Dr Manmohan Singh: ഡോ. മൻമോഹൻ സിങ് ഇനി ഓർമ, യമുനാതീരത്ത് അന്ത്യവിശ്രമം; വിട നൽകി രാജ്യം

ന്യൂഡൽഹി: മുൻ പ്രധാനമന്ത്രി മൻമോഹൻ സിങ്ങിന് വിട നൽകി രാജ്യം. നി​ഗംബോധ് ഘട്ടിൽ പൂർണ ഔദ്യോ​ഗിക ബഹുമതികളോടെയായിരുന്നു സംസ്കാരം. രാഷ്ട്രപതി ദ്രൗപദി മുർമു, പ്രധാനമന്ത്രി നരേന്ദ്ര മോദി തുടങ്ങിയ പ്രമുഖർ അന്തിമോപചാരം അർപ്പിച്ചു. 'മൻമോഹൻ അമർ രഹേ' എന്ന മുദ്രാവാക്യം മുഴക്കിയാണ് കോൺ​ഗ്രസ് പ്രവർത്തകർ മുൻ പ്രധാനമന്ത്രിക്ക് അന്ത്യാഞ്ജലി അർപ്പിച്ചത്.

രാവിലെ എഐസിസി ആസ്ഥാനത്ത് പൊതുദർശനം നടത്തിയ ശേഷം വിലാപയാത്രയായാണ് ഭൗതികശരീരം സംസ്കാരം നടക്കുന്ന യമുനാ തീരത്തെ നി​ഗംബോധ് ഘട്ടിലേക്ക് കൊണ്ടുപോയത്. കോൺ​ഗ്രസ് അധ്യക്ഷൻ മല്ലികാർജുൻ ഖാർ​ഗെ, പ്രതിപക്ഷ നേതാവ് രാഹുൽ ​ഗാന്ധി, സോണിയാ ​ഗാന്ധി, സിദ്ധരാമയ്യ, പ്രിയങ്ക ​ഗാന്ധി, ഡികെ ശിവകുമാർ, കെസി വേണു​ഗോപാൽ എന്നിവർ അന്തിമോപചാരം അർപ്പിച്ചു.

കേന്ദ്ര നേതാക്കൾ, എംപിമാർ, കേരളത്തിൽ നിന്നുള്ള കോൺ​ഗ്രസ് നേതാക്കൾ തുടങ്ങിയവരും മുൻപ്രധാനമന്ത്രി മൻമോഹൻ സിങ്ങിന് അന്തിമോപചാരം അർപ്പിച്ചു. രാവിലെ എഐസിസി ആസ്ഥാനത്ത് പൊതു ദർശനം നടത്തിയിരുന്നു. തുടർന്ന് വിലാപയാത്രയായാണ് സംസ്കാരം നടക്കുന്ന യമുനാ തീരത്തെ നി​ഗംബോധ് ​ഘട്ടിലേക്ക് ഭൗതിക ശരീരം കൊണ്ടുപോയത്.