Vitamin A: `വിറ്റാമിൻ എ` കുറവുള്ളവർ ഡയറ്റിൽ ഉൾപ്പെടുത്തണം ഈ പഴങ്ങളും പച്ചക്കറികളും

ശരീരത്തിന്റെ മൊത്തത്തിലുള്ള ആരോ​ഗ്യത്തിന് വളരെ പ്രധാനമായ ഒരു വിറ്റാമിനാണ് വിറ്റാമിൻ എ. കാഴ്ച ശക്തി മെച്ചപ്പെടുത്തുന്നതിനും കണ്ണിൻറെ ആരോഗ്യം മികച്ചതാക്കുന്നതിനും പ്രതിരോധശക്തി വർധിപ്പിക്കുന്നതിനും ചർമ്മത്തിൻറെ ആരോഗ്യം മികച്ചതായി നിലനിർത്തുന്നതിനും വിറ്റാമിൻ എ പ്രധാനമാണ്.

വിറ്റാമിൻ എ അടങ്ങിയ ഭക്ഷണങ്ങൾ കഴിക്കുന്നത് പ്രതിരോധശേഷി വർധിപ്പിക്കാനും കാഴ്ച മികച്ചതാക്കാനും ചർമത്തിൻറെയും മുടിയുടെയും ആരോഗ്യം മികച്ചതാക്കാനും സഹായിക്കും. ശരീരത്തിന് ആവശ്യത്തിന് വിറ്റാമിൻ എ ലഭിക്കാൻ ഭക്ഷണകാര്യങ്ങളിൽ വളരെ ശ്രദ്ധിക്കേണ്ടതുണ്ട്. വിറ്റാമിൻ എ ലഭിക്കാൻ സഹായിക്കുന്ന പഴങ്ങളും പച്ചക്കറികളും ഏതെല്ലാമാണെന്ന് നോക്കാം.

കാരറ്റ് വിറ്റാമിൻ എയുടെ മികച്ച ഉറവിടമാണ്. കാരറ്റ് കഴിക്കുന്നത് കാഴ്ചശക്തി മികച്ചതാക്കാൻ സഹായിക്കും. രോഗപ്രതിരോധശേഷി വർധിപ്പിക്കാനും ഇത് മികച്ചതാണ്. വിറ്റാമിൻ എ ധാരാളമായി അടങ്ങിയ മധുരക്കിഴങ്ങ് കഴിക്കുന്നതും നല്ലതാണ്. കണ്ണിൻറെ ആരോഗ്യത്തിനും രോഗ പ്രതിരോധശേഷി വർധിപ്പിക്കുന്നതിനും ഇവ സഹായിക്കും.

മാമ്പഴം വിറ്റാമിൻ എ സമ്പുഷ്ടമാണ്. ഇവ പ്രതിരോധശേഷി വർധിപ്പിക്കാനും ചർമത്തിൻറെ ആരോഗ്യം മികച്ചതാക്കാനും സഹായിക്കും. ആപ്രിക്കോട്ട് ബീറ്റാ കരോട്ടിൻ ധാരാളം അടങ്ങിയതാണ്. ഇവ കഴിക്കുന്നത് കണ്ണിൻറെ ആരോഗ്യത്തിനും രോ​ഗപ്രതിരോധശേഷി വർധിപ്പിക്കുന്നതിനും ഗുണം ചെയ്യും.

പപ്പായ വിറ്റാമിൻ എ അടങ്ങിയതാണ്. ഇവ ചർമ്മത്തിന്റെ ആരോ​ഗ്യം മികച്ചതായി നിലനിർത്തുന്നതിനും രോ​ഗപ്രതിരോധശേഷിക്കും നല്ലതാണ്. കാപ്സിക്കത്തിലും വിറ്റാമിൻ എ അടങ്ങിയിട്ടുണ്ട്. ഇവ ഭക്ഷണത്തിൽ ഉൾപ്പെടുത്തുന്നതും നല്ലതാണ്. തണ്ണിമത്തൻ വിറ്റാമിൻ എയും ആൻറി ഓക്സിഡൻറുകളും അടങ്ങിയതാണ്. ഇവ കഴിക്കുന്നതും ആരോ​ഗ്യത്തിന് ​ഗുണം ചെയ്യും.