Curd Side Effects: തൈര് പകൽ കഴിച്ചോളൂ; രാത്രി കഴിച്ചാൽ കിട്ടും എട്ടിന്റെ പണി

തൈര് ദിവസവും ഓരോ വീട്ടിലും പല രീതിയിലാണ് ഉപയോഗിക്കുന്നത്. പ്രോബയോട്ടിക്സ്, പ്രോട്ടീൻ, കാൽസ്യം എന്നിവയുൾപ്പെടെയുള്ള പോഷകങ്ങളാൽ സമ്പന്നമാണിത്. അതിനാൽ എല്ലാവരും ഭക്ഷണത്തിൽ തൈര് ഉൾപ്പെടുത്തണം. എന്നാൽ വൈകുന്നേരങ്ങളിൽ തൈര് കഴിച്ചാൽ അത് ദോഷകരമാണെന്ന് നിങ്ങൾക്കറിയാമോ? തൈര് ഉൾപ്പെടെയുള്ള ചില കാര്യങ്ങൾ സൂര്യാസ്തമയത്തിനു ശേഷം കഴിക്കരുതെന്നും ആയുർവേദം പറയുന്നുണ്ട്. പലരും രാത്രിയിൽ പോലും തൈര് കഴിക്കാറുണ്ട്. രാത്രിയിൽ തൈര് കഴിക്കുന്നത് ശരീരത്തിനെ ഏത് രീതിയിലാണ് ബാധിക്കുന്നതെന്ന് നോക്കാം.

രാത്രി തൈര് കഴിക്കുന്നതിൻ്റെ ദോഷങ്ങൾ 

1. രാത്രി തൈര് കഴിക്കുന്നത് ചിലരിൽ ദഹനപ്രശ്നങ്ങൾ ഉണ്ടാക്കും. ദഹനക്കേട് അല്ലെങ്കിൽ ഗ്യാസ് പ്രശ്നങ്ങൾ എന്നിവ ഉണ്ടാകും. രാത്രി തൈര് കഴിക്കുന്നത് ദഹന പ്രവർത്തനത്തെ സഹായിക്കില്ല. ഇത് ദഹനപ്രശ്‌നങ്ങൾ ഉണ്ടാക്കും.

2. തൈരിൽ ലാക്ടോസ്  അടങ്ങിയിട്ടുണ്ട്, ഇത് ദഹിപ്പിക്കാൻ ചില എൻസൈമുകൾ ആവശ്യമാണ്. പ്രായത്തിനനുസരിച്ച്, ഈ എൻസൈമിൻ്റെ ശരീരത്തിൻ്റെ ഉത്പാദനം കുറയുന്നു, ഇത് ലാക്ടോസ് അസഹിഷ്ണുതയ്ക്ക് കാരണമാകും.

3. രാത്രി തൈര് കഴിക്കുന്നത് ഉറക്കം കെടുത്തും. തൈര് കഴിച്ചു കഴിഞ്ഞാൽ മണിക്കൂറുകളോളം ഉറങ്ങണമെന്നില്ല. തൈരിൽ ടൈറാമിൻ എന്ന പദാർത്ഥം അടങ്ങിയിട്ടുണ്ട്. തലച്ചോറിനെ ഉത്തേജിപ്പിക്കുകയാണ് ഇത് ചെയ്യുന്നത്. ഇക്കാരണത്താൽ ഉറക്കം പെട്ടെന്ന് വരില്ല. 

4. സന്ധി വേദനയോ സന്ധി വീക്കമോ ഉള്ളവർ രാത്രിയിൽ തൈര് കഴിക്കരുത്. ആയുർവേദ പ്രകാരം രാത്രിയിൽ തൈര് കഴിക്കുന്നത് സന്ധി വേദനയും വീക്കവും വർദ്ധിപ്പിക്കും. 

5. തൈരിൽ പ്രോട്ടീൻ ധാരാളമുണ്ടെങ്കിലും കൊഴുപ്പും അടങ്ങിയിട്ടുണ്ട്. രാത്രിയിൽ തൈര് കഴിക്കുന്നത് ശരീരത്തിൽ കൊഴുപ്പ് കൂടാനുള്ള സാധ്യത വർദ്ധിപ്പിക്കുന്നു.

തൈരിൻ്റെ എല്ലാ ഗുണങ്ങളും നിങ്ങൾക്ക് ലഭിക്കണമെങ്കിൽ, നിങ്ങൾ പകൽ കഴിക്കണം. ഉച്ചഭക്ഷണത്തോടൊപ്പം സ്ഥിരമായി ഒരു പാത്രം തൈര് കുടിക്കാം. രാത്രി ഭക്ഷണത്തിൽ തൈര് ഉൾപ്പെടുത്തരുത്.

(ഇവിടെ നൽകിയിരിക്കുന്ന വിവരങ്ങളും വീട്ടുവൈദ്യങ്ങളും പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഇത് സ്വീകരിക്കുന്നതിന് മുമ്പ് വൈദ്യോപദേശം തേടേണ്ടതാണ്. )