ്രോജൻ (പുരുഷ ഹോർമോണുകൾ), മറ്റ് വിവിധ ലക്ഷണങ്ങൾ എന്നിവയ്ക്ക് പിസിഒഎസ് കാരണമാകുന്നു. ഈ അവസ്ഥ പ്രാഥമികമായി പ്രത്യുൽപാദന വ്യവസ്ഥയെ ബാധിക്കുമ്പോൾ, അതിന്റെ പ്രത്യാഘാതങ്ങൾ ഗൈനക്കോളജിക്കപ്പുറത്തേക്ക് വ്യാപിക്കുന്നു.
പിസിഒഎസ് ഉപാപചയ ആരോഗ്യത്തെയും ശരീരത്തിന്റെ മൊത്തത്തിലുള്ള ആരോഗ്യത്തെയും ബാധിക്കുന്നു. പിസിഒഎസ് ഏകദേശം അഞ്ച് മുതൽ 10 ശതമാനം വരെ സ്ത്രീകളിൽ സംഭവിക്കുന്നതായി കണക്കാക്കപ്പെടുന്നു. ഇത് പ്രത്യുൽപാദന പ്രായത്തിലുള്ള സ്ത്രീകൾക്കിടയിൽ ഏറ്റവും സാധാരണമായ ഹോർമോൺ തകരാറുകളിലൊന്നായി മാറിയിരിക്കുകയാണ്. പിസിഒഎസിന്റെ അടിസ്ഥാന കാരണം ഇൻസുലിൻ പ്രതിരോധവുമായി ബന്ധപ്പെട്ടിരിക്കുന്നു.
എന്താണ് പിസിഒഎസ്
ഒരു സാധാരണ ആർത്തവചക്രത്തിൽ, മസ്തിഷ്കം, അണ്ഡാശയം, ഗർഭപാത്രം എന്നിവ ഓരോ മാസവും കൃത്യമായ ക്രമം പിന്തുടരുന്നു. ഇത് ആർത്തവചക്രത്തിലേക്ക് നയിക്കുന്നു. എന്നിരുന്നാലും, പിസിഒഎസ് ഉള്ള സ്ത്രീകളിൽ, ഒന്നിലധികം ചെറിയ ഫോളിക്കിളുകൾ അണ്ഡാശയത്തിൽ അടിഞ്ഞുകൂടുന്നു, ഇത് അണ്ഡോത്പാദനം തടയുകയും ഈസ്ട്രജൻ, പ്രൊജസ്റ്ററോൺ, എൽഎച്ച്, എഫ്എസ്എച്ച് (ഫോളിക്കിൾ-സ്റ്റിമുലേറ്റിംഗ് ഹോർമോൺ) അളവ് അസന്തുലിതാവസ്ഥ ഉണ്ടാക്കുകയും ചെയ്യുന്നു. ക്രമരഹിതമായ ആർത്തവം, ശരീരത്തിൽ രോമവളർച്ച, മുഖക്കുരു, പൊണ്ണത്തടി, ഗർഭാവസ്ഥയിലെ ബുദ്ധിമുട്ട് തുടങ്ങിയ പിസിഒഎസിന്റെ ലക്ഷണങ്ങളിലേക്ക് ഇത് നയിക്കുന്നു.
പിസിഒഎസിനുള്ള ചികിത്സ
പിസിഒഎസ് രോഗനിർണയത്തിൽ രോഗലക്ഷണങ്ങളുടെ സമഗ്രമായ വിലയിരുത്തൽ, രക്തപരിശോധന, ശാരീരിക പരിശോധന എന്നിവ ഉൾപ്പെടുന്നു. അനോവുലേഷൻ അല്ലെങ്കിൽ ക്രമരഹിതമായ അണ്ഡോത്പാദനം മൂലമുണ്ടാകുന്ന ക്രമരഹിതമായ ആർത്തവം, ഉയർന്ന ആൻഡ്രോജന്റെ അളവ്, പെൽവിക് അൾട്രാസൗണ്ട് വഴി പോളിസിസ്റ്റിക് അണ്ഡാശയത്തെക്കുറിച്ചുള്ള തെളിവുകൾ എന്നിവയാണ് പരിശോധനയ്ക്ക് വിധേയമാക്കുന്നത്. പിസിഒഎസിനെ അനുകരിക്കുന്ന മറ്റ് എൻഡോക്രൈൻ ഡിസോർഡേഴ്സ് ഒഴിവാക്കാൻ സമഗ്രമായ ഒരു വിലയിരുത്തൽ നിർണായകമാണ്.
ALSO READ: Heart Health In Summer: വേനൽക്കാലത്തെ ഹൃദയാരോഗ്യം; മറക്കാതിരിക്കാം ഇക്കാര്യങ്ങൾ
പിസിഒഎസ് മൊത്തത്തിലുള്ള ആരോഗ്യത്തെ എങ്ങനെ ബാധിക്കുന്നു?
പ്രത്യുൽപാദന വ്യവസ്ഥയുടെ അസാധാരണത്വങ്ങൾ കൂടാതെ, പിസിഒഎസ് ഉപാപചയ വ്യവസ്ഥയുടെ അസാധാരണത്വങ്ങളുമായി ബന്ധപ്പെട്ടിരിക്കുന്നു. പ്രത്യേകിച്ച് ഇൻസുലിൻ പ്രതിരോധം, പൊണ്ണത്തടി എന്നിവയുമായി ബന്ധപ്പെട്ടിരിക്കുന്നു. രക്തത്തിലെ ഗ്ലൂക്കോസിന്റെ അളവ് നിയന്ത്രിക്കാൻ പാൻക്രിയാസ് ഉത്പാദിപ്പിക്കുന്ന ഹോർമോണായ ഇൻസുലിൻ പിസിഒഎസ് ഉള്ള സ്ത്രീകളിൽ ഉയർന്നേക്കാം. പിസിഒഎസ് പ്രാഥമികമായി പ്രത്യുൽപാദന വ്യവസ്ഥയെയും ഉപാപചയ ആരോഗ്യത്തെയും ബാധിക്കുമ്പോൾ, ഇത് ഒരു സ്ത്രീയുടെ ജീവിതത്തിന്റെ വിവിധ വശങ്ങളെയും ബാധിക്കുന്നു. അവയിൽ ചില കാര്യങ്ങൾ എന്തൊക്കെയാണെന്ന് നോക്കാം.
ഇൻസുലിൻ പ്രതിരോധത്തോടൊപ്പം പ്രീ ഡയബറ്റിസിലേക്കും ടൈപ്പ് 2 പ്രമേഹം വരാനുള്ള സാധ്യതയിലേക്കും നയിക്കും.
പൊണ്ണത്തടിയുള്ള പിസിഒഎസ് ഉള്ള സ്ത്രീകൾക്ക് ഹൃദ്രോഗ സാധ്യത കൂടുതലാണ്. ആരോഗ്യകരമായ ഭാരം നിലനിർത്തേണ്ടതും ഇൻസുലിൻ പ്രതിരോധം കൈകാര്യം ചെയ്യേണ്ടതും പ്രധാനമാണ്.
പിസിഒഎസ് ഉള്ള സ്ത്രീകൾക്ക് വിഷാദം അനുഭവപ്പെടുന്നു. ഇത് ഈ വ്യക്തികളിൽ മൂഡ് ഡിസോർഡേഴ്സ്, സൈക്യാട്രിക് രോഗങ്ങൾ എന്നിവയുടെ ഉയർന്ന അപകടസാധ്യതയ്ക്ക് കാരണമാകും.
ഉറക്കത്തിൽ ശ്വസനം തടസ്സപ്പെടുന്ന അവസ്ഥയായ സ്ലീപ് അപ്നിയയും വ്യാപകമാണ്.
പിസിഒഎസ് ഉള്ള സ്ത്രീകളെ ക്ഷീണം, പകൽ ഉറക്കം, കൂടുതൽ ഉപാപചയ സങ്കീർണതകൾ എന്നിവയിലേക്ക് നയിച്ചേക്കാം.
നിങ്ങൾക്ക് പിസിഒഎസ് ഉള്ളതായി സംശയമുണ്ടെങ്കിൽ അല്ലെങ്കിൽ ഇതിനകം രോഗനിർണയം നടത്തിയിട്ടുണ്ടെങ്കിൽ, ശരിയായ ജീവിതശൈലിയും ആരോഗ്യ ശീലങ്ങളും പിന്തുടർന്ന് ഇതിനെ നിയന്ത്രിക്കാം. നിങ്ങളുടെ പ്രത്യുൽപാദന ആരോഗ്യം, പൊണ്ണത്തടി, അമിത രോമവളർച്ച എന്നിവയെ നിയന്ത്രിക്കാം. നിങ്ങൾക്ക് പിസിഒഎസിന്റെ ലക്ഷണങ്ങൾ അനുഭവപ്പെടുകയാണെങ്കിലോ നിങ്ങളുടെ പ്രത്യുൽപാദന ആരോഗ്യത്തെക്കുറിച്ചോ പൊണ്ണത്തടിയെക്കുറിച്ചോ ആശങ്കയുണ്ടെങ്കിലോ വിദഗ്ധനായ ഒരു ഹെൽത്ത് കെയർ പ്രൊഫഷണലിനെ സമീപിക്കുക. ദീർഘകാലമായി നിലനിൽക്കുന്ന ഹോർമോൺ തകരാറുകൾ ഭാവിയിൽ ഗുരുതരമായ ആരോഗ്യപ്രശ്നങ്ങൾക്ക് ഇടയാക്കിയേക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...