Breaking : CBSE 10th Result 2021 : സിബിഎസ്ഇ പത്താം ക്ലാസ് പരീക്ഷ ഫലങ്ങൾ ഇന്ന് ഉച്ചയ്ക്ക് 12 മണിക്ക് പ്രഖ്യാപിക്കും
CBSE 10th Result 2021 : സിബിഎസ്ഇ പത്താം ക്ലാസ് പരീക്ഷ ഫലങ്ങൾ ഇന്ന് ഉച്ചയ്ക്ക് 12 മണിക്ക്
New Delhi : സിബിഎസ്ഇ പത്താം ക്ലാസ് പരീക്ഷ ഫലങ്ങൾ ഇന്ന് ഉച്ചയ്ക്ക് 12 മണിക്ക് പ്രഖ്യാപിക്കുമെന്ന് സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ അറിയിച്ചു. കഴിഞ്ഞ മാസം ജൂലൈ 30നായിരുന്നു CBSE 12-ാം ക്ലാസിന്റെ ഫലം പ്രഖ്യാപിച്ചത്. ഏകദേശം 18 ലക്ഷത്തോളം വിദ്യാർഥികളാണ് സിബിഎസ്ഇയുടെ പത്താം ക്ലാസ് ഫലത്തിനായി കാത്തിരിക്കുന്നത്.
സിബിഎസ്ഇയുടെ ഔദ്യോഗിക വെബ്സൈറ്റായ cbseresults.nic.in ൽ ഫലം ലഭിക്കുന്നതാണ്. ഫലം പ്രഖ്യാപിച്ചതിന് ശേഷം വിദ്യാർഥികൾക്ക് ഡിജിലോക്കറിലൂടെ മാർക്കുകൾ പരിശോധിക്കാവുന്നതാണ്. കോവിഡ് വ്യാപനത്തെ തുടർന്ന കേന്ദ്ര വിദ്യാഭ്യാസ മന്ത്രാലയം സിബിഎസ്ഇയുടെ പത്താം ക്ലാസ് പ്ലസ് ടു പരീക്ഷകൾ റദ്ദാക്കുകയായിരുന്നു.
തുടർന്ന് സുപ്രീം കോടതിയുടെ നിർദേശത്തെ തുടർന്ന് പ്രത്യേക മൂല്യനിർണയ മാനദണ്ഡം സൃഷ്ടിക്കുകയും ചെയ്തു. 100ൽ 20 മാർക്ക് ഇന്റേണൽ അസ്സെസ്മെന്റ് മാർക്കായും ബാക്കി 80 മാർക്ക് സ്കൂളിൽ വെച്ച് നടത്തിയ വിവിധ പരീക്ഷകളിലായി നേടിയ മാർക്കിന്റെ അടിസ്ഥാനത്തിലാണ് സ്കോറിങ്.
അതായത് പത്ത് മാർക്ക് അധ്യേന വർഷത്തിലെ ഇടവേളകളിലായി നടത്തുന്ന യൂണിറ്റ് ടെസ്റ്റ് പോലെയുള്ള പരീക്ഷകളിൽ സ്കോറുകളുടെ അടിസ്ഥാനത്തിൽ. ബാക്കിയുള്ള 70 മാർക്കിൽ 30 മാർക്ക് അർധ വാർഷിക പരീക്ഷയുടെ നേടിയ സ്കോറിന്റെ അടിസ്ഥാനത്തിലാണ്. ബാക്കിയുള്ള 40ത് മാർക്ക് ബോർഡ് മുമ്പ് നടത്തിയ പരീക്ഷ നേടിയ സ്കോറിന് അനുസരിച്ചാണ്.
സിബിഎസ്ഇ പരീക്ഷയുടെറോൾ നമ്പർ കണ്ടെത്തേണ്ടത് എങ്ങനെ?
1) ഔദ്യോഗിക വെബ്സൈറ്റായ cbse.gov.in സന്ദർശിച്ച് ‘CBSE Roll Number Finder 2021’ എന്ന ലിങ്കിൽ ക്ലിക്ക് ചെയ്യുക.
2) പത്താം ക്ലാസ് സെലക്ട് ചെയ്ത്, വിദ്യാർഥിയുടെ പേര്, അച്ഛന്റെയും അമ്മയുടെയും പേര്, ജനനത്തീയതി എന്നിവ നൽകുക.
3) അപ്പോൾ നിങ്ങൾക്ക് നിങ്ങളുടെ റോൾ നമ്പർ ലഭിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...