Vitamin B12: വിറ്റാമിൻ ബി12 കുറവാണോ? ആരോ​ഗ്യപ്രശ്നങ്ങൾക്ക് സാധ്യത, ഈ പാനീയങ്ങൾ മികച്ചത്

ശരീരത്തിൽ നിരവധി സുപ്രധാന പ്രവർത്തനങ്ങൾ നടത്തുന്നതിന് ആവശ്യമായ വിറ്റാമിനാണ് ബി 12. നാഡീകോശങ്ങളെ ആരോ​ഗ്യത്തോടെ നിലനിർത്തുന്നതിനും ചുവന്ന രക്താണുക്കളുടെ രൂപീകരണത്തിനും ഇത് അത്യന്താപേക്ഷിതമാണ്. ശരീരത്തിന് വിറ്റാമിൻ ബി 12 നിർമ്മിക്കാൻ കഴിയില്ല, അതിനാൽ ഇത് ഭക്ഷണത്തിൽ നിന്നോ സപ്ലിമെൻ്റുകളിൽ നിന്നോ ലഭ്യമാക്കണം. വിറ്റാമിൻ ബി 12 വർദ്ധിപ്പിക്കാൻ സഹായിക്കുന്ന പാനീയങ്ങൾ ഏതെല്ലാമാണെന്ന് അറിയാം.

സോയ മിൽക്ക്: സോയ മിൽക്ക് വിറ്റാമിൻ ബി 12ൻ്റെ മികച്ച സസ്യാധിഷ്ഠിത ഉറവിടമാണ്. ഇത് സസ്യാഹാരികൾക്കും ലാക്ടോസ് അലർജിയുള്ളവർക്കും മികച്ച ഓപ്ഷനാണ്. ഇത് പോഷക സമ്പുഷ്ടമാണ്.

ഓറഞ്ച് ജ്യൂസ്: ഓറഞ്ച് ജ്യൂസ് ഒരു സിട്രസ് പാനീയമാണ്. ഇത് വിറ്റാമിൻ ബി 12 വർദ്ധിപ്പിക്കാനും ശരീരത്തിന് ഊർജം ലഭിക്കാനും സഹായിക്കുന്നു. ഓറഞ്ച് ജ്യൂസ് കഴിക്കുന്നത് നിരവധി ആരോ​ഗ്യ ​ഗുണങ്ങൾ നൽകും. ഇത് ച‍ർമ്മത്തിനും മികച്ചതാണ്.

മാതളനാരങ്ങ ജ്യൂസ്: മാതളനാരങ്ങ ജ്യൂസിൽ വിറ്റാമിൻ ബി 12, ആൻ്റിഓക്‌സിഡൻ്റുകൾ, വിറ്റാമിൻ സി, കെ എന്നിവയും അവശ്യ ധാതുക്കളും അടങ്ങിയിട്ടുണ്ട്. മാതളനാരങ്ങ പോഷകസമ്പുഷ്ടവുമാണ്. ഇത് ഭക്ഷണത്തിൽ ഉൾപ്പെടുത്തുന്നത് നിരവധി ആരോ​ഗ്യ ​ഗുണങ്ങൾ നൽകും.

പ്രോട്ടീൻ ഷേക്കുകൾ: പ്രോട്ടീൻ ഷേക്കുകൾ വിറ്റാമിൻ ബി 12 സമ്പുഷ്ടമാണ്. ഇത് ഒരു മികച്ച പോസ്റ്റ്-വർക്ക്ഔട്ട് ഓപ്ഷനാണ്. ഇത് പേശികളുടെ ബലം വർധിപ്പിക്കാനും വിറ്റാമിൻ ബി 12 നൽകാനും സഹായിക്കുന്നു.

ലസ്സി: വിറ്റാമിൻ ബി 12 ൻ്റെ മികച്ച ഉറവിടമായി കണക്കാക്കുന്ന പരമ്പരാഗത ഇന്ത്യൻ പാനീയമാണ് ലസ്സി. മോരിൽ അൽപം ഉപ്പും അൽപം പഞ്ചസാരയും ചേ‍‍ർത്താണ് ഇത് തയ്യാറാക്കുന്നത്.

ബദാം മിൽക്ക്: ബദാം മിൽക്ക് വിറ്റാമിൻ ബി12 സമ്പന്നമാണ്. ഇത് സസ്യാധിഷ്ഠിത പ്രോട്ടീന്റെ മികച്ച ഉറവിടമാണ്. ഇത് മൊത്തത്തിലുള്ള ആരോഗ്യവും ഊർജ്ജ നിലയും വർധിപ്പിക്കാൻ സഹായിക്കുന്നു.