Weight Loss: ശരീരഭാരം കുറയ്ക്കാൻ സഹായിക്കും ഈ പാനീയങ്ങൾ... എപ്പോൾ കഴിക്കണം?

ഉത്സവ സീസൺ കഴിയുമ്പോൾ എണ്ണമയമുള്ള ലഘുഭക്ഷണങ്ങളും മധുരപലഹാരങ്ങളും കലോറി അടങ്ങിയ ഭക്ഷണങ്ങളും എല്ലാം കഴിച്ചിരിക്കാം. ഇതിനെ തുടർന്ന് ഭാരം വീണ്ടും വർധിക്കും. കലോറി കമ്മി, തീവ്രമായ വർക്ക്ഔട്ട് ദിനചര്യകളിലേക്ക് കർശനമായി തിരിയുന്നതിന് മുൻപ് ഓരോ ഭക്ഷണത്തിന് മുമ്പും ഈ മൂന്ന് പാനീയങ്ങൾ ചേർക്കാൻ ശ്രമിക്കുക.

ആരോഗ്യകരമായ ജീവിതശൈലി പരിഷ്‌ക്കരണങ്ങൾക്കൊപ്പം ശരീരഭാരം കുറയ്ക്കാൻ സഹായിക്കുന്ന ചില പാനീയങ്ങൾ മറ്റുള്ളവയേക്കാൾ വിജയകരമായി പ്രവർത്തിക്കും. പ്രഭാതഭക്ഷണം, ഉച്ചഭക്ഷണം, അത്താഴം എന്നിവയ്ക്കൊപ്പം കഴിക്കേണ്ട മൂന്ന് പാനീയങ്ങൾ ഏതൊക്കെയാണെന്ന് നോക്കാം.

പെരുംജീരകം ചേർത്ത നാരങ്ങ വെള്ളം (പ്രഭാതഭക്ഷണത്തിന് ശേഷം) - ദഹനത്തെ സഹായിക്കുന്നു, ഭക്ഷണത്തിലെ പോഷകങ്ങൾ ആഗിരണം ചെയ്യാൻ നാരങ്ങ സഹായിക്കുന്നു.

അയമോദകം ചേർത്ത നാരങ്ങ വെള്ളം (ഉച്ചഭക്ഷണ സമയം) - ദഹനത്തിന് സഹായിക്കുന്ന പാനീയം, മുഴുവൻ പയറുവർഗ്ഗങ്ങൾ പോലുള്ള ഭക്ഷണം മൂലമുണ്ടാകുന്ന വായുവിൻറെ ആശ്വാസത്തിന് അജ്‌വെയ്ൻ നല്ലതാണ്.

ചമോമൈൽ ടീ (അത്താഴ സമയത്ത്) - പ്രകൃതിദത്തമായ ഉറക്കം നൽകുന്ന ഒരു അത്ഭുതകരമായ പാനീയമാണ് ചമോമൈൽ ടീ. ഇത് സമ്മർദ്ദം ഒഴിവാക്കാനും ശരീരഭാരം കുറയ്ക്കാനും സഹായിക്കുന്നു.

ചില പാനീയങ്ങൾ നിങ്ങളുടെ ശരീരഭാരം കുറയ്ക്കാനുള്ള ലക്ഷ്യങ്ങൾ കൈവരിക്കുന്നതിന് നിങ്ങളെ സഹായിച്ചേക്കാം. ഗ്രീൻ ടീ, കാപ്പി, ഉയർന്ന പ്രോട്ടീൻ പാനീയങ്ങൾ തുടങ്ങിയ ചില പാനീയങ്ങൾ മെറ്റബോളിസം വർദ്ധിപ്പിക്കുകയും പൂർണ്ണത വർദ്ധിപ്പിക്കുകയും വിശപ്പ് കുറയ്ക്കുകയും ചെയ്യുന്നുവെന്ന് തെളിയിക്കപ്പെട്ടിട്ടുണ്ട്. ഇവയെല്ലാം ശരീരഭാരം കുറയ്ക്കാൻ സഹായിക്കും. കൊഴുപ്പ് കത്തിക്കുന്ന കാര്യത്തിൽ വ്യായാമവും പോഷകാഹാരവും സമന്വയിപ്പിക്കേണ്ടത് പ്രധാനമാണ്. എന്നാൽ നിങ്ങളുടെ ഭക്ഷണത്തിൽ ദ്രാവകങ്ങൾ വലിയ പങ്ക് വഹിക്കുന്നുവെന്നതും ഓർമ്മിക്കേണ്ടതുണ്ട്.