Drone Attack : ഗുജറാത്ത് തീരത്ത് ഇന്ത്യൻ കപ്പലിന് നേരെ ഡ്രോൺ ആക്രമണം

Indian Ship Drone Attack : അറബിക്കടലിൽ ഗുജറാത്ത് തീരത്ത് ഇന്ത്യൻ കപ്പലിന് നേരെ ഡ്രോൺ ആക്രമണം. ക്രൂ സംഘം ഉൾപ്പെടെ 21 ഇന്ത്യക്കാരുമായി കപ്പലിനെ നേരെ മിസൈൽ ആക്രമണം ഉണ്ടായിരിക്കുന്നത്. ആക്രമണത്തിൽ ആർക്കും പരിക്കേറ്റിട്ടില്ലയെന്നാണ് റിപ്പോർട്ടുകൾ സൂചിപ്പിക്കുന്നത്. വിവരം ലഭിച്ചതിന് തുടർന്ന് ഇന്ത്യൻ കോസ്റ്റ് ഗാർഡിന്റെ ഐസിജിഎസ് വിക്രം എന്ന കപ്പൽ ആക്രമണത്തിൽ പെട്ട കപ്പലിന്റെ അരികിലേക്ക് തിരിച്ചു. വിഎം ചെം പ്ലൂട്ടോ എന്ന ചരക്ക് കപ്പലിന് നേരെയാണ് ഡ്രോൺ ആക്രമണം ഉണ്ടായിരിക്കുന്നത്. പോർബന്ദർ തീരത്ത് നിന്നും 217 നോട്ടിക്കൽ മൈൽ ദൂരത്താണ് നിലവിൽ കപ്പൽ എന്ന് വാർത്ത ഏജൻസിയായ എഎൻഐ റിപ്പോർട്ട് ചെയ്യുന്നു.

ആക്രമണത്തിൽ പെട്ട കപ്പലുമായി ആശയവിനിമയത്തിനായി സർവലൈൻസ് സംവിധാനം ഏർപ്പെടുത്തിയതായി കോസ്റ്റ് ഗാർഡ് അധികൃതർ അറിയിച്ചു. സൗദി അറേബ്യയിൽ നിന്നും കർണാടകയിലെ മംഗലാപുരത്തേക്ക് അസംസ്കൃത എണ്ണയുമായി പോയതാണ് കപ്പൽ. ഈ കപ്പലിന് സമീപത്തുള്ള മറ്റ് കപ്പലുകളിലേക്ക് കോസ്റ്റ ഗാർഡ് ജാഗ്രത സന്ദേശം കൈമാറി.

ഡ്രോൺ ആക്രമണത്തിൽ കപ്പലിന്റെ ഓട്ടോമാറ്റിക് ഐഡന്റിഫിക്കേഷൻ സിസ്റ്റം തകരാറിലായി. ഇത് തുടർന്ന് കപ്പലിനെ ട്രാക്ക് ചെയ്യാനുള്ള സിഗ്നൽ നഷ്ടമായി. നിലവിൽ കപ്പലിനുള്ളിൽ പവർ ജെനറേഷൻ സിസ്റ്റം പ്രവർത്തിക്കുന്നുണ്ട്. കൂടതൽ പരിശോധനകൾ നടത്തി വരികയാണെന്ന് കോസ്റ്റ് ഗാർഡ് അധികൃതർ എഎൻഐയോട് പറഞ്ഞു.

കഴിഞ്ഞ കുറച്ച് ദിവസങ്ങൾക്ക് മുമ്പാണ് ഇന്ത്യൻ നാവികസേന അപഹരിക്കപ്പെട്ട മാൾട്ടയിൽ നിന്നു കപ്പലിൽ നിന്നും നാവികരെ രക്ഷപ്പെടുത്തിയിരുന്നു. ആര് കടൽക്കൊള്ളക്കാർ കപ്പലിൽ അനധികൃതമായി കയറിപ്പറ്റുകയായിരുന്നു.