Eggs Benefits: പോഷകങ്ങളാൽ സമ്പന്നം; വേനൽക്കാല ഡയറ്റിൽ മുട്ട ചേർക്കേണ്ടതിന്റെ പ്രധാന്യം അറിയാം

മുട്ട പോഷകങ്ങളാൽ സമ്പന്നമാണ്. ഇത് വേനൽക്കാല ഭക്ഷണക്രമത്തിൽ ചേർക്കുന്നത് ആരോ​ഗ്യത്തിന് നിരവധി ​ഗുണങ്ങൾ നൽകുന്നു. അവശ്യ പോഷകങ്ങൾ നൽകുന്നതിനൊപ്പം ശരീരഭാരം കുറയ്ക്കുന്നതിനും മുട്ട മികച്ചതാണ്. വേനൽക്കാല ഭക്ഷണക്രമത്തിൽ മുട്ട ചേർക്കേണ്ടതിന്റെ പ്രധാന്യം അറിയാം

പ്രോട്ടീൻ സമ്പുഷ്ടം: പേശികളുടെ വളർച്ചയ്ക്ക് ആവശ്യമായ എല്ലാ പോഷകങ്ങളും അടങ്ങിയ പ്രോട്ടീൻ്റെ ഒരു മികച്ച ഉറവിടമാണ് മുട്ട. പേശികളുടെ ബലം വർധിപ്പിക്കുന്നതിനും പ്രതിരോധശേഷി മികച്ചതാക്കുന്നതിനും പ്രോട്ടീൻ ആവശ്യമാണ്.

കണ്ണിൻ്റെ ആരോഗ്യം: വേനൽക്കാലത്ത് പലപ്പോഴും സൂര്യപ്രകാശം കൂടുതലായി ഏൽക്കുന്നത് കണ്ണുകൾക്ക് കടുത്ത സമ്മർദ്ദം ഉണ്ടാക്കും. കണ്ണിൻ്റെ ആരോഗ്യം മികച്ചതായി നിലനിർത്തുന്നതിനും അൾട്രാവയലറ്റ് രശ്മികളിൽ നിന്ന് കണ്ണുകളെ സംരക്ഷിക്കാനും ആവശ്യമായ ആൻ്റി ഓക്‌സിഡൻ്റുകളായ ല്യൂട്ടിൻ, സിയാക്സാന്തിൻ എന്നിവയുടെ മികച്ച ഉറവിടമാണ് മുട്ട.

ഹൃദയാരോഗ്യം: മുട്ട കഴിക്കുന്നത് ഹൃദയത്തിന്റെ ആരോ​ഗ്യം മികച്ചതായി നിലനിർത്താൻ സഹായിക്കും. മുട്ടയിൽ അപൂരിത കൊഴുപ്പുകൾ അടങ്ങിയിട്ടുണ്ട്, പ്രത്യേകിച്ച് ഇവയിൽ അടങ്ങിയിരിക്കുന്ന മോണോസാച്ചുറേറ്റഡ്, പോളിഅൺസാച്ചുറേറ്റഡ് കൊഴുപ്പുകൾ ഹൃദയാരോഗ്യത്തിന് ​ഗുണം ചെയ്യും.

എല്ലുകളുടെ ആരോഗ്യത്തിന് മികച്ചത്: കാത്സ്യം ആഗിരണം ചെയ്യുന്നതിനും എല്ലുകളുടെ ആരോഗ്യം മികച്ചതാക്കുന്നതിനും ആവശ്യമായ വിറ്റാമിൻ ഡിയുടെ നല്ല ഉറവിടമാണ് മുട്ട. ആരോഗ്യകരവും ശക്തവുമായ അസ്ഥികൾ നിലനിർത്തുന്നതിന് മതിയായ അളവിൽ വിറ്റാമിൻ ഡി അത്യാവശ്യമാണ്. അസ്ഥി ഒടിവുകൾ, ഓസ്റ്റിയോപൊറോസിസ് എന്നിവയ്ക്കുള്ള സാധ്യത കുറയ്ക്കാനും ഇത് സഹായിക്കുന്നു.

ശരീരഭാരം: മുട്ടയിൽ പ്രോട്ടീൻ ധാരാളം അടങ്ങിയിട്ടുണ്ട്, ഇത് വിശപ്പ് കുറയ്ക്കാനും ഭക്ഷണത്തോടുള്ള ആസക്തി കുറയ്ക്കാനും സഹായിക്കുന്നു. ഇത് ശരീരഭാരം നിയന്ത്രിക്കാൻ സഹായിക്കുന്നു.