Weight Loss Diet: ശരീരഭാരം കുറയ്ക്കാൻ മികച്ചത്; കഴിക്കാം ഈ ശൈത്യകാല പഴങ്ങൾ

ആന്റിഓക്‌സിഡന്റുകളുടെ കലവറയായ പഴങ്ങൾ ശൈത്യകാല രോഗങ്ങൾക്കെതിരെ പ്രതിരോധശേഷി വർധിപ്പിക്കാൻ സഹായിക്കും. ശരീരഭാരം കുറയ്ക്കാനുള്ള ഭക്ഷണക്രമത്തിൽ പഴങ്ങൾ ചേർക്കുന്നത് വളരെയധികം ​ഗുണം ചെയ്യും. മെറ്റബോളിസത്തെ മികച്ചതാക്കാനും ശരീരഭാരം കുറയ്ക്കാനും സഹായിക്കുന്ന ശൈത്യകാല പഴങ്ങൾ ഏതെല്ലാമാണെന്ന് നോക്കാം.

ആപ്പിൾ: ആപ്പിൾ രുചികരം മാത്രമല്ല, നാരുകളാൽ സമ്പുഷ്ടവുമാണ്. നാരുകൾ ദീർഘനേരം വയറുനിറഞ്ഞതായി തോന്നാൻ സഹായിക്കുന്നു. മൊത്തത്തിലുള്ള കലോറി ഉപഭോഗം കുറയ്ക്കുന്നു. കൂടാതെ, ആപ്പിളിലെ ആന്റി ഓക്‌സിഡന്റുകൾ പ്രതിരോധശേഷി വർധിപ്പിക്കുകയും ശൈത്യകാല രോഗങ്ങളെ അകറ്റി നിർത്തുകയും ചെയ്യുന്നു.

ഓറഞ്ച്: ഓറഞ്ചിൽ ഉയർന്ന അളവിൽ വിറ്റാമിനുകൾ അടങ്ങിയിട്ടുണ്ട്. ഓറഞ്ചിൽ പോഷകങ്ങൾ ധാരാളമായി അടങ്ങിയിരിക്കുന്നു. ഇവ ദഹനത്തെ സഹായിക്കുകയും ആരോഗ്യകരമായ ഭാരം നിലനിർത്താൻ സഹായിക്കുകയും ചെയ്യുന്നു. ഓറഞ്ചിൽ വൈറ്റമിൻ സി അടങ്ങിയിട്ടുണ്ട്. ഇത് ശൈത്യകാലത്ത് മികച്ച ആരോ​ഗ്യം നിലനിർത്താൻ സഹായിക്കുന്നു.

മുന്തിരി: മുന്തിരിയിൽ, പ്രത്യേകിച്ച് ചുവപ്പ് മുന്തിരിയിൽ മെറ്റബോളിസം വർധിപ്പിക്കാനും കൊഴുപ്പ് കുറയ്ക്കാനും സഹായിക്കുന്ന റെസ്‌വെറാട്രോൾ അടങ്ങിയിട്ടുണ്ട്. നിങ്ങളുടെ ശൈത്യകാല ഭക്ഷണത്തിൽ മുന്തിരി ഉൾപ്പെടുത്തുന്നത് ശരീരഭാരം കുറയ്ക്കാൻ സഹായിക്കും.

മാതളനാരങ്ങ: മാതളനാരങ്ങ രുചികരവും പോഷക സമ്പുഷ്ടവുമാണ്. അവ ആന്റിഓക്‌സിഡന്റുകളാൽ സമ്പന്നമാണ്. ഇത് ഹൃദയാരോഗ്യത്തിന് ​ഗുണം ചെയ്യുകയും ശരീരഭാരം നിയന്ത്രിക്കാൻ സഹായിക്കുകയും ചെയ്യും. 

ബെറികൾ: ബ്ലൂബെറി, റാസ്ബെറി, സ്ട്രോബെറി തുടങ്ങിയ ബെറികൾ അവശ്യ പോഷകങ്ങൾ നിറഞ്ഞതാണ്. അവയിൽ ആന്റി ഓക്‌സിഡന്റുകൾ അടങ്ങിയിട്ടുണ്ട്. ഇത് പ്രതിരോധശേഷിയെ മികച്ചതാക്കുകയും വീക്കം കുറയ്ക്കുകയും കൊഴുപ്പ് ഓക്‌സിഡേഷൻ പ്രോത്സാഹിപ്പിക്കുകയും ചെയ്യുന്നു. ഇത് ശരീരഭാരം കുറയ്ക്കാൻ സഹായിക്കും.